10.11.2017 17:23
Иворъёс
Россиын улӥсь калыкез лыдъян-гожтон 2020-тӥ арын ортчоз

Россиын улӥсь калыкез лыдъян-гожтон 2020-тӥ арын ортчоз

Фото: izh.ru
Москва / Россиын

Тодмо луиз, ку Россиын калыкез лыдъян-гожтон ужрадэз ортчытозы. Кунысь премьер-министрен Дмитрий Медведевен кинюртэм пуктэт кивалтэтлэн нимлыко сайтаз 9-тӥ шуркынмонэ шараямын.

2018-тӥ арын 1–31 коньывуонэ эскерон вылысь перепись ортчытозы. Отчы 550 сюрс пала адями пыриськоз. Солэн ужпумез — калыкез лыдъян-гожтонэз нуон программаосты но методикаосты эскеронэн но радъянэн герӟаськем ужпумъёсты сэрттон-пертчон.

Огъяросси переписез 2020-тӥ арын 1-тӥысен 31-тӥ коньывуонозь ортчытозы. Солы йылпумъянъёсъя оглом Россиын, Федерациысь улосвылъёсын, муниципал кылдытэтъёсын улӥсьёслэн лыдзы, соослэн мерлыко но экономика югдурзы, йӧслыксы, кылзы, дышетскемзы сярысь статистика басьтэмын луоз.

Калыкез лыдъян-гожтонэз радъян но ортчытон понна Росстат кылкутэ.

Россиын калыкез лыдъян-гожтон берлозэ 2010-тӥ арын 15–25 коньывуонэ ортчиз, куд-ог интыосын 1-тӥ оштолэзьысен 20-тӥ толсурозь. Солы йылпумъянъёсъя, Россиын ялан улӥсьёслэн лыдзы 142 миллион 900 сюрс адями луиз.


Партнеры

Загрузка...