Ижкар-1 °C
25 -тӥ толшор 2021 Вордӥськон
18+

Мар верало кизилиос 2021-тӥ ар пумысен Удмуртиын улӥсьёслы

  • 83
  • 0
Ижкар / Удмуртия
Мар верало кизилиос 2021-тӥ ар пумысен Удмуртиын улӥсьёслы
Туспуктэм: pixabay.com

Ортчись 2020-тӥ ар Музъем вылын улӥсьёслы трос шугъяськонъёс вайиз – висён, ужтэк дугдытон, шуг югдур сэрен керетонъёс. Соин ик ваньмыз арлэсь воштӥськемзэ возьмало ни - вуись 2021-тӥ арын шуг-секытъёс бырозы шуыса оскиськомы.

Ивортодэтъя «Удмуртия» агентство 12 толэзьлы азьпала учкыны малпаз но астрологлы Наталья Сёминалы вазиськиз. Со зодиаклэн котькуд пусэзлы тодметъёсъя тужгес тупась муртъёслы пӧртэм удысъёсъя чакланъёс лэсьтӥз. Озьыен, мар верало кизилиос 2021-тӥ ар пумысен:

Така (21 южтолэзь – 20 оштолэзь)

Ужбергатон/Уж

2021-тӥ арын Такаос (Овен) ужазы вылӥе ӝутскыны быгатозы. Уката азинлыко вакыт луоз толшорысен куартолэзёзь, гудырикошконэ но коньывуонысен толсурозь. Со дыре ик клиентъёслэн лыдзылэсь йылэмзэс, табышъёслэсь будэмзэс, кивалтӥсьёслэн оскемзылэсь будэмзэ возьманы луоз. Тӥ ужын ӝутсконлы яке умой интыуж ӵектонлы оскыны быгатоды. Со вакытэ ужтэк пукись Такаос вакансиос утчаны но резюме лэзьылыны кулэ – умой ӵектонъёсты кема возьмано уз луы. Но выль арын ваньмыз возьыт уз луы. Ужан условиос возьмамтэ шорысь воштӥськемен валче, ужысь кошкыны мылкыд ӝутскоз, но ужтэк Такаос уз кыле. Толшоре, южтолэзе - оштолэзе но пӧсьтолэзе соос лушкем дурбасьтӥсьлэн юрттэмезлы оскыны быгато.

Яратон/Семья

2021-тӥ ар Такаослэн ас улоназы бугырес ужрадъёс уз вайы, но семьяос понна со умой но шуыны луоз. Юртэн, семьяен, вырӟытонтэм ваньбурен (недвижимость) герӟаськем ужпумъёсъя партнёр вылэ оскиськыны луоз инвожое но толсуре. Куарусён секыт луыны быгатоз, соку тӥляд чутрак пумкылъянъёс кутыны но кусыпъёсты дугдытыны мылкыдды кылдоз. Нуны шедьыны быгатоз южтолэзе. 

Оген улӥсь Такаосты сӥзьыл но толсуре путешествиын яке кыдёке сюрес вылын умой пумиськон возьма. Озьы ик со дыр яратоно муртэн путешествие ветлыны туж тупа. Шуркынмонэ кивалтӥсен яратон пуромыны быгатоз, нош куарусёнэ эшъёс шоры мукет синмын учкыны кулэ. Урамын яке интернетын тодматскон азинлыко луыны быгатоз куартолэзе но куарусёнэ. Оштолэзьысен инвожоозь матысь адямиосын – анай-вынъёсын, сузэр-апайёсын, бускельёсын – кусыпъёсын эскериськыны кулэ, чакласькытэк верам кылэз шонертэм валаны быгатозы. Озьы ик вуись ивортонъёсты сак чаклалэ – янгышъёс, пӧянъёс, супыльтонъёс луыны быгатозы.

