16.03.2017 17:55
Иворъёс
Куашкан калэ вуэм юртъёсын улӥсьёсты выжтыны шуыса пуктӥськись коркаез Глазкарын арня ӵоже йылпумъялозы

Куашкан калэ вуэм юртъёсын улӥсьёсты выжтыны шуыса пуктӥськись коркаез Глазкарын арня ӵоже йылпумъялозы

Фото: Михаил Шустов
Глазкар / Удмуртиын

Куашкан калэ вуэм юртъёсын улӥсьёсты выжтыны шуыса пуктӥськись коркаез Глазкарын арня ӵоже йылпумъялозы. Со сярысь журналистъёслы 16-тӥ южтолэзе вераз улосвылысь дыкужымъя но жилищно-коммунальной возёсъя министр Иван Маринин.

«Милям вал кӧня ке юанъёсмы Глазкарын лэсьтӥськонъя <…> Туннэ нуналлы валтӥсь ужъёс Глазкарын йылпумъямын, огаз юртын буяськон ужъёс мыно. Малпасько, арня ӵоже Глазкарын ужъёс йылпумъяськозы», — вераз Иван Маринин.

Элькунысь дыкужымъя но жилищно-коммунальной возёсъя министрлэн кылъёсызъя, Удмуртиын куашкан калэ вуэм юртъёсын улӥсьёсты выль интые выжтонъя программаез 2017-тӥ арын 1-тӥ куарусёнлы йылпумъяны кулэ. Со понна коньдон вуиз ни.

«2017-тӥ арын уже кутыны чаклам коньдонлэн быдӟалаез — со 461 миллион 800 сюрс манет жилищно-коммунальной возёсэз выльдыны юрттонъя фондысь но 416 миллион манет — Удмурт Элькунысь.
Иван Маринин

Со дыре ик элькунысь дыкужымъя но жилищно-коммунальной возёсъя министр та программаез федерал ёзын азинтозы шуыса осконзэ вераз, малы ке шуоно та ужпум быдэс кунын лэчыт луэ.

Тодэ вайытом, куашкан калэ вуэм юртын улӥсьёслы шуыса пуктӥськись Куйбышев нимо урамын 85 номеро коркаез 2016-тӥ арын куарусёнэ усьтыны кулэ вал ни. Сое лэсьтон бордын ужаз лэсьтӥськонъя «Чепца» огазеяськон.

Партнеры

Загрузка...
Иворъёс

Цирк искусствоосъя калыккуспо нылпи фестиваль радъяны быгатозы Ижкарын

16.03.2017 16:32
Иворъёс

Уждунъя пунэмъёс Удмуртиын 1-тӥ южтолэзьлы 34 миллион 200 сюрс манет тыр люкаськизы

16.03.2017 17:14