04.12.2017 17:27
Иворъёс
Мер огазеяськонъёслэсь ужзэс эскеризы Удмуртиысь поръёслэн ӧтчамазы

Мер огазеяськонъёслэсь ужзэс эскеризы Удмуртиысь поръёслэн ӧтчамазы

Фото: vk.com (Дом Дружбы народов / Калыкъёслэн Эшъяськон юртсы)
Ижкар / Удмуртиын

2-тӥ толсуре Ижкарын Удмуртиысь поръёслэн 7-тӥ ӧтчамазы ас выжы калыксылэн мер огазеяськонъёссылэсь ужамзэс эскеризы. Пумиськонэ асьме элькунысь муниципал кылдытэтъёслэн делегациоссы, Марий Элысь, Башкортостанысь, Татарстанысь но Киров улосвылысь ыстэм муртъёс пыриськизы, ивортэ Калыкъёслэн эшъяськон юртсылэн пресс-службаез.

Ӧтчамлэн делегатъёсызлы но куноослы пумитан кылъёсын вазиськизы Удмуртиысь йӧскалык политикая министр Лариса Буранова, Марий Элысь Лулчеберетъя, печатья но йӧскалык ужъёсъя министрлэн воштӥсез Галина Ширяева но «Россиысь поръёслэн йӧскалык лулчеберетъя федерал автономизы» мер огазеяськонлэн кенешезлэн тӧроез Лариса Яковлева.

Кызьы вераз ивортодэтъя «Удмуртия» агентстволы ӧтчамлэн делегатэз, Ижкарысь поръёслэн азьветлӥсьсы Николай Ямаков, макем трос йӧскалык огазеяськонъёс, сокем ӟечгес мерлыко ужъёс но лэсьтӥськозы.

«Мед луоз со йӧскалык лулчеберетъя яке огшоры мер огазеяськонъёс. Али вань улон — кыӵе ке но ӵошатскон, озьы ук. Кык огазеяськонъёс луиз ке, адямиос адӟозы, кудӥз умойгес ужа. <…> Со ӵошатскон гочатэ кадь-а, мар-а
Николай Ямаков

Удмуртиысь поръёслэн огазеяськонъёссылэн ужамзы сярысь ивортон лэсьтӥз элькунысь поръёслэн лулчеберетъя йӧскалык автономизылэн кивалтӥсез Анатолий Радыгин. Со нимысьтыз саклык висъяз Удмуртиын пор калыклэсь лулчеберетсэ утён но азинтон понна радъяськылӥсь ужрадъёслы. Соос пӧлын «Семык» йӧскалык праздник, пор кырӟанъёсты быдэстӥсьёслэн вожвылъяськонзы, пор лулчеберетъя элькун фестиваль но мукетъёсыз.

Озьы ик, ӧтчаме люкаськемъёс Марий Элэн кусыпъёсты выльдон луонлык сярысь но кенешизы. Ортчем ужрадлы огъя йылпумъянъёс лэсьтыса, Николай Ямаков пусйиз, эскерем ужъёссы туж паськытэсь вал шуыса.

«Милям отын куинь секция вал ук. Тани егитъёслэн вал, дышетонъя секция вал но мерлыко ужъёс сярысь кенешим. Туж трос пӧртэм малпанъёс вал», — шуиз Николай Ямаков.

Ӧтчам нунал Марий Элысь творчествоя коллективлэн возьматонэныз йылпумъяськиз.

Удмуртиын 9 сюрс 500 поръёс уло, со пӧлысь 3 сюрс 800 адями — каръёсын, 5 сюрс 700 адями — гурт ёросъёсын. Удмуртиын улӥсь калыкъёс пӧлын поръёс лыдзыя ӟучьёс, удмуртъёс, бигеръёс но украинецъёс бере мыно. Нош Каракулино, Грак но Алнаш ёросъёсын улӥсьёс пӧлын соос бадӟым процентэз луо. 


Партнеры

Загрузка...
Иворъёс

Удмуртиысь спортъя министр луиз Наталья Гольцова

04.12.2017 09:54
Иворъёс

Удмурт егитъёслэсь устооссэ ӵектосъёссэс быдэстыны коньдон висъялозы Удмуртиын

04.12.2017 11:38
Иворъёс

Йӧл кысконъя Удмуртия Россиын 3-тӥ инты басьтэ

04.12.2017 12:59