30.11.2017 12:24
Иворъёс
Ӟуч кылын шонер гожъяськыны быгатэмез эскеронлы текст гожтоз Гузель Яхина

Ӟуч кылын шонер гожъяськыны быгатэмез эскеронлы текст гожтоз Гузель Яхина

Фото: Григорий Фомин
Ижкар / Удмуртиын

2018-тӥ арын «Тотальной диктант» ужрадлы текстэз гожтоз Россиысь тодмо гожъясь Гузель Яхина. Со сярысь ялӥзы 29-тӥ шуркынмонэ лулчеберетъя дунневыл акцилэн пресс-конференцияз.

Ӵектослэн пресс-службаез ивортэмъя, «Утро», «День» но «Вечер» нимын текстъёсын немец кылъя дышетӥсьлэн одӥг нуналэз сярысь вераськон мынэ.

«Диктантлы текст гожтон мон понна чылкак выль уж. Ювелир уж — со тужгес тупамон ӵошатон, куке котькуд орфограмма, котькуд пус кылосбурчилэн «микроскопез» улын эскериське. Мон валай, диктант гожтон нунал — со айсберглэн йылыз гинэ: солэсь азьвыл но со бере тодосъя туж бадӟым эскерон уж нуиське
Гузель Яхина

Ӟуч кылын диктант 2018-тӥ арын 14-тӥ оштолэзе ортчоз. Йылпумъянъёс юри шонертэмын медаз луэ шуыса, быдэс дунне дырызъя куиньлы люкиське, котькудаз текстлэн ас люкетэз луоз.

«Тотальной диктантэн» одӥг нуналэ «Бадӟым удмурт диктант» ортчоз. Кызьы веразы ивортодэтъя «Удмуртия» агентстволы радъясьёсыз, текст Кузебай Гердлэн вордскем дырысеныз 120 ар тырмонлы сӥземын луоз. Сое гожтыны куризы удмурт югдытӥсьлэсь улонзэ но творчествозэ трос эскерем тодосчиез Александр Шкляевез.

Ватсалом, та дыре «Тотальной диктантлэсь» шоркарзэ быръён понна куара сётон мынэ. Ужрадлэн нимлыко сайтаз мылкыдъёсты вераны луэ 26-тӥ толсурозь. Вормисез 27-тӥ толшоре ялозы. Вуоно арын 14-тӥ оштолэзе ӵапак со карын текстэз ачиз автор лыдӟоз.

Тодэ вайытом, таяз арын оштолэзе ӟуч кылын диктантэз Ижкарын 2 сюрлэсь трос адями гожтӥз. Куинь каръёс но куинь шуръёс сярысь текстлэн авторез вал Леонид Юзефович.

Бадӟым удмурт диктантэз 755 адями гожтӥз. Со пӧлысь 22-ез ужез витьлы быдэстӥзы. Ужрадлы «Кызьы мон кышкамысь дугдӥ» нимын пичи верос гожтӥз вал биологи тодосъя доктор Виктор Туганаев.

Партнеры

Загрузка...
Иворъёс

Удмуртиысь анай кылъя устоез дышетӥсь Лудорвай школаысь Надежда Мерзлякова луиз

28.11.2017 18:11
Иворъёс

Егитъёслэн «Удмурт-а мон?» форумазы Ижкаре 150 пала адями люкаськоз

29.11.2017 16:58