Воскресенье, 25 июня 2017
Ижевск +15 °C
USD 59.66EUR 66.68
18.04.2017 14:15
Иворъёс
Куасэн бызьылонъя Галина Кулакова нимо ӵошатсконъёсты Удмуртиын радъяны инвестор вань

Куасэн бызьылонъя Галина Кулакова нимо ӵошатсконъёсты Удмуртиын радъяны инвестор вань

Фото: Алёна Григорьева
Ижкар / Удмуртиын

Куасэн бызьылонъя Галина Кулакова нимо ӵошатсконъёсты радъян сярысь тупанкылэз Удмуртиын 29-тӥ оштолэзе юнматозы. 18-тӥ оштолэзе Пичи Пурга ёросэ вуылыкуз журналистъёслы со сярысь вераз элькун тӧролэсь ужзэ огдырлы быдэсъясь Александр Бречалов.

Солэн верамезъя, элькунын Галина Кулакова кадь нимо-дано адямиос уло бере, «куасэн бызьылонъя одӥгзэ устозэ марафонэз» радъянэз но ӵошатсконъёслы дано куасэн бызьылӥсьлэсь нимзэ сётонэз со аслаз долгеныз лыдъя. Кичӧлтонлы коньдонэн юрттыны дась луись адями шедиз ни.

«Вань адями, кудӥз бадӟым ӵошатсконэз радъяны коньдон висъялоз, ми со сярысь трос азьялонъёс лэсьтомы, Россилэн вань каръёсысьтыз сюрсъёсын спортсменъёс Удмуртие мед лыктозы», — пусйиз Бречалов.

Со сяна, сыӵе ӵошатсконъёс трос табыш но ваё.

«Со туж умой экономика. Росси Федерациысь улосвылъёслэн шоркаръёсазы бызьылонъя котькыӵе марафон карлэн казнаяз 10 миллионысен 25 миллион манетозь табыш кельтэ… Асьмелэн вань луонлыкъёс, асьмелэн туж ӝикыт интывылмы, чебер каръёсмы — ачиз Инмар сое лэсьтыны косэ. Туж бадӟым кулэяськон но: мон тӥледлы вераны быгатӥсько, таӵе куазен Москваын велосипедэн уг ветло на, нош татын ветло ни. Озьыен, кунмуртъёслэн спортэн выремзы потэ, ӵошатсконъёсы пыриськемзы потэ, ми соослы вань луонлыкъёс кылдытыны кулэ
Удмуртилэн тӧроезлэсь ужзэ огдырлы быдэсъясь Александр Бречалов

Чакланъёсъя, куасэн бызьылонъя нырысетӥез марафон Удмуртиын вуоно сезонын ортчоз ни.

Партнеры

Загрузка...
Журналист утчаськомы
Иворъёс

Удмуртилэн тӧроезлэсь ужзэ огдырлы быдэсъясь: Пичи Пурга ёросын лукырес юртъёсын улӥсьёсты выжтыны коркаос куронъёсты тӥяса пуктэмын

18.04.2017 12:24