Суббота, 24 июня 2017
Ижевск +17 °C
USD 59.66EUR 66.68
20.03.2017 17:15
Иворъёс
Куасэн бызьылӥсьлы Максим Вылегжанинлы дурбасьтон ужрад ортчиз Удмуртиын

Куасэн бызьылӥсьлы Максим Вылегжанинлы дурбасьтон ужрад ортчиз Удмуртиын

Фото: Григорий Фомин
Шаркан / Удмуртиын

Допинглы пумитъяськонъя дунневыл агентстволэн эрико ӧриезлэн кивалтӥсезлэн Ричард Макларенлэн допингъя докладэныз сэрен калыккуспо ӵошатсконъёслэсь палэнтэм Удмуртиысь куасэн бызьылӥсьлы Максим Вылегжанинлы дурбасьтон ужрад ортчиз 18-тӥ южтолэзе Шарканын.

Куас сюрес вылэ спортсменлэн вордскем черкогуртысьтыз, озьы ик элькунысь мукет ёросъёсысь но каръёсысь пиналъёс но бадӟымъёс потӥзы. Куасэн бызьылӥсьлы дурбасьтыны вуиз Олимпи чемпионка, Удмуртиысь куасэн бызьылонъя федерацилэн кивалтӥсез Тамара Тихонова но, со Максимез ӵошатсконъёслэсь палэнтонэн чутрак соглаш луымтэзэ вераз.

«Мон малпасько, спортсменлы гинэ ӧвӧл, котькуд адямилы, но ӝож куке сое ӧвӧлтэм муген янгыше уськыто. Кык полэс ӝож луэ, куке тодськод, Максим Вылегжанин туннэ бызьылны быгатэ, но азьланяз вормонъёс басьтыны быгатэ на шуыса <…>. Монэн сыӵе учыр луысал ке, мон лыктэм адямиослы тау карысал
Тамара Тихонова

Котькуд лыктэм адями Максим Вылегжанинлэсь туспуктэмзэ басьтӥз но соин бызиз.


«Таӵе ужрад, праздник, акция радъямзы понна бадӟым тау кареме потэ Шаркан ёрослы но кивалтӥсьёслы. Котьма ке но, туж умой адӟыны адямиосты, кин тон понна трассаын дыръя но, тон бызьымтэ дыръя но сюлмаське. Со туж кельышлы. Бен, туж ӝож, куке тон вань улондэ тренировкаосы ветлӥд, тынад нимыд чылкыт вал, но шуак сое саптаны кутско. Быдэс улонзэ азинскись, тыршись, ӝутскись спортсмен понна со туж умойтэм. Мон туж пайми, куке монэ палэнтӥзы, аслам вормонъёсы пумысен мынам ноку юанъёсы ӧз кылдылэ», — пусйиз спортсмен.

Куасэн бызьылӥсь ӵошатсконъёслэсь палэнтэмын ке но, со тренировкаоссэ уг кушты, выль стартъёслы дасяське. Со Россилэн чемпионатаз лэземзылы оске, спортсменлэн верамезъя, солэн пыриськемез пумысен пумкылъян таяз арняе кутозы.

«Вераме потэ, мон тренировкаосме уг куштӥськы шуыса. Формаме возисько. Сэрттон-пертчон мынэ, ми Россилэн чемпионатаз шедьыны тыршиськомы. Со вуоно арняе тодмо луоз, лэзёзы милемыз Россилэн чемпионатаз яке уз. Собере, сезон йылпумъяськыса, вань ӵошатсконъёсы лэзён пумысен ужпумез сэрттозы-пертчозы шуыса оскомы», — вераз Максим Вылегжанин.

ВАТСАН

Мон малпасько, спортсменлы гинэ ӧвӧл, котькуд адямилы, но ӝож куке сое ӧвӧлтэм муген янгыше уськыто. Кык полэс ӝож луэ, куке тодськод, Максим Вылегжанин туннэ бызьылны быгатэ, но азьланяз вормонъёс басьтыны быгатэ на шуыса <…>. Монэн сыӵе учыр луысал ке, мон лыктэм адямиослы тау карысал


Партнеры

Загрузка...
Журналист утчаськомы