Вторник, 25 апреля 2017
Ижевск +5 °C
USD 55.85EUR 60.79
17.04.2017 10:05
Новости
Удмуртилэн тӧроезлэсь ужзэ быдэсъясь Балезиноын кенешон ортчытыны чакла

Удмуртилэн тӧроезлэсь ужзэ быдэсъясь Балезиноын кенешон ортчытыны чакла

Фото: Алёна Селезнёва
Ижкар / Удмуртиын

Удмуртилэн тӧроезлэсь ужзэ быдэсъясь Александр Бречалов Балезиноын кенешон ортчытыны чакла. Со сярысь кивалтӥсь вераз аппарат кенешонын 17-тӥ оштолэзе.

«Нырысь-валысь чакланъёсъя 22-тӥ оштолэзе ми отын быдэс нунал луомы. Кенешон ортчытомы но тудву кошкон пумысен вераськомы. Администрациен ужпумъёсты эскеромы, нош соос трос: вулэн вадесгожысеныз кутскыса, пиналъёсын луэм учырозь. Отын трос сюлмаськонъёс люкаськемын, администрацилэсь но вань чиновникъёслэсь интыввлэн кивалтыны, кылкутыны дасьлыксэс валаны кулэ», — пусйиз Александр Бречалов.

Кызьы вераз кенешонын Россиысь МЧС-лэн элькунъя Валтӥсь управлениезлэн кивалтӥсез Пётр Фомин, 9-тӥ оштолэзе Балезиноын, Кожиль но Кестым гуртъёсын улӥсьёс вуысь урод зын потэ шуыса ӝожтӥськизы. Со нуналэ ик ёрос администраци ву ваёнэз радъяз.

Каргуртын школаосты но нылпи садъёсты огдырлы ворсазы. Юон вуэ тросгес хлор ватсазы, гумыосты гылтӥзы но тазатӥзы. Со сяна, ёросын пиналъёслы А гепатитлы пумит прививка пуктылыны кутскизы.

Ву уродмон мугъёс али эскерисько.

Партнеры

Загрузка...
Журналист утчаськомы