Воскресенье, 22 октября 2017
Ижевск -1°C
18.05.2017 10:54
Иворъёс
Удмуртилэсь тӧрозэ дырызлэсь вазь быръёнъёс 10-тӥ куарусёнэ ортчыны быгатозы

Удмуртилэсь тӧрозэ дырызлэсь вазь быръёнъёс 10-тӥ куарусёнэ ортчыны быгатозы

Фото: Григорий Фомин
Ижкар / Удмуртиын

Удмуртилэсь тӧрозэ дырызлэсь вазь быръёнъёс 10-тӥ куарусёнэ ортчыны быгатозы. Иворъёсъя «Удмуртия» агентстволэн корреспондентэзлы со сярысь веразы элькунысь Кун Кенешлэн пресс-службаяз.

Со пумысен пуктэтлэсь ӵектоссэ элькун парламентын эскерыны сётӥз кунэз лэсьтонъя но интыысь аскивалтонъя ӧри. Сое Кун Кенеше депутатъёсты озьы ик 10-тӥ куарусёнэ быръён сярысь ӵектосэн ӵош эскерозы.

Тодэ вайытом, Удмуртилэсь тӧрозэ 4-тӥ оштолэзе Александр Соловьёвез ӝегатӥзы. Солы пумит бадӟым взятка басьтон учыръя уголовной уж ӝутӥзы. Со нуналэ ик Россилэн азьмуртэз Владимир Путин улосвыл тӧролэсь ужзэ огдырлы быдэсъясе Александр Бречаловез юнматӥз.

«Единая Россия» партия ивортӥз ни, аслэсьтыз кандидатсэ праймериз пыр ӵектоз шуыса, нырысь-валысь куара сётонэз инвожо пумозь ортчытыны чакла.

Партнеры

Загрузка...