01.12.2017 17:54
Иворъёс
«Удмурт-а мон?» форум: мар возьмало солэсь егитъёс

«Удмурт-а мон?» форум: мар возьмало солэсь егитъёс

Фото: Наталья Еркешева
Ижкар / Удмуртиын
Удмурт егитъёслэн «Удмурт-а мон?» улосвылкуспо форумазы люкаськем егитъёс азязы портэм ужпумъёс пуктӥзы. Тросэз калыкез асьсэ ӵектосэнызы тодматыны лыктӥзы. Вань сыӵеосыз но, кин тодон-валан басьтыны шуыса вуиз. 

Кировысь Андрей Болтачев Ижкаре нимысьтыз форуме пыриськон понна вуиз. Пияшлэн ужез программированиен герӟаськемын, та удысын со трос финн-угор проектъёс бордын тыршылӥз. Ачиз Андрей удмурт кылэз бадӟым луыса гинэ, 20 арес котырын, дышетыны кутскиз. Удмуртлык борды кыстӥськемзэ егит программист выжыосыныз герӟа — солэн песятаез удмурт вылэм. 
«Форумлэсь возьмасько аслэсьтым кругозорме паськытатыны, шуод-а, мар-а, собере выль адямиосын тодматскыны, сотэк нокытчы, кыӵе ке ваньмон дырмы трос ик ӧвӧл ке но. Собере шедьтыны сыӵе адямиосты, кудъёсыз лэсьто мон кадь сыӵе ик проектъёсты
Андрей Болтачев
 
Эшшо одӥгез форуме пыриськись, Дэри ёросысь Венья гуртысь дышетӥсь Ольга Кендерева егитъёслэн ужрадазы дышетскон поннагес лыктӥз. Ольга верамъя, секциын ужаса солэн эшшо но тросгес юанъёсыз кылдӥзы. Дышетӥсь малпамъя, со туж умой. 
«Мынам йырам ваньмыз сураськиз. Соиз, мон малпасько, умой. Мынам азьпалам трос сюлмаськонъёс кылдӥзы али, трос малпанъёс. Созэ, мон малпасько, умой. <…> милям куратормы вал тодӥсь-валась адями (Юрий Перевозчиков, Удмуртиысь лулчеберет кылёсбурез кун ласянь утёнъя агентстволэн кивалтӥсез — ред.) котырез умоятонъя кыӵе адӟонъёсыз солэн вал, со милемлы валэктӥз
Ольга Кендерева

Тодэ вайытом, таяз арын «Удмурт-а мон?» форум ӵектосъёс кылдытонлы сиземын. Ужрадын портэм оръёсъя секциос радъяськизы: дышетон, лулчеберет, туризм, ивортодэт вӧлмытон ёзэсъёс но котырез умоятон. Котькудӥз пыриськись аслэсьтыз кичӧлтонъёссэ возьматыны быгатӥз, нош тужгес устооссэ проектъёсты коньдонэн юрттыны быгатӥсь адямиослы ӵектӥзы.

Партнеры

Загрузка...
Иворъёс

Удмурт егитъёслэн «Удмурт-а мон?» улосвылкуспо форумзы усьтӥськиз Ижкарын

01.12.2017 11:38
Иворъёс

Егитъёслэн эскеронъёсъя финн-угор экспедицизы ортчоз Удмуртиын

01.12.2017 14:41
Иворъёс

Удмурт но пор кырӟасьёсын пумиськон ортчоз арянуналэ ӝытазе Мускоын

01.12.2017 17:08