100 лет государственности Удмуртии
Ижкар+16 °C
3 -тӥ инвожо 2020 Вирнунал
16+

2 метеодатчик пуктозы федерал трасса вылын Удмуртиысь Эгра ёросын

  • 469
  • 0
Ижкар / Удмуртия
2 метеодатчик пуктозы федерал трасса вылын Удмуртиысь Эгра ёросын
Фото: Григорий Фомин

2 метеодатчик пуктозы Удмуртиысь Эгра ёрос пыр ортчись М-7 федерал трасса вылын. 16-тӥ шуркынмонэ журналистъёслы со сярысь вераз Волговятской управтодорлэн ёзэтэзлэн кивалтӥсез Максим Корняев.

«Таиз арлы ужпум вал тани таӵе датчикъёсты-метеопостъёсты пуктыны со участокъёсы, кудъёсыз асьмелэн кышкытлыко лыдъясько: гурезьысь васькон, тубон, кытын кыӵе могӟетъёс кылдыны быгато. Эгра ёросын кык сӧзнэт, малы ке шуоно ёрос огшоры ӧвӧл», — вераз Максим Коняев.

Фото: Григорий Фомин

Ёзэтлэн кивалтӥсезлэн кылъёсызъя, метеопостъёс пайдалыксэс возьматӥзы ни.

«Кылем арняе трос лымы усиз, Удмурт элькунысь Эгра ёросын федерал трасса вылын могӟет кылдӥз, фура гурезе тубыны ӧз быгаты. Ми со югдурез адӟимы но сюрес вылэ луо пазяны, фуралы тубыны юрттон понна автогрейдер келяны пумкылъян кутӥмы», — вераз Максим Корняев.

Фото: Григорий Фомин

Тӥрлыкез басьтӥзы но пуктӥзы федерал коньдэт чотын. Одӥг метеопостлэн дуныз 2 миллион манет котыр. Со Россилэн шор люкетысьтыз куазьын ужаны чакламын, та дыре куазьлэсь вошъяськемзэ умой чидало.

«Эгра ёросын омырлэн температураез -25 градусозь лэзькылӥз, ваньмыз умой ужаз», — пусйиз Максим Корняев.

Фото: Григорий Фомин

Датчикъёсысь ивор элькунысь транспортъя но сюрес возёсъя министерствое, ГИБДД-лэн но МЧС-лэн улосвылъя управлениосаз мынэ, со куазь вошъяськемъя ужез ӝоггес радъяны луонык сётэ.

Фото: Григорий Фомин

«Та тӥрлык ужамы туж бадӟым юрттӥсь луэ. Ми котьку адӟыны но чакланы быгатӥськомы, кызьы куазь воштӥське, но соя ужмес радъяськомы. Ми со ивортодэтэз мобильной арбериос но интернет пыр басьтыны быгатӥськомы», — вераз сюресъёсты возись «Ижевское» предприятилэн кивалтӥсез Александр Чумаков.

Фото: Григорий Фомин

Максим Корняев верамъя, тӥрлыклы программаосты кылдытӥсьёс сое ялан умойгес каро. Озьыен, азьланяз метеопостъёс сюрес вылын югдур сярысь ивортодэтэз сяна, куазь сярысь чакланъёсты но сётыны быгатозы.

Тодэ вайытом, 2016-тӥ ар пумозь Удмуртиын М-7 федерал трасса вылын 9 метеопостъёс пуктыны кулэ.

Федерал сюрес вылэ пуктэм метеопостъёслэн ужамзы




Наверх
Вниз