14.11.2017 09:51
Иворъёс
Удмуртиысь лэсьтӥськисьёс юрт куашкамен сэрен шугадӟонэ шедемъёслы улон инты арендае сётыны быгатозы

Удмуртиысь лэсьтӥськисьёс юрт куашкамен сэрен шугадӟонэ шедемъёслы улон инты арендае сётыны быгатозы

Фото: пресс-служба главы и правительства Удмуртии
Ижкар / Удмуртиын

Удмуртиысь тӧролэн куремезъя толон, 14-тӥ шуркынмонэ, улосвыл кивалтэтлэн тӧроез Ярослав Семёнов элькунысь лэсьтӥськисьёсын пумиськылӥз. Кызьы ивортэ кивалтэтлэн пресс-службаез, соос Ижкарысь Удмуртской урамысь 261 номеро юртын улӥсьёс понна переселенческой фонд кылдытонъя валче ужан амалъёс сярысь вераськизы.

Премьер-министрлэн кылъёсызъя, лэсьтӥськись компаниос шугадӟонэ шедем муртъёслы патеръёсты арендае сётыны быгато.

«Ми лэсьтӥськисьёслы лыдметъёс сётӥськомы, нош соос улон интыосын лыдметэз, кудъёсызъя ми дунын яке дунтэк аренда сярысь огкылъёс юнматыны быгатомы. Югдурез сэрттытозь-пертчытозь калык отын улыны быгатоз
Ярослав Семёнов, Удмуртиысь кивалтэтлэн тӧроез

Озьы ик со пусйиз, котькуд кулэяськисья ужпум нимаз эскериськоз шуыса.

Югдур сярысь иворъёсты лыдӟе «Ижкарын 9 этажъем коркалэн подъездэз куашказ» сюжетысь

Тодэ вайытом, чагыр эстӥськон пуштэмен сэрен укмыс этажъем куать подъездъем коркалэн 5-тӥ подъездэз куашказ. Озьы ик 4-тӥ но 6-тӥ подъездъёс изъянмемын. Нырысь-валысь чакланъёсъя, соос улыны уг ярало. Мукетъёсаз ваньбурлы изъянъёс шараямтэ.

Подъезд куашкамен сэрен сизьым адями быриз, соос пӧлын кык пиналъёс.

Юртэз куашкатэмен янгыше уськытэмын но ӝегатэмын 27 аресъем воргорон. Следстви ивортэмъя, со патераз газэз юри лэзиз но ачиз кошкиз.

Партнеры

Загрузка...
Иворъёс

Ижкарын куашкам юртысь куиняз подъездын ваньбурлы ыштонъёс шараямын ӧвӧл

13.11.2017 16:00