Суббота, 27 мая 2017
Ижевск +14 °C
USD 56.76EUR 63.67
17.04.2017 14:23
Новости
Татьяна Ишматова: Удмуртилэн тӧроезлэсь ужзэ огдырлы быдэсъясен пумиськонэз удмурт гуртын ортчыны малпаськомы

Татьяна Ишматова: Удмуртилэн тӧроезлэсь ужзэ огдырлы быдэсъясен пумиськонэз удмурт гуртын ортчыны малпаськомы

Фото: пресс-служба главы и правительства Удмуртии
Ижкар / Удмуртиын

Удмуртилэн тӧроезлэсь ужзэ быдэсъясь Александр Бречалов 14-тӥ оштолэзе «Удмурт Кенеш» огазеяськонлэн тӧроеныз Татьяна Ишматоваен пумиськонын йӧскалык движенилэн азьветлӥсьёсыныз тодматскыны мылкыдзэ вераз. Сыӵе пумиськонэз удмурт гуртын радъяны малпаськомы, вераз иворъёсъя «Удмуртия» агентстволэн корреспондентэзлы Татьяна Ишматова.

«Ми кенешим, одно ик пумиськыны кулэ активенымы шуыса. Тодматскон вылысь но, со дыре ик со ужпумъёсъя, кудъёсыз туннэ сюлмаськыто асьме удмурт интеллигенцимес, удмурт калыкмес. Сыӵе пумиськонэз радъяломы кытын ке но удмурт гуртын, кивалтӥсьлэн та юанъёсъя валанэз мед кылдоз шуыса. Собере солэн тодматскемез потэ бере элькунэн, со озьы ик тодматскыны быгатэ гуртъёсын но, пумиськыны со калыкен но, кудӥз улэ гуртъёсын. Сыӵе мылкыдын вазиськиз, малпасько со туж шонер. Удмурт гуртэ потыса, вераськонэз азинтыны удмурт калык сярысь но», — вераз Татьяна Ишматова.

Солэн кылъёсызъя, пумиськон куартолэзьлэн кутсконаз ортчыны быгатоз. Чакланъёсъя вуоно арняе «Удмурт Кенешлэн» исполкомаз гуртэз быръёзы, эскероно ужпумъёсты пусъёзы.

«Та пумиськон дыръя ик со нимысьтыз куриз на ай ӝутыны со юанъёсты, кудъёсыз герӟаськемын егитъёсын, нылкышноосын. Со тодэ, вань удмурт огазеяськонъёс ӵош ужало шуыса, соосты сюлмаськытӥсь юанъёс но мед чузъяськозы шуыса. Со дыре ик оскытӥз, юанъёс, кудъёсыз герӟаськемын йӧскалык политикаен, удмуртлыкен, соос луозы солэн на контроле шуод-а, мар-а. Кун со понна кылкутыны кулэ озьы ик, со мер огазеяськонлэн гинэ кылкутонэз ӧвӧл. Йӧскалык элькун бере, асьмеос одӥг кыл шедьтыса ужаны кулэ та ужпумъёсъя», — пусйиз «Удмурт Кенешлэн» тӧроез.

Татьяна Ишматовалэн верамезъя, нырысетӥ пумиськон умой мылкыд кельтӥз. Шӧдӥськиз, Александр Бречалов «Удмурт Кенешлэн» ужаменыз, солэн финн-угор дуннеен кусыпъёсыныз азьвыл ик тунсыкъяськем шуыса.

Партнеры

Загрузка...
Журналист утчаськомы
Иворъёс

Удмуртилэн тӧроезлэсь ужзэ быдэсъясь Балезиноын кенешон ортчытыны чакла

17.04.2017 10:05
Иворъёс

Вить учырын урмон висён шараязы Пичи Пурга ёросын ар кутсконысен

17.04.2017 10:43