Суббота, 27 мая 2017
Ижевск +14 °C
USD 56.76EUR 63.67
18.04.2017 12:24
Новости
Удмуртилэн тӧроезлэсь ужзэ огдырлы быдэсъясь: Пичи Пурга ёросын лукырес юртъёсын улӥсьёсты выжтыны коркаос куронъёсты тӥяса пуктэмын

Удмуртилэн тӧроезлэсь ужзэ огдырлы быдэсъясь: Пичи Пурга ёросын лукырес юртъёсын улӥсьёсты выжтыны коркаос куронъёсты тӥяса пуктэмын

Фото: Ульяна Колмогорова
Пичи Пурга / Удмуртиын

Удмуртилэн тӧроезлэсь ужзэ огдырлы быдэсъясь Александр Бречалов 18-тӥ оштолэзе Пичи Пурга ёросэ вуылӥз. Отын со куашкан калэ вуэм юртъёсын улӥсьёсты выжтон понна пуктэм коркаосты учкиз, ивортэ «Удмуртия» агентстволэн корреспондентэз.

Кечёвоысь Железнодорожной урамын юрт 2016-тӥ арын толсуре вуттэмын вал. Но калык отчы выжыны пумит луэ, борддоръёсты пурысьтам басьтэ, кытӥ-отӥ пилиськылэмын. Корка кык этажъем ке но, туалетэз ӧвӧл. Выль юртэ одӥг семья гинэ пырыны дӥсьтӥз, соос но кышкало ни.

Удмуртилэн тӧроезлэсь ужзэ огдырлы быдэсъясь пусйиз, корка куронъёсты тӥяса пуктэмын шуыса. 

Фото: ИА "Удмуртия"

Сыӵегес ик югдур Пичи Пургаысь Колхозной урамысь ньыль юртъёсын. 2015-тӥ арын пуктэм коркаын улӥсьёс ӝожтӥсько, борддоръёс пилиськылыны кутскизы шуыса. Толалтэ патеръёсазы пыдкутчанъёссэс уг куяло, отын 13 градуслэсь шуныт уг луы шуо. Озьы ик юртын улӥсьёслэн верамзыя, соосты кужмысь сямен татчы потыны косӥзы. Куд-огез патеръёсазы ас кужыменызы тупатъян ужъёсты ортчытӥллям ни.

Фото: Ульяна Колмогорова

Александр Бречалов лэсьтӥськисьёслэсь юаз, выжысалзы-а соос асьсэос татчы шуыса. Соосыз номыр вераны ӧз быгатэ. Удмуртилэн тӧроезлэсь ужзэ огдырлы быдэсъясь югдурез тупатыны оскытӥз.

«Куашкан калэ вуэм юртъёсын улӥсьёсты выжтон пумысен туж трос вазиськонъёс вал <…> Ми выль лукырес корка шуиськомы, со вуж юртъёсын улӥсьёсты выжтыны пуктэмын, но отын улыны яг яра», — пусйиз Александр Бречалов ёрос администрациын ортчем кенешонын.

Фото: ИА "Удмуртия"

Удмуртиысь дыкужымъя, жилищно-коммунальной возёсъя но тарифъёсты кун ласянь радъянъя министр Иван Маринин вераз, али Кечёвоысь корка пумысен экспертиза куремын шуыса. Солэн кылъёсызъя, куашканы кышкытлык ӧвӧл, но тырмымтэос вань.

Александр Бречалов Пичи Пурга ёрослэн тӧроезлэсь Светлана Колодкиналэсь юаз, малы коркаосты пуктон дыръя лэсьтэм янгышъёсты шараяны кык ар кулэ луиз шуыса. Со та юртъёсты учкыны выльысь лыктыны оскытӥз.

Озьы ик улосвыл кивалтӥсь лэсьтӥськисьёслэсь ужамзэс курлаз но вань тырмымтэосты палэнтыны кулэ луозы шуыса пусйиз. Та ужъюгдурез чаклалозы Росси калык фронт ласянь Евгений Сомов но Удмуртиысь кивалтэт ласянь Иван Маринин.

Югдурез тупатонъя ӵектонъёсты дасян понна Александр Бречалов лэсьтӥськисьёслы одӥг арня сётӥз.

Элькунъя валтӥсь федерал инспектор Дмитрий Мусин Светлана Колодкинаез проектно-сметной ужкагазъёсты возьматыны но Пичи Пургаысь сэрттэм коркаос улысь музъемез кинлы сётэм сярысь ивортон лэсьтыны куриз. «Шӧдон вань, со музъемлы кин ке но синмаськем кадь», — вераз Дмитрий Мусин.

Ёросысь одӥгез депутат вераз, выль микрорайонэ ву гумыос кыскыны но сюрес лэсьтыны кулэ шуыса. Али отын 150 участокъёс. Депутат Александр Бречаловлы вань кулэ ужкагазъёсты сётӥз.

Партнеры

Загрузка...
Журналист утчаськомы
Иворъёс

Ужтэк кылемъёслэн лыдзы Удмуртиын 2017-тӥ арын нырысетӥ кварталын кулэсмиз

18.04.2017 09:58