10.10.2017 15:51
Иворъёс
Тазалыкез эскеронъя интыысь интые ветлӥсь огъет Можга ёросысь 5 гуртъёсы вуылоз коньывуон пумозь

Тазалыкез эскеронъя интыысь интые ветлӥсь огъет Можга ёросысь 5 гуртъёсы вуылоз коньывуон пумозь

Фото: Алексей Арзамасцев
Можга / Удмуртиын

Тазалыкез эскеронъя интыысь интые ветлӥсь огъет коньывуон пумозь Можга ёросысь 5 гуртъёсы но черкогуртъёсы вуылоз. Со сярысь Удмуртиысь тазалыкез утёнъя министерство ивортэ.

13-тӥ коньывуонэ ӧнерчиос Нынек черкогуртэ вуозы, 17-тӥ коньывуонэ — Быдӟымсурд гуртэ, 20-тӥ коньывуонэ — Можга черкогуртэ, 24-тӥ коньывуонэ — Трактор гуртэ, 27-тӥ коньывуонэ — Куатчи гуртэ.

Огъет ёросын куарусёнысен ужа. Эмчиос Бадӟым Сибы, Тылой, Куака, Вуж Какся гуртъёсын но «Большекибьинское» муниципал кылдэтын улӥсьёсты эскеризы ни. Туннэ, 10-тӥ коньывуонэ, бригада Поршур гуртэ мынӥз.

Тодэ вайытом, 14 миллион манет сылӥсь огъет элькунын туэ гудырикошконэ кылдӥз. Сое Россиысь тазалыкез утёнъя министрлы Вероника Скворцовалы но возьматӥзы. Калыкез эскерон понна отын УЗИ аппарат, микролаборатория но ӝог эмъюрттэт сётон понна тӥрлык вань.

Партнеры

Загрузка...
Статьяос

Люза Бадретдинова: йӧскалык журналистика ке ӧз луы, кыл но быроз

10.10.2017 12:54
Иворъёс

Удмуртиысь йӧскалык театр нырысьсэ пыриськоз вошъяськон гастрольёсы

10.10.2017 14:05