14.11.2017 12:15
Иворъёс
3 миллион манетлэсь трос коньдон люказы Ижкарын юрт куашкам сэрен шугадӟонэ шедемъёслы

3 миллион манетлэсь трос коньдон люказы Ижкарын юрт куашкам сэрен шугадӟонэ шедемъёслы

Фото: Алексей Арзамасцев
Ижкар / Удмуртиын

Ижкарысь Удмуртской урамысь трос этажъем коркалэн подъездэз куашкам сэрен шугадӟонэ шедемъёслы юрттон вылысь кунмуртъёс но компаниос 14-тӥ шуркынмонлы 3 миллион манетлэсь трос коньдон люказы. Со сярысь ивортэ «Сообщество» фонд.

«Шимучыр карез но отын улӥсьёсты огазеяз. Шугадӟонэ шедемъёслэсь секыт югдурзэс валаса, калык мылысь-кыдысь юрттыны, улон интытэк но тужгес кулэ котыртэк кылемъёслы дурбасьтыны. Мон сямен, со тужгес валтӥсез
Иван Черезов, «Сообщество» фондлэн кивалтӥсез

Люкам коньдонэз оперативной штаблэн ивортэтъёсызъя люкылозы, отчы куашкам юртын улӥсьёслэн кулэяськонъёссы вуо но эскерисько. Вуэм коньдон но сое сётъян сярысь ивортонэз фондсообщество.рф сайтын шараялозы.

Тодэ вайытом, чагыр эстӥськон пуштэмен сэрен укмыс этажъем куать подъездъем коркалэн 5-тӥ подъездэз куашказ. Озьы ик 4-тӥ но 6-тӥ подъездъёс изъянмемын. Нырысь-валысь чакланъёсъя, соос улыны уг ярало. Мукетъёсаз ваньбурлы изъянъёс шараямтэ.

Подъезд куашкамен сэрен сизьым адями быриз, соос пӧлын кык пиналъёс.

Юртэз куашкатэмен янгыше уськытэмын но ӝегатэмын 27 аресъем воргорон. Следстви ивортэмъя, со патераз газэз юри лэзиз но ачиз кошкиз.

Югдур сярысь иворъёсты лыдӟе «Ижкарын 9 этажъем коркалэн подъездэз куашказ» сюжетысь

Коньдон келяны луэ таӵе реквизитъёсъя:

ФОНД ПОДДЕРЖКИ МЕСТНЫХ ИНИЦИАТИВ «СООБЩЕСТВО»

ИНН 1841072661

ОГРН 1171832017499

КПП 184101001

БИК 049401601

К/с 30101810400000000601

Р/с 40703810368000000540

ПАО Сбербанк 8618/0312 номеро ёзэт, 426057, Ижкар, Ленин урам, 6

Кытчы чурын гожтоно «Пожертвование для пострадавших жителей дома в г. Ижевск».

Озьы ик 7715 вакчи номере смс-ивортон келяны луэ, текст — «Ижевск ХХХ», кытын ХХХ — коньдонлэн быдӟалаез.

Партнеры

Загрузка...
Иворъёс

Ижкарын куашкам юртысь куиняз подъездын ваньбурлы ыштонъёс шараямын ӧвӧл

13.11.2017 16:00
Иворъёс

Удмуртиысь лэсьтӥськисьёс юрт куашкамен сэрен шугадӟонэ шедемъёслы улон инты арендае сётыны быгатозы

14.11.2017 09:51