12.10.2017 11:23
Иворъёс
Ньыль черкъёсы вуылоз Москваысь но быдэс Россей кунысь Патриарх Кирилл Удмуртиын дыръяз

Ньыль черкъёсы вуылоз Москваысь но быдэс Россей кунысь Патриарх Кирилл Удмуртиын дыръяз

Фото: patriarchia.ru
Ижкар / Удмуртиын

Москваысь но быдэс Россей кунысь Патриарх Кирилл Удмуртиысь куинь каръёсысь — Ижкарысь, Сарапулысь но Глазкарысь ньыль черкъёсы вуылоз. Со сярысь ивортэ Ижысь епархилэн пресс-службаез.

Ӟуч православи черклэн тӧроез элькунэ куинь нуналлы лыктоз — 13-тӥысен 15-тӥ коньывуонозь. 13-тӥ коньывуонэ 17 часын со Ижкарысь Александр Невский соборын вӧсяськон но 1993-тӥ арысен 2015-тӥ арозь Удмуртиысь митрополиен кивалтэм Николай митрополитлэн шайгу вылаз заупокойной лития ортчытоз.

14-тӥ коньывуонэ 10 часын Сарапулысь Пукро соборын литургиез нуоз. 16 часын Глазкарысь Спасо-Преображенской соборе, Глазкарысь епархие вуылоз но калыклы вазиськоз.

15-тӥ коньывуонэ 10 часын Ижкарысь Свято-Михайловской соборын вӧсяськон ортчытоз.

Патриарх Кирилл Удмуртие вуылон сярысь 6-тӥ коньывуонэ тодмо луиз. Та инлыкын со улосвыламы нырысьсэ лыктоз. Тодэ вайытом, патриарх интые сое 2009-тӥ арын бырйизы.

Партнеры

Загрузка...
Иворъёс

Удмурт но ӟуч фольклор чузъяськоз инкуазез утёнлы сӥзем концертын Ижкарын

11.10.2017 17:41