13.11.2017 16:00
Иворъёс
Ижкарын куашкам юртысь куиняз подъездын ваньбурлы ыштонъёс шараямын ӧвӧл

Ижкарын куашкам юртысь куиняз подъездын ваньбурлы ыштонъёс шараямын ӧвӧл

Фото: Григорий Фомин
Ижкар / Удмуртиын

Удмуртской урамысь 261 номеро юртысь нырысетӥ куинь подъездъёсысь ваньмыз сямен патеръёс эскеремын. Со сярысь туннэ, 13-тӥ шуркынмонэ, вераз Ижкар администрацилэн тӧроезлэн жилищно-коммунальной возёсъя воштӥсез Сергей Задорожный.

«Патеръёсын ваньбурлы ыштонъёс шараямтэ, ӟечлыкезлы умой дунъет сётэмын
Сергей Задорожный

Солэн верамезъя, толон 101 патер пӧлысь 91-зэ эскеризы. Мукетъёсызлэн кузёоссы со нуналэ лыктыны ӧз быгатэ. Туннэ эскеронъёс азьланьтӥсько. Чакласьёс ньыляз патеръёсы пыразы.

Озьы ик со подъездъёсын инженерной сӧзнэтъёс эскеремын. Шуныт лэземын. Улӥсьёс пыраку электротылэз ӝуатылӥзы. «Кезьыт но пӧсь ву сётон сӧзнэтъёс дась. Ортчытэмын тазатон ужъёс — юрт кӧня ке нунал ӵоже вутэк сылӥз. Сӧзнэтъёс ужаны дась», — пусйиз Сергей Задорожный. Солэн верамезъя, озьы ик эскеремын газ сётон тӥрлык, но чагыр эстӥськонэз берло, улӥсьёс пырем бере гинэ лэзёзы.

1–3 подъездъёсы калыкез берыктон сярысь пумкылъянэз арня пумозь кутыны кулэ — эскеронъёслы йылпумъянъёсъя.

Озьы ик юртлэсь ӟечлыксэ подвалаз но сигаз эскеро. Собере экспертъёс 4-тӥ но 6-тӥ подъездъёсты эскерыны кутскозы, соос золгес изъянмизы.

Югдур сярысь иворъёсты лыдӟе «Ижкарын 9 этажъем коралэн подъездэз куашказ» сюжетысь


Партнеры

Загрузка...
Иворъёс

Удмуртилэн тӧроез: нырысь-валысь дунъямъя, куашкам коркалэн куинез подъездъёсыз улыны уг ярало

12.11.2017 14:03
Иворъёс

Ижкарын куашкам юртын улӥсьёс понна оперативной штаб кык интыын ужалоз

12.11.2017 14:36