04.12.2017 09:54
Иворъёс
Удмуртиысь спортъя министр луиз Наталья Гольцова

Удмуртиысь спортъя министр луиз Наталья Гольцова

Фото: UDMURT.RU
Ижкар / Удмуртиын

Удмуртиысь физкультурая, спортъя но егитъёсын ужан политикая министре автогонщица Наталья Гольцова юнматэмын. Со сярысь туннэ, 4-тӥ толсуре, ивортодэтъя «Сусанин» агентстволэн эфираз вераз улосвыллэн тӧроез Александр Бречалов.

Солэн кылъёсызъя, Гольцова интыуже шедён понна усьтэм конкурсын вормиз.

Тодэ вайытом, удысэтлэн азьвыл кивалтӥсез Игорь Краснов ужысьтыз кошкиз шуркынмон кутсконын.

Ватсан

Гольцова Наталья Владимировна. Вордӥськиз Ижкарын 1980-тӥ арын 14-тӥ гудырикошконэ.

Дышетскемез вылӥ. 2002-тӥ арын Удмурт кун университетысь Кунсьӧр кылъёсъя но литературая институтэз йылпумъяз, «кунсьӧр кылъёс» ӧнер, 2014-тӥ арын УдГУ-ысь Эрикрадъя, мерлыко кивалтонъя но кышкыттэмлыкъя институтэз, «юриспруденция» ӧнер.

2000–2001 аръёсы — Ижкарысь 31 номеро школаын француз кылъя дышетӥсь;

2003–2004 аръёсы — УдГУ-ысь Удысужлыко кунсьӧр кылъя факультетысь Кунсьӧр кылъя кафедраын методист;

2004–2007 аръёсы — УдГУ-ысь Удысужлыко кунсьӧр кылъя факультетын дышетӥсь;

2004-тӥ арысен — Удмуртиысь «Автомобильный клуб «Вирсавия» мер огазеяськонлэн кивалтӥсез;

2013-тӥ арысен — Удмуртиысь «Школа высшего спортивного мастерства» ужъюртын тренер.

Автогонкаосъя Россиысь спортъя мастер. Автогонкаосъя йӧскалык ӵошатсконъёсын трос пол вормылӥз но призер луылӥз.

Партнеры

Загрузка...
Иворъёс

Спортъя выль министрез Удмуртиын конкурс амалэн быръёзы

08.11.2017 14:49
Иворъёс

Удмуртиысь спортъя министрлэсь ужзэ быдэсъянэз Павел Вечтомовлы оскизы

22.11.2017 11:49