06.12.2017 15:54
Иворъёс
Удмуртиысь тазалыкез утёнъя министрлэсь ужзэ быдэсъясе Игорь Титов юнматэмын

Удмуртиысь тазалыкез утёнъя министрлэсь ужзэ быдэсъясе Игорь Титов юнматэмын

Фото: KTOVMEDICINE.RU
Ижкар / Удмуртиын

Удмуртиысь тазалыкез утёнъя министрлэсь ужзэ быдэсъясе Игорь Титов юнматэмын. Улосвыл кивалтӥсьлэн со сярысь пуктэтэз элькун тӧролэн но кивалтэтлэн нимлыко сайтазы шараямын.

Титов ужзэ быдэсъяны кутскоз 2017-тӥ арын 7-тӥ толсурысен. Удмуртиысь тӧролэн но кивалтэтлэн пресс-службазы ивортэмъя, со конкурс быръён но федерал удысэтын соглаштон пыр ортчиз.

Тодэ вайытом, Алексей Чуршин отставкае кошкем бере та дырозь удысэтэн кивалтӥз Андрей Воздвиженский.

ВАТСАН

Титов Игорь Георгиевич. Вордӥськиз Удмурт АССР-ысь Кизнер ёросысь Айдуан-Чабья гуртын 20-тӥ инвожое 1962-тӥ арын. Дышетскемез вылӥ. 1985-тӥ арын Челябинскысь кун эм институтысь лечебной факультетэз йылпумъяз, 1987-тӥ арын — Томскысь эм институтысь ожгар эм факультетэз, 1999-тӥ арын — С. М. Киров нимо ожгар эм факультетысь кивалтонъя огинэтлэсь (составлэсь) факультетсэ. Эм службаысь отставкаысь полковник, ожгар ужрадъёсысь ветеран. 
1981-тӥ арын — Катав-Ивановскысь приборостроительной заводын электротӥрлыкез тупатонъя электромонтёр; 
1987–1996 аръёсы — 98 номеро омыр десант дивизилэн частьысьтыз эм службалэн кивалтӥсез; Омыр десант кужымъёслэн 242-тӥ Дышетон центрзы; 
1999–2001 аръёсы — Псковысь 76 номеро омыр десант дивизиысь эм службалэн кивалтӥсез, Ленинград ожгар округ;  
2001–2002 аръёсы — Омыр десант войскоослэн командованиысьтыз эм службаысь старший офицер; 
2006–2011 аръёсы — Москваысь Наивной искусствоя музейлэн кивалтӥсезлэн воштӥсез; 
2011–2012 аръёсы — Росси Федерациысь Обороная министерстволэн «Анапский» санаториезлэн «Баргузин» шутэтскон юрт» ёзэтэзлэн кивалтӥсез; 
2012–2017- аръёсы — Росси Федерациысь Обороная министерстволэн «Подмосковье» санаториезлэн кивалтӥсез.



Партнеры

Загрузка...
Иворъёс

Удмуртиысь Быръёнъёсъя валтӥсь ӧрилэн кивалтӥсез нош ик Виктор Кушко луиз

05.12.2017 17:15
Иворъёс

Олимпи чемпионка Тамара Тихонова: нейтральной флаг улын Олимпиадае пыриськонлэсь номыр уродзэ уг адӟиськы

06.12.2017 11:44