Коньдон/Басьяськонъёс

Коньдон ласянь 2021-тӥ ар тросэз Такаос понна удалтымон луоз. Бадӟым табышъёсты толшоре, южтолэзе, куартолэзьысен пӧсьтолэзёзь но шуркынмонэ возьмалэ. Озьы ик та вакыт выль ужбергатонлы, бадӟым пунэмаськонъёсты берыктонлы, депозитъёс усьтонлы но бадӟым басьяськонъёслы тупа. Пӧсьтолэзе тӥляд азинсконъёсты алдаськисьёсты но ёртӥсьёсты кыскыны быгатозы, нош толшоре но толсуре расходъёсты табыштылэсь шӧдскымон тросгес луыны быгатозы – коньдон быдтондэс кулэстэ. Инвожое вырӟытонтэм ваньбур басьтон сярысь малпаськыны яке квартираез, коркаез арендае умой сётыны/басьтыны луоз. 

Партнёрды вылэ куартолэзе, куарусёнэ но толсуре оскиськыны быгатоды. Та толэзьёсы солэн табышъёсыз шӧдскымон будозы. Толшоре - тулыспалэ, пӧсьтолэзе но шуркынмонэ коньдонэн запасты мед луоз – азьвыл чаклам интыысь коньдон уз вуы яке ватсаса расходъёс луыны быгатозы. Тырше катэз тӥятэк, уката ик пӧсьтолэзьысен коньывуонозь – янгыше уськытонъёслы но штрафъёсты бадӟым луонлык кылдэ. Нош пӧсьтолэзе удалтонэз эскерыны лотерейной билет басьтыны яра – утыны луонлык бадӟым.

Творчество/Путешествиос

Творчествоен вырись Такаослы толшоре но тулыспалэ эктыны яке суредаськыны дышетскон борды кутскыны яра. Ас коже дышетскыны пайдаё луоз шуркынмонэ но толсуре, нош курсъёсы, квалификациез будэтыны куартолэзе но инвоже ветлэ. Быдэс семьяен путешествилы южтолэзь тупа, нош кузпалэн яке туганэн кыдёкысь кунъёсы ветлыны умой луоз пӧсьтолэзе, гудырикошконэ но коньывуонэ. Но сюрес вылэ потэмлэсь азьвыл кышкыттэмлык сярысь сюлмаське – эм страховка лэсьтэ, вань кулэ ужкагазъёсты басьтэ, мултэс уз луы ватсаса коньдон кутыны. Кунгож сьӧрын дыръя отысь сямъёсты но эсэпъёсты чаклалэ, сотэк умойтэм югдуре шедьыны быгатоды. Мылкыдэз ӝутон понна карлэсь палэнын оген шутэтскыны оштолэзь тупалоз.

Тазалык/Кышкытлык

2021-тӥ арлэн кыкетӥ ӝыныяз тазалык нимысьтыз саклык висъямез кулэ кароз. Секыт луыны быгатозы пӧсьтолэзь - куарусён но шуркынмон - толсур. Тазалыкез юнматон сярысь азьвыл ик сюлмаське, вань кулэ эскеронъёсты ортче, урод сямъёслэсь куштӥське, соку вань шугъяськонъёс палэнтӥды ортчозы. 

Инвожое, куарусёнэ но шуркынмонэ вӧсь луыны кышкытлык вань – та толэзьёсы кышкытлык кылдытӥсь шулдыръяськонъёсы эн пыриське, экстремальной спортэн эн выре. Нош шуркынмонэ но толсуре сюрес вылын шуккиськыны кышкытлык будэ – сак луэ, нош лулсэрдэс бичатэмды потэ ке, машинаез шурдыт нуллонъя курсъёсы ветлэ.

