20.04.2017 10:57
Иворъёс
Удмуртилэн тӧроезлэн Росси азьмурт бордын ялан ужась ыстэм муртэзлэсь ужоскетъёссэ огдырлы быдэсъясе юнматэмын Михаил Хомич

Удмуртилэн тӧроезлэн Росси азьмурт бордын ялан ужась ыстэм муртэзлэсь ужоскетъёссэ огдырлы быдэсъясе юнматэмын Михаил Хомич

фото: пресс-служба главы и правительства удмуртии
Москва / Россиын

Удмуртилэн тӧроезлэн Росси азьмурт бордын ялан ужась ыстэм муртэзлэсь ужоскетъёссэ огдырлы быдэсъясе юнматэмын Михаил Хомич. Со сярысь 19-тӥ оштолэзе ивортиз элькун тӧролэн, но кивалтэтлэн пресс-службазы.

Азьвыл Михаил Хомич Сколковоысь менторъёслэн ассоциацизылэн но Москваысь Ломоносов нимо кун университетысь бизнес-инкубаторезлэн кивалтӥсьсы луыса ужаз. Озьы ик Хомич «Огъя Россия» партилэн вылӥ кенешаз пыриське.

Удмуртилэн тӧроезлэсь ужзэ огдырлы быдэсъясь Александр Бречалов верамъя, быдэстоно ужпумъёс пӧлысь нырысетӥез — Красноярскысь экономикая форумын Удмуртиез возьматон.

«Тужгес, но валтӥсез — Удмуртиез инвесторъёс понна тунсыко карон. Удмуртилэн тӧроезлэн Москваын Росси азьмурт бордын ялан ужась представительстволэсь ужзэ коня ке воштыны малпаськом. Соин выроз Михаил Хомич, кудизлэн тырмыт опытэз вань», — вераз Бречалов.

Удмурт кивалтэтэн Хомич 24-тӥ оштолэзе тодматскоз.

Тодэ вайытом, Светлана Смирнова интыужысьтыз кошкем бере, та ужен выризы Ирина Теслева но Андрей Никишин.

ВАТСАН

Михаил Хомич Вордскиз 1985-ти арын Владимир улосвылысь Муром карын. Дышетскемез выли. 2008-тӥ арын Москваысь Ломоносов кун университетысь экономикая факультетэз йылпумъяз. Экономика тодосъя кандидат, МГУ-ысь дышетӥсь. Марафонъёс бызьылэ но шахматаосын выре. «ВестиФМ» радиостанциысь «Займемся делом» программаезлэн авторез.

Партнеры

Загрузка...
Иворъёс

«Удмурт Кенеш» 22-тӥ оштолэзе Ижкарысь Кызьпу арамаысь жуг-жагез утялтыны ӧте

19.04.2017 16:25
Иворъёс

Шупшади гуртын улӥсь дышетскисьёс понна автобуслы дугдылонни кылдытыны малпало

19.04.2017 17:02