08.11.2017 12:39
Иворъёс
Владислав Лекомцев Галина Кулакова нимо калыккуспо марафонэ пыриськоз

Владислав Лекомцев Галина Кулакова нимо калыккуспо марафонэ пыриськоз

Фото: Григорий Фомин
Ижкар / Удмуртиын

Сочиын Паралимпи шудонъёслэн биатлонъя но куасэн бызьылонъя кык пол чемпионэз, дуннелэн чемпионэз Владислав Лекомцев 24-тӥ толсуре Удмуртиын куасэн бызьылонъя Галина Кулакова нимо калыккуспо марафонэ пыриськоз. Со сярысь ивортэ элькунысь физкультурая, спортъя но егитъёсын ужан политикая министерстволэн пресс-службаез.

«Канадаын дуннелэн Кубокезлэн люкетаз ӵошатскон бере кӧня ке нуналме дорын, Удмуртиын, шумпотыса ортчыто но вуоно стартъёслы дасяськонме куасэн бызьылонъя Галина Кулакова нимо калыккуспо марафонэ пыриськыса азьланьто. Ӧтисько ваньдэсты стартэ, куас сюрес вылын пумиськытозь!
Владислав Лекомцев

Марафон спортъя «Чекерил» огъетын ортчоз. Программаын 10, 30 но 50 иськемъем дистанциос. Предприятиос но огазеяськонъёс 3 адямиен 10 иськеме корпоративной эстафетае куриськон сётыны быгато, нош пиналъёс 2 иськемын ӵошасткозы.

Со сяна, 23-тӥ толсуре марафонэ пыриськись куноос понна экскурсия ортчытозы. Нош ӵошатскон нуналэ, 24-тӥ толсуре, учкисьёслы конкурсъёс радъяськозы.

Тодэ вайытом, марафонлы дасяськемез сярысь «Твиттерысь» вотэсбамаз азьвылгес ивортӥз Удмуртилэн тӧроез Александр Бречалов но.

Ватсалом, марафонэ гожтӥськыны но трассаослэн схемаенызы тодматскыны луоз марафонлэн нимлыко сайтаз.

Партнеры

Загрузка...
Иворъёс

Тол Бабай Россиысь 5 тужгес тодмо Дед Морозъёс пӧлы пыриз

08.11.2017 11:05
Иворъёс

Удмуртилэн тӧроез: кыдёкысь гуртъёсы сюресъёслы 1,5 миллиард манет шедьтыны кулэ

08.11.2017 12:04