Ош (21 оштолэзь – 21 куартолэзь)

Ужбергатон/Уж

2021-тӥ ар Ошъёслы (Телец) уж ласянь умой воштӥськонъёс ваёз. Ужъя пайдаё ӵектонъёс быдэс ар сямен вуылозы. Толшорысен южтолэзёзь, озьы ик куартолэзе - инвожое но куарусёнэ клиентъёстылэсь йылэмзэс, табышъёстылэсь будэмзэс но ӟеч интыуж ӵектэмзэс возьмалэ. Тулыспалэ но пӧсьтолэзьысен коньывуонозь кивалтон уж дэмланы быгатозы. Со команда кылдытыны, выль оскымон ужасьёсты люканы усто вакыт. Оштолэзе шуг-секытъёслэсь утиськыны луоз лушкем юрттӥсьтылы луыса. 

Быдэс арзэ сямен Ошъёс ужзыя кунэтӥ ветлозы, нош куд-огез быдэс дуннеетӥ но, кема дыр ӵоже дорысь потатэк улэм бере со уката умой. Командировкаос толшоре – тулыспалэ, инвожое но куарусёнысен толсурозь чакласько. Ошъёс ӵектосэз юнматыны, данлык басьтыны, тодмо луыны толшоре, инвожое но куарусёнысен толсурозь быгатозы. Но куарусёнысен толсурозь азинскон тужгес тыршыса ужась Ошъёсты гинэ возьма.

Яратон/Семья

Кусыпъёс ласянь 2021-тӥ ар Ошъёслы умой луонлыкъёс усьтэ. Яратон гудырикошконэ но шуркынмонэ поромытоз. Со толэзьёсы кузпалъяськыны ӵектонэз возьманы луоз. Инвожое но гудырикошконэ кузь сюрес вылын яке кунгож сьӧрын шутэтскон дыръя азинлыко тодматсконъёс луыны быгатозы. Толшорысен южтолэзёзь но куарусёнэ кивалтӥсен яратон пуромыны быгатоз, нош ужъюлтошъёс шоры коньывуонэ учкыны кулэ. Куартолэзе, пӧсьтолэзе яке шуркынмонэ кудӥныз ке эшъёсын кусыпъёс выль уровене потозы. Оштолэзь секыт луыны быгатоз, но чидась Ошъёс кылдэм шуг-секытъёсты вормыны быгатозы. Гудырикошконэ нылпи сюрыны быгатоз. Нош анай-атай Ошъёс нылпиоссылэн вормонъёссылы толшорысен южтолэзёзь, гудырикошконэ, куарусёнэ но шуркынмонэ шумпотыны быгатозы.

Коньдон/Басьяськонъёс

2021-тӥ ар коньдон ласянь сюлмаськонъёстэк луоз. Пӧяськисьёслэсь, коньдон портӥсьёслэсь кышкытлык тӥ понна ӧвӧл. Ар пумын, шуркынмонэ – толсуре, бадӟым табыш басьтыны быгатоды. Со вакытэ ужбергатон усьтыны, мар ке дунозэ басьтыны яке кредитэз ворсаны яра. Толсур патер, корка, музъем яке доре дуно котыр басьтыны умой тупалоз. Инвожое но гудырикошконэ аренда сярысь умой огкыл юнматыны луоз. Со дыре ик юртъер котырез умоятонэн вырыны, корка яке семья понна мар ке пичияк басьтыны яра. Асьтэлы мар ке басьяськыны оштолэзь – куартолэзь умой тупало. 

Творчестволэсь, наукалэсь но спортлэсь табыш возьманы толшоре но куартолэзе луэ. Нош куартолэзе – инвожое коньдонэз дышетон курсъёслы быдтыны яра. Гудырикошконэ но коньывуонэ мукет интыысь коньдон басьтыны луонлык сярысь сюлмаськоно – со вакытэ планъёс тӥяськыны, чакламтэ расходъёс но коньдон ужъёсын урод пала воштӥськонъёс луыны быгатозы. Оштолэзе вань эсэпъёсты, куронъёсты туж сак чаклалэ, ӝоглыкез эн будэтэ – штраф улэ шедьыны кышкытлык вань.

