Понедельник, 21 августа 2017
Ижевск +24 °C
11.08.2017 15:12
Иворъёс
16 миллион манет висъялозы Ижкарысь Люлли микрорайонэ чагыр эстӥськон пыртыны

16 миллион манет висъялозы Ижкарысь Люлли микрорайонэ чагыр эстӥськон пыртыны

Фото: Алексей Арзамасцев
Ижкар / Удмуртиын

Ижкарысь Люлли, Медведево но Орловское микрорайонъёсын трос нылпиё семьяослы сётэм музъемъёс вылысь улон юртъёс доры чагыр эстӥськон вуттон понна 24 миллион манетлэсь трос коньдон висъяны малпало. Тужгес трос коньдон кошкоз Люллиын газ гумыос лэсьтонлы — 16 миллион манет. Со сярысь пресс-конференциын вераз кар администрациысь лэсьтӥськонъя управлениелэн кивалтӥсез Сергей Виноградов.

Медведевое чагыр эстӥськон пыртон понна 6 миллион манет котыр кулэ, Орловскойын солы ик 2 миллион манет кутозы. Газ гумыосты кыскон ӵектосэз лэсьтыны муниципал тӧрлык ёзэсъёслы 6 миллион манет висъязы.

«Ӵектосъёсты дасяны лэсьтӥськонъя министерство Ижкарлы быдэн кык миллион манетэн субсидиос висъяз. Кык микрорайонъёсъя, Люлли но Медведево, ӵектосъёс та дыре лэсьтэмын ни, соос эскерыны келямын», — вераз Виноградов.

Уксё ижкарлэн коньдэтаз  вуоно ар кутскытозь вуиз ке, куинь микрорайонъёсын ужъёсты 2018-тӥ ар пумозь йылпумъяны чаклало. Со дыре ик кар администраци Ижкарысь мукет микрорайонъёсы но газ пыртон луонлыкъёсты эскероз, но татын но ваньмыз потэ элькун коньдон бордысь.

Кузёос чагыр эстӥськонэз доразы пыртыны быгато куинь амалъя: юрттӥськет понна нимаз тыриськыны, кӧня ке коркаосын ӵош кариськыса но 200 метр кемын гумыос борды итӥськон понна огкылъёсты люкетэн-люкетэн юнматыны. Вань кулэ юрттӥськетъёс 70 сюрс манет пала сылозы.

Партнеры

Загрузка...
Журналист утчаськомы
Иворъёс

Ижкарысь Кызьпу арамаысь тросэз али ужась площадкаос интыязы ик кылёзы

09.08.2017 16:32