Понедельник, 21 августа 2017
Ижевск +24 °C
10.08.2017 15:01
Иворъёс
Ярослав Семёнов Удмуртиысь кивалтэтлэн тӧроезлэн воштӥсезлэсь ужзэ быдэсъясе юнматэмын

Ярослав Семёнов Удмуртиысь кивалтэтлэн тӧроезлэн воштӥсезлэсь ужзэ быдэсъясе юнматэмын

Фото: пресс-служба главы и правительства Удмуртии
Ижкар / Удмуртиын

Удмуртиысь тӧролэсь ужзэ огдырлы быдэсъясь Александр Бречалов элькун кивалтэтлэн тӧроезлэн воштӥсезлэсь ужзэ быдэсъясе Ярослав Семёновез юнматӥз. Со сярысь пуктэт 10-тӥ гудырикошконэ улосвыл тӧролэн но кивалтэтлэн сайтазы шараямын.

Улосвыл кивалтӥсьлэн внештатной кенешчиез (советникез) выль интыын ужзэ быдэсъяны кутскиз 9-тӥ гудырикошконысен.

Кивалтэтын Семёнов промышленностен, транспортэн, экологиен, дыкужымъя но эстӥськонъя огъетэн герӟаськем ужпумъёс понна кылкутоз.

ВАТСАН

Семёнов Ярослав Владимирович. 
Вордскиз Москваын 1978-тӥ арын 9-тӥ пӧсьтолэзе. Дышетскемез вылӥ. Россиысь Кунпуш ужъёсъя министерстволэсь Москваысь университетсэ «Юриспруденция» ӧнеръя йылпумъяз. 
1996–2000 аръёсы — Россиысь Ожгар кужымъёсын служба нуиз; 
2000–2006 аръёсы — Россиысь кунпуш ужъёсъя ёзэсъёсын служба нуиз; 
2006–2010 аръёсы — «РТВ-Подмосковье» телерадиокомпаниын валтӥсь юрисконсульт; 
2010–2012 аръёсы — «Монолит-ФундаментСтрой» акционер огазеяськонын юридик ёзэтлэн кивалтӥсез; 
2012–2013 аръёсы — «РАСЭН СТРОЙ» огазеяськонын валтӥсь юрисконсульт; 
2013–2015 аръёсы — «ПрогрессСтройИнжиниринг» огазеяськонын юридик ёзэтлэн кивалтӥсез;  
2015–2016 — Росси Федерациысь Мер палаталэн аппаратэзлэн кивалтӥсезлэн воштӥсез, эрикрадъя ёзэтлэн кивалтӥсез; 
2016–2017 аръёсы — Росси Федерациысь Мер палаталэн аппаратэзлэн кивалтӥсез; 
2017-тӥ арысь куартолэзьысен — Удмуртилэн тӧроезлэсь ужзэ огдырлы быдэсъясьлэн внештатной кенешчиез.


Партнеры

Загрузка...
Журналист утчаськомы
Иворъёс

Можга ёросын Вало шур вамен выжез лэсьтон ужъёсты йылпумъязы

09.08.2017 18:06
Иворъёс

Черк но купель кылдозы Удмуртиын Кам шур йылын

10.08.2017 14:08