20.03.2017 11:02
Новости
МЧС: тудвулэсь тужгес лек вакытсэ Удмуртиын 15–24 оштолэзе возьмало

МЧС: тудвулэсь тужгес лек вакытсэ Удмуртиын 15–24 оштолэзе возьмало

Фото: Алексей Бакулев
Ижкар / Удмуртиын

Тудвулэсь тужгес лек вакытсэ Удмуртиын 15–24 оштолэзе возьмало. Улосвыл тӧро дорын ортчем аппарат кенешонын со сярысь вераз Россиысь МЧС-лэн элькунъя Валтӥсь управлениезлэн кивалтӥсезлэн нырысетӥ воштӥсез Евгений Шутов.

Солэн кылъёсызъя, вутудӟонлы кышкытлык вань 19 муниципал кылдытэтъёсын, 22 улон интыосын (отын 3 сюрс 969 адями улэ). Ву улэ шедьыны быгатозы сюресъёслэн 25 люкетъёсыз, 18 автомобиль выжъёс но чугун сюреслэн 16 люкетъёсыз.

«Элькунлэн интывылыаз 219 ӵыпетъёс. Со пӧлысь 43 кышкытлык кылдыны быгатоз. Таяз арын кузётэм 13 ӵыпетъёс тудву кошкон вакытлы муниципал кылдытэтъёслэн тӧрооссы борды юнматэмын», — вераз Евгений Шутов.

Тудву кошконэз чаклан понна интыысь аскивалтон ёзэсъёслэсь но интыосысь пожарно-спасательной гарнизонъёслэсь 59 оперативной группаоссэс кыскыны чакламын.

Тодэ вайытом, 2017-тӥ арын тудвулы дасяськон ужъёслы Удмуртия 40 миллион манет висъяз. Элькунысь шуръёсын пуштытъян ужъёс ортчытозы.

Удмуртилэн тӧроез Александр Соловьёв кенеше люкаськемъёсты тудву кошконлы дасяськонлы нимысьтыз саклык висъяны куриз.

Партнеры

Загрузка...
Журналист утчаськомы
Иворъёс

Куд-ог интыосын лымыялоз 20-тӥ южтолэзе Удмуртиын

20.03.2017 09:17
Иворъёс

Асфальтобетон лэсьтонъя кык заводъёс ужаны кутскизы Удмуртиын

20.03.2017 10:22