12.10.2017 17:31
Иворъёс
Калыкъёс эшъяськонлы сӥзем элькун фестиваль ортче Удмуртиын

Калыкъёс эшъяськонлы сӥзем элькун фестиваль ортче Удмуртиын

Фото: МБОУ Старозятцинской СОШ
Якшур-Бӧдья / Удмуртиын

25-тӥ коньывуонэ Якшур-Бӧдья ёросысь Тыло черкогуртын (Старые Зятцы) Калыкъёс эшъяськонлы сӥзем кыкетӥ элькун фестивальлэн йылпумъян люкетэз  ортчоз. Отчы Удмуртиысь 6–8 классын дышетскисьёслэсь кылдытэм командаос пыриськозы, вераз иворъёсъя «Удмуртия» агентстволы Тылоысь шорёзо школалэн кивалтӥсезлэн визьнодан ужъя воштӥсез Татьяна Нечунаева.

«Фестиваль Удмуртилэн кунлык нуналэзлы сӥземын. Со элькунамы улӥсь калыкъёслэсь лулчеберетсэс утён но азинтон понна, аслэсьтыд пӧртэм адямиосты валан-гажан сямъёс кылдытон понна малпамын
Татьяна Нечунаева

Татьяна Нечунаева верамъя, фестиваль кык люкетэн радъяське. Нырысетӥез котькуд мылкыд карись школаын нимаз мынэ: командаос Удмуртиын улӥсь калыкъёс сярысь тодон-валанъёс басьто, визитка дасяло, «Народы Удмуртии в лицах» фотоконкурслы туспуктэмъёс лэсьто.

Фестивальлэн кыкетӥ люкетаз 25-тӥ коньывуонэ пиналъёс Тылое люкаськозы. Отын командаос жюриез но учкисьёсты этнокультурая визиткаенызы тодматозы, элькунамы улӥсь калыкъёс сярысь тодон-валанзэс этношудонын возьматозы. Та вожвылъяськонъёсын сяна, командаос дасям туспуктэмъёссы понна балл утыны быгатозы. Нош этнопаркын соосты пӧртэм мастер-классъёс но ог-огенызы матэгес тодматскон возьмало.

Тылоысь шорёзо школалэн кивалтӥсезлэн воштӥсез ивортэмъя, кылем арен ӵошатыса, туэ фестивале пыриськыны мылкыд карись дышетсконниослэн лыдзы будӥз. Таяз арын ужрадэ 9 командаос куриськон лэзизы, соос пӧлын кылем аре пыриськымтэос но вань. Кылсярысь, Якшур-Бӧдья ёросысь дышетсконниос но Ува ёросысь Выль Мултан гуртысь школа итӥськизы.

Ватсалом, 2016-тӥ арын вормизы фестивальлэн кузёосыз, Тыло шоръёзо школаысь пиналъёс. Кыкетӥ инты Дэриысь нимысьтыз тодметъёсты мургес дышетонъя шоръёзо школалэн командаез басьтӥз, нош Можгаысь 6 номеро школаысь дышетскисьёс куинетӥ луизы. Соослы дипломъёс но кузьымъёс сётӥзы, нош кылемъёссэ сертификатъёсын пусйизы.

Партнеры

Загрузка...
Иворъёс

Пиналъёс понна йӧскалыккуспо лагерь ортчоз Ижкарын коньывуонэ

03.10.2017 18:06
Иворъёс

Удмуртиысь нылпи садъёс «Пичи Чеберайёс но Батыръёс» элькун фестивальлы дасяськыны кутскизы

05.10.2017 18:19