Тазалык/Кышкытлык

Ошъёслэн тазалыксы быдэс ар сямен шумпоттоз. Сюлмаськонъёс кылдыны быгатозы толшоре – трос праздникъёсын но ӝӧк сьӧрын пуконъёсын толэзе, но оштолэзе, коньывуонэ – куазь жобаськон вакытэ. Со дыре куазья дӥсяське, умой сиське, тросгес шутэтске, соку шуг-секытъёс тӥледыз палэнтӥ ортчозы. Шуккиськон учыръёс но кышкытлыкъёс та ар уз вайы шуыны луэ. Толшоре – тулыспалэ экстремальной спортэн эн выре, нош куартолэзе инкуазьын шутэтскон дыръя эскериське.

Кыктоос (22 куартолэзь – 21 инвожо)

Ужбергатон/Уж

2021-тӥ арын Кыктоослэн (Близнецы) ужан ӧрзы пӧртэм ужрадъёсын узыр луоз. Ужъюлтошъёсын но подчинённойёсын азинлыко кусыпъёс тулыспалэ но куартолэзьысен куарусёнозь юнмалозы. Со дыр штатэз паськытатыны, выль оскымон но ӧнерлыко ужасьёсты кутыны тупа. Куд-ог Кыктоосты та толэзьёсы кивалтон инытуже юнматон возьма, нош кинлэн ужез ӧвӧл на, соос умой инты утчаны кулэ. 

Толшор, инвожо – пӧсьтолэзь, шуркынмон – секыт толэзьёс, куке кивалтӥсьёс со вакытэ кылдылӥсь вань шугъяськонъёсты кин ке вылэ погыльтыны утчалозы. Азьтэмъяськемен но ужез тодӥсьтэмен янгыше уськытонъёслы бадӟым луонлык. Со вакытэ ик командировкае ветлыны ӵектыны быгатозы, со капчи уз луы, но пумит луыны кулэ ӧвӧл. Озьы ик шуркынмон оскымтэ луонэн, кык пӧртэм валано югдуре шедьыны кышкытлыкен, тэргаськонэн пусйиськоз. Но тулыспалысен куартолэзёзь, озьы ик куарусёнэ Кыктоос лушкем дурбасьтӥсьсылэн юрттэмезлы оскыны быгатозы. Гудырикошконэ но куарусёнэ командировкаос капчи ортчозы но дандэс будэтыны быгатозы. Ужан условиослэсь умой пала воштӥськемзэс южтолэзе – оштолэзе возьманы яра, нош мерлыко азинлык Кыктоосты гудырикошконэ но куарусёнэ возьма – тӥ йӧно ӵектосэз утьыны, данъет басьтыны яке призовой инты утыны быгатоды.

Яратон/Семья

2021-тӥ арлэн нырысетӥ ӝыныяз Кыктоослы кык пӧртэм валано югдуръёсы шедемлэсь утиськоно – эскериське, йырдэс эн ыштэ. Тужгес умой луоз партнёреныды огкадь лулпуш тунсыкъёс шедьтыны тыршыны яке калыклэсь палэнын ӵошен шутэтскыны. Иа вакыт осконтэм кусыпъёсын но калгонъёсын пусъемын. Нош коньывуон но шуркынмон Кыктоос понна туж умой ортчозы. Семьяын тупан но романтика кузёяськозы, юн яратон пуромоз. Пӧртэм шулдыръяськонъёсы ӵошен ветлон улонады яркыт буёлъёс пыртоз. Тулыспал – южтолэзь но куарусён дышем интыослэсь палэнын семьяен шутэтскон понна туж умой тупало. Гудырикошкон но толсур яратоно муртэн путешествие мыныны усто дыр. 

Огназы улӥсь Кыктоос сюрес вылын тунсыко адямиен тодматскыны быгатозы. Пӧсьтолэзьысен коньывуонозь кивалтӥсен яратон кусыпъёс кылдыны быгатозы. Шуркынмонэ тупатъян ужъёс кутскыны яра: партнёрды котыр ласянь юрттэт сётоз. Со толэзе яратоно адямиеныды одӥг липет улэ пырыны яра, яке солэн юрттэменыз улон интыен ужпумез мукет сямен сэрттыны-пертчыны. Озьы ик со вакытэ солэн юрттэмезлы оскиськыны луэ. Нош пӧсьтолэзе но гудырикошконэ матысь адямиосын, сузэр-вынъёсын кусыпъёс уката шуныт луозы.

