15.03.2017 14:47
Иворъёс
241 участок усьтозы Удмуртиын «Единая Россия» партилэн праймеризаз

241 участок усьтозы Удмуртиын «Единая Россия» партилэн праймеризаз

Фото: Ульяна Колмогорова
Ижкар / Удмуртиын

«Единая Россия» партилэн праймеризаз Удмуртиын 241 участокез усьтозы. Элькунысь быръёнъёсъя вань участокъёс пӧлысь со 20 процентэз луэ, вераз 15-тӥ южтолэзе ортчем пресс-конференциын «Единая Россия» партилэн улосвыл ёзэтэзлэн секретарез Владимир Невоструев.

Кун Кенеше быръёнъёс азьын нырысь-валысь куара сётонэ пыриськыны куриськонъёсты кутонэз партия кутскиз ни. Та дырлы 26 мылкыд карисьёс пусъемын. Кылсярысь, праймеризэ пыриськыны малпало «Ижсталь» огазеяськонысь валтӥсь юрист Сергей Лукьянчиков, Удмуртиысь Кун Кенешлэн витетӥ ӧтчамысьтыз тӧроезлэн нырысетӥ воштӥсез Светлана Кривилёва, «Ижнефтемаш» огазеяськонысь ванёсъёсты утёнъя директор Игорь Сухоруков, «ЖРП8 ГРУПП» огазеяськонлэн кивалтӥсез Фарит Губаев, нимысьтыз лэсьтӥськонъя 8 номеро интывылъя валтӥсь управленилэн кивалтӥсез Алексей Прасолов, улосвыл парламентлэн витетӥ ӧтчамысьтыз тӧроезлэн воштӥсез Софья Широбокова но мукетъёсыз.

«Али чакласькомы 300–500 пыриськисьёс луозы шуыса», — вераз Владимир Невоструев.

Оштолэзе праймеризэ пыриськисьёс понна дебатъёс кутскозы. Тодмо ни сизьым темаос, кудъёсызъя вераськозы депутатэ кандидат луыны быгатӥсьёс. Соос пӧлын — агропром огъет, тазалыкез утён, экономика. Со сяна, улосвылэн герӟаськем темаос но ватсаськыны быгатозы на. Вань кандидатъёс понна одно быдэстоно курон пуктэмын — ӧжытсэ кык дебатъёсы пыриськоно. Ваньмыз соос интернет пыр возьматӥськозы.

Нырысь-валысь куара сётонэ пыриськон понна котькуд нунал 3–4 куриськонъёс вуо.

Тодэ вайытом, Удмуртиын праймериз нырысьсэ ортчиз 2016-тӥ арын. Соку быръён участокъёсы элькунын улӥсь 105 сюрс адями ветлӥз.

Партнеры

Загрузка...
Иворъёс

«Единая Россия» партилэсь праймериззэ ортчытонъя улосвыл оргкомитет кылдытӥзы Удмуртиын

15.02.2017 11:06
Иворъёс

1 миллиард 300 миллион манет пала висъялозы Удмуртиысь федерал сюресъёсты азинтон понна 2017-тӥ арын

15.03.2017 11:45