04.12.2017 10:35
Иворъёс
Александр Нестеров Удмуртиысь инкуазь узырлыкъя министерствоен кивалтонысь кошке

Александр Нестеров Удмуртиысь инкуазь узырлыкъя министерствоен кивалтонысь кошке

Фото: udmurt.ru
Ижкар / Удмуртиын

Александр Нестеров Удмуртиысь инкуазь узырлыкъёсъя но инкуазез утёнъя министерствоен кивалтонысь кошкыны малпаз. Ивортодэтъя «Удмуртия» агентстволы со сярысь веразы элькун тӧролэн пресс-службаяз. «Со интыужысь ас мылкыд каремезъя кошкон сярысь куриськон гожтӥз, Удмуртилэн тӧроез Александр Бречалов сое кутӥз», — ивортӥзы пресс-службаын.

Тодэ вайытом, Александр Нестеров удысэтэн 2014-тӥ арысен кивалтӥз. 2017-тӥ арысь оштолэзьысен «ужез быдэсъясь» ватсэтэн ужаз.

ВАТСАН (udmurt.ru)

Александр Васильевич Нестеров.  
Вордӥськиз 1959-тӥ арын 14-тӥ куарусёнэ Чуваш АССР-ысь Алатырь ёросысь Стемасы черкогуртын. 1994-тӥ арын Ужъя но мерлыко кусыпъёсъя академиез «Экономика и социология труда» ӧнеръя йылпумъяз, 2005-тӥ арын Кун службая Урал академиез «Государственное и муниципальное управление» ӧнеръя. 
1981–1984 аръёсы — «Текстильспецпромстрой» трестлэн Ижкарысь ПМК-ын лэсьтӥськонъя мастер; 
1988–1964 аръёсы — «Удмуртлес» огазеяськонысь Балезиноысь леспромхозлэн лэсьтӥськонъя ёзэтаз мастер-прораб; 
1988–1993 аръёсы — «Удмуртлес» огазеяськонысь Балезиноысь леспромхозлэн профкомезлэн тӧроез; 
1993–1997 аръёсы — «Балезинский леспромхоз» акционер огазеяськонлэн кивалтӥсезлэн воштӥсез; 
1997–2006 аръёсы — Удмуртиысь эсерись комитетын Валтӥсь кун инспектор — ёзэтлэн кивалтӥсез; 
2006–2007 аръёсы — Удмуртиысь инкуазь узырлыкъёсъя но инкуазез утёнъя министрлэн воштӥсез; 
2007–2014 аръёсы — Удмуртиысь инкуазь узырлыкъёсъя но инкуазез утёнъя министрлэн нырысетӥ воштӥсез; 
2014–2017 аръёсы — Удмуртиысь инкуазь узырлыкъёсъя но инкуазез утёнъя министр; 
2017-тӥ арын — Удмуртиысь инкуазь узырлыкъёсъя но инкуазез утёнъя министрлэсь ужзэ быдэсъясь.


Партнеры

Загрузка...
Иворъёс

Удмуртиысь спортъя министр луиз Наталья Гольцова

04.12.2017 09:54