12.11.2017 15:03
Иворъёс
Корка куашкан дыръя быремъёсты Ижкарын но Ува ёросын ватӥзы

Корка куашкан дыръя быремъёсты Ижкарын но Ува ёросын ватӥзы

Фото: Алексей Арзамасцев
Ижкар / Удмуртиын

Удмуртиын Ижкарысь Удмуртской урамысь корка куашкан дыръя быремъёсты ватӥзы. Оперативной штаблэн ужамезлы йылпумъянъёсъя, туннэ со сярысь ивортӥз Кар думалэн тӧроез Олег Гарин.

Солэн верамезъя, куиньзэ кӧснуналэ ватӥзы, мукетъёсыныз туннэ люкисько.

«Кык адями Ува ёросын ватэмын, витез — Ижкарын
Олег Гарин, Ижкар думалэн тӧроез

Ватонэн герӟаськем вань ужрадъёс коньдэтысь уксёен мынӥзы. Куд-ог предприятиос ас мылкыдзыя вазиськизы но дунтэк юрттэт ӵектӥзы.

Тодэ вайытом, Удмуртской ульчаысь 261 номеро юртлэн подъездэз газ пуштэмен сэрен 9-тӥ шуркынмонэ куашказ. Шимучырын сизьым адями быриз, соос пӧлын кык нылпиос.

Юртэз куашкатэмен янгыше уськытыса, ӝегатэмын 27 аресъем воргорон. Следстви ивортэмъя, со патераз чагыр эстӥськонэз юри лэзиз но ачиз кошкиз. 

Югдур сярысь иворъёсты лыдӟе «Ижкарын 9 этажъем коркалэн подъездэз куашказ» сюжетысь

Партнеры

Загрузка...
Иворъёс

Удмуртилэн тӧроез: нырысь-валысь дунъямъя, куашкам коркалэн куинез подъездъёсыз улыны уг ярало

12.11.2017 14:03
Иворъёс

Ижкарын куашкам юртын улӥсьёс понна оперативной штаб кык интыын ужалоз

12.11.2017 14:36