14.11.2017 11:12
Иворъёс
Дышетӥсь Пётр Давыдов: удмурт гуртмы пумен ӟучоме шуыса сюлэм бӧрдэ

Дышетӥсь Пётр Давыдов: удмурт гуртмы пумен ӟучоме шуыса сюлэм бӧрдэ

Фото: Наталья Еркешева
Ижкар / Удмуртиын

Удмуртлыкез ӝутонын но азинтонын трос аръёс ӵоже тыршемзы понна «Удмурт Кенешлэн» Данъян книгаяз пыртэм муртъёсты сӥё-дано пусйизы 9-тӥ шуркынмонэ Ижкарын  Пичи кенешлэн пумиськоназ. Одӥгез соос пӧлысь Дэри ёросысь Юсь шоръёзо школаысь удмурт кылъя но литературая дышетӥсь Пётр Давыдов.

Пиналъёс анай кылзэс мед яратозы шуыса, со урокъёссэ пӧртэм тунсыко амалъёсын радъяны тырше.

«Нырысь ик сюлэм бӧрдонмы милям — чылк-чылк удмурт гурт, удмурт школа, <…> пумен ӟучомиськом. Удмурт кыллы яратон мылкыд пыӵатыны тыршиськом пӧртэм шудонъёс пыр, электрон технологиосты пыӵатӥськом, тунсыкогес мед луоз шуыса, нылпиос мед кыстӥськозы
Пётр Давыдов

Дышетӥсьлэн верамезъя, сое Данъян книгае пыртон ивор шӧдтэк шорысь вал. Нош табере, сыӵе вылӥ дунъямзы бере, эшшо но ӟечгес ужано но вылӥ тубатъёсы тубоно, лыдъя Пётр Давыдов.

Таяз арын Данъян книгае дышетӥсьёс тросгес пыртэмын ке но, «Удмурт Кенеш» огазеяськонлэн азьвыл кивалтӥсьёсыз но вунэмын ӧвӧл. Туэ Ижкарысь Октябрь ёросысь ёзэтэзлэн нырысетӥ кивалтӥсез Земфира Петрова пусъемын.

Солэн верамезъя, ужез кутскыку тужгес секытэз вал — калыкез люкан.

«Мыным таӵе листок сётӥзы, кин правление пыре, кудаз 3–4 адями гинэ ужасез вал. И всё. Со листокысен ик ужаны кутским. Нырысь ик план лэсьтыны пичияк. Собере съёздъёсын ужакумы, отын ведь сёто мар лэсьтыны. Со съездлэсь куремзэ быдэстыны выримы», — тодэ ваиз Земфира Петрова.

Со ёзэтэн кивалтыку ик правление тодмо адямиос пыризы. Соос пӧлын физика но математика тодосъёсъя доктор, профессор Леонид Загребин, Удмуртиысь культура удысысь дано ужась, крезьгурчи Геннадий Корепанов, эм тодосъя кандидат Елена Ботникова но мукетъёсыз.

«Мон просто пештырскылӥ вал, малпасько: собыдӟа калык, сыӵе бадӟым калык, кызьы мон соосын верасько. Но сыӵе умой адямиос вылэм. Котьку мон юасько вал, мон ноку но критикалэсь уг кышкаськы вал, шуисько вал: ойдолэ, вералэ, кызьы ужалом, кытын уродзэ лэсьтӥмы, кытын умойзэ лэсьтӥмы. Зэмзэ но, коллектив сплоченной вал, ми ужамы, трос маке со лэсьямы
Земфира Петрова

Кылсярысь, 1992-тӥ арын Октябрь ёросэ гуртъёс ватсаськизы, соосын нырысьсэ ужаны кутскиз «Удмурт Кенешлэн» та ёросысь ёзэтэз: концертъёсын ветло, Удмурт кырӟанъя фестивальёс ортчытъяло вал. Озьы ик нырысьсэ ёросын улӥсьёслы Киров нимо паркын «Гербер» праздник радъямын вал.

«Ойдолэ, шуисько кар ёзэ поттом. Секыт, шуисько, ёросын озьы лэсьтыны, малы ке шуоно отчы быдэс кар лыктэ ни. Тон ёрослы лэсьтӥськод, нош со быдэс карлы луэ. Тӥни отысен со кар ужрад пӧрмиз ни, со Герберъёс» — вера Земфира Петрова.

Ватсалом, Ижкарысь Октябрь ёросысь «Удмурт Кенешлэн» ёзэтэныз со 12 ар кивалтӥз.

Пусъёмы, «Удмурт Кенеш» огазеяськонлэн Данъян книгаяз котькуд ар выль нимъёс ватсасько. Туэ отчы эшшо 5 ним пыриз.

Тодэ вайытом, Пичи кенешлэн пумиськоназ нимысьтыз вераськизы удмурт кылэз школаосын дышетон сярысь. Та ужпумъя юанъёслы валэктонъёс сётыны Пичи кенешлэн пумиськоназ Дышетонъя но тодосъя министерствоысь йӧскалык дышетонъя ёзэтлэн кивалтӥсез Валентина Корепанова ӧтемын вал.

Партнеры

Загрузка...
Иворъёс

«Пичи Чеберайёс но Батыръёс» элькун фестиваль йылпумъяськиз Удмуртиын

13.11.2017 12:15
Иворъёс

Кузьма Куликовез 80 аресэныз ӟечкылазы Ижкарын

13.11.2017 18:06
Иворъёс

Устоосыз авторъёс Удмуртиысь кивалтэтлэсь литературая премиоссэ басьтӥзы

13.11.2017 18:27