25.01.2017 17:06
Иворъёс
Удмуртия быдэс Россиын вузан понна интегральной тракторъёс поттыны чакла

Удмуртия быдэс Россиын вузан понна интегральной тракторъёс поттыны чакла

Фото: Михаил Шустов
Ижкар / Удмуртиын

Удмуртия быдэс Россиын вузан понна интегральной тракторъёс поттыны чакла. Со сярысь 25-тӥ толшоре пресс-конференциын вераз элькун кивалтэтлэн тӧроезлэн воштӥсез Сергей Токарев.

Солэн дуныз 2 но ӝыны миллион манет пала луыны быгатоз. Дуныз сое бичаны мынӥсь ёзъёслэн дунзы бордысь потэ. Но чакламын мукет трактор бичасьёслэн модельёссылэсь дунтэмгес машинаос бичаны. Кылсярысь, Белоруссиын поттэм со выллем тракторъёс али 5 миллион манетлэсь дуногес сыло.

2-тӥ-3-тӥ классъем тракторъёслэсь эскерон партизэс поттонэз «Буммаш» заводлэн буш сылсь интыосаз радъяны чаклало. Али юртъёсты басьтон но арендае кутон ужпумъёсты сэртто-пертчо.

«Милям бичан инты выллем луоз. Субподрядын асьмелэнъёс гинэ уз ужалэ — резина Нижнекамскысь луоз, двигательёс — Ярославльысь, коробка — Челябинскысь. Та дырлы озьы. Ваньмыз кылемез — оперениез, кабинаез, мукет векчи ёзъёсыз асьме предприятиосын лэсьтӥськозы», — пусйиз улосъя кивалтэтлэн тӧроезлэн воштӥсез.

Солэн кылъёсызъя, шедизы адямиос, кудъёсыз кыӵе ке вакыт тракторъёсты поттэм «Уралвагонзаводлэсь» ужкагазъёссэ басьтӥзы. Али конструкторъёс уж борды кутскыны дасесь ини.

Эскерон вылысь партизэ туэ нырысетӥ кварталэ ик поттыны ӧдъяло ини. Со ужпӧр 4 сюрс уж интыос кылдытоз шуыса чакламын.

Партнеры

Загрузка...
Иворъёс

Удмуртиысь Кун Кенешлэн тӧроез: элькун дась грут возёслы тракторъёс поттыны

19.04.2016 09:47