14.11.2017 14:30
Иворъёс
Иван Маринин Удмуртиысь жилищно-коммунальной возёсъя министерствоысь кошке

Иван Маринин Удмуртиысь жилищно-коммунальной возёсъя министерствоысь кошке

Фото: Григорий Фомин
Ижкар / Удмуртиын

Иван Маринин Удмуртиысь дыкужымъя, жилищно-коммунальной возёсъя но тарифъёсты кун ласянь радъянъя министерствоен кивалтӥсьлэн интыужысьтыз кошке. Берло дыре отын со «ужзэ быдэсъясь» ватсэтэн ужаз. Ивортодэтъя «Удмуртия» агентстволы со сярысь веразы улосвыл тӧролэн но кивалтэтлэн пресс-службаязы.

Со ас мылкыд каремезъя кошке шуыса тодмо. Туннэ министерствоын берпуметӥ ужан нуналэз.

Дыкужымъя, жилищно-коммунальной возёсъя но тарифъёсты кун ласянь радъянъя министерствоен со 2014-т арысен кивалтэ, сое кылдытэм дырысен. Марининэз министре юнматӥз вал элькунлэн азьвыл тӧроез Александр Соловьёв.

Таяз арын оштолэзьысен, куке Удмуртиен Александр Бречалов кивалтыны кутскиз, Иван Маринин министрлэсь ужзэ быдэсъясь вал.

Тодэ вайытом, Александр Бречаловлэн кичӧлтэмезъя кивалтэтын воштӥськонъёс улсын жилищно-коммунальной возёсъя министерство но лэсьтӥськонъя министерство огазеямын луозы. Выль ёзсӧзнэт (структура) 2018-тӥ арын 1-тӥ толшорысен ужаны кутскоз.

ВАТСАН (udmurt.ru)

Маринин Иван Васильевич. 
Вордӥськиз Ижкарын 1976-тӥ арын 6-тӥ пӧсьтолэзе. 
1998-тӥ арын Удмурт кун университетэз «Финансы и кредит» ӧнеръя йылпумъяз. Экономика тодосъя кандидат. 
1996-тӥ арын — Ижкарысь Октябрь ёросъя Выт бичанъя кун инспекциын выт бичанъя кун инспектор;
1997-тӥ арын — Ижкарысь Октябрь ёросъя Выт бичанъя кун инспекциын выт бичанъя кун инспектор; 
1998–2001 аръёсы — Удмурт Элькунысь Тарифъёсъя но дунъёсъя кун комитетлэн дунъёсты но тарифъёсты эскеронъя но радъянъя ёзэтысьтыз нуись экономист, валтӥсь экономист, дыкужымъя но эстӥськонъя огъетын тарифъёсты радъянъя ёзэтлэн кивалтӥсез; 
2001–2002 аръёсы — Удмурт Элькунысь Дыкужымъя улосвыл ӧрилэн дыкужымъя но эстӥськонъя огъетын тарифъёсты радъянъя ёзэтэныз кивалтӥсь;  
2002–2003 аръёсы — Ижкар администрациысь Экономикая но карез азинтонъя управленилэн кивалтӥсез;  
2003–2007 аръёсы — «Городское жилищное управление — Управляющая компания ЖКХ г. Ижевска» муниципал ужъюртлэн управлениезлэн кивалтӥсезлэн нырысетӥ воштӥсез; 
2007–2014 аръёсы — Ижкар администрацилэн тӧроезлэн воштӥсез — жилищно-коммунальной возёсъя управленилэн кивалтӥсез, Ижкар администрацилэн тӧроезлэн жилищно-коммунальной возёсъя воштӥсез. 2014-тӥ арын — Удмурт Элькунысь лэсьтӥськонъя, архитектурая но улон инты политикая министрлэн нырысетӥ воштӥсез; 
2014–2015 аръёсы — Удмурт Элькунысь дыкужымъя, жилищно-коммунальной возёсъя но тарифъёсты кун ласянь радъянъя министрлэсь ужзэ быдэсъясь; 
2015–2017 аръёсы — Удмурт Элькунысь дыкужымъя, жилищно-коммунальной возёсъя но тарифъёсты кун ласянь радъянъя министр; 
2017-тӥ арын оштолэзьысен 2017-тӥ арын шуркынмонозь — Удмурт Элькунысь дыкужымъя, жилищно-коммунальной возёсъя но тарифъёсты кун ласянь радъянъя министрлэсь ужзэ быдэсъясь.

Партнеры

Загрузка...
Иворъёс

Удмуртиысь лэсьтӥськисьёс юрт куашкамен сэрен шугадӟонэ шедемъёслы улон инты арендае сётыны быгатозы

14.11.2017 09:51