Коньдон/Басьяськонъёс

Коньдон ласянь 2021-тӥ ар Кыктоос понна туж капчи уз луы. Та арын ужбергатонэз кутскон яке паськытатон сярысь малпаськыны кулэ ӧвӧл. Толшоре – тулыспалэ, оштолэзе, пӧсьтолэзе – гудырикошконэ но коньывуонэ – шуркынмонэ ыштонъёс но чакламтэ расходъёс луыны быгатозы. Толшоре, оштолэзе – куартолэзе но толсуре туж эскериськыны кулэ: пӧяськисьёс, коньдон ёртӥсьёс шедьыны быгатозы. Коньдон ужъёсты планировать карыны, кредитъёс утчаны куартолэзе, куарусёнэ но толсурлэн куинетӥ декадаяз яра. Коньдонэн секыт югдурын партнёрлы оскиськыны луэ пӧсьтолэзе. 

Нош кунсьӧр кусыпъёслэсь, творчествоя, тодосъя но спортъя ӵектосъёслэсь табыш толшоре, инвожое но толсуре возьмалэ. Дышетон ӵектосъёсы коньдонэз пайдалыко поныны куарсусёнэ но толсуре луоз. Озьы ик со вакытэ биржаын шудон но валютной операциос табыш ваёзы, лотереяын удалтыны быгатоз. Пӧсьтолэзе но гудырикошконэ автомобильлы ватсаса тыриськонъёс кулэ луозы, сюрес вылын шудтэм учыре шедьтыны, визьмо гаджетэз ыштыны быгатоды. Толшоре – тулыспалэ, куартолэзе – инвожое, коньывуонэ кат куронъёсты быдэсъялэ – янгыше уськытонъёс но штраф улэ кысконъёс луыны быгатозы.

Творчество/Путешествиос

2021-тӥ арын Кыктоослы дан вуоз. Калык азьын вераськонъёс тулыспалэ – южтолэзе, куартолэзе но гудырикошконысен коньывуонозь умой ортчозы. Тӥледыз калык яратоз, нош асьтэдыз паськыт аудитория азьын умой возьматыны быгатэмды азинлык ваёз но тодмо кароз. Ас коже дышетскыны ӟечгес луоз толшоре, нош нимысьтыз курсъёсы но треннингъёсы ветлыны – коньывуонэ но шуркынмонэ. 

Быдэс семьяен путешествие потыны южтолэзе яке шуркынмонэ кулэ, нош яратоно адямиен – толшоре – тулыспалэ, гудырикошконысен коньывуонозь но толсуре. Но толшоре – тулыспалэ, куартолэзе – инвожое но коньывуонэ сак луыны кулэ – шутэтсконды бюрократической шугъяськонъёс сэрен медаз сӧриськы шуыса, лобӟон дырдэс, вань кулэ ужкагазъёстэс сак эскере. Озьы ик со толэзьёсы психологиен, эзотерикаен, вӧсьлыкен тунсыкъяськонды кылдоз.

Кисло-кусло (22 инвожо – 22 пӧсьтолэзь)

Ужбергатон/Уж

Кисло-куслоослы (Рак) 2021-тӥ ар трос командировкаос но сӥ-дан ваёз. Соос быдэс ар сямен ужзыя отчы-татчы ветлозы. Толшор но толсур гинэ висъяськыны быгатозы. Диссертациез утён, кулэ луись ӵектосъёсты юнматон, призовой интыос но вормонъёс басьтон понна умой дыр тулыспалысен гудырикошконозь, уката но азинлыко луоз оштолэзь. Со толэзе лушкем юрттӥсьлэн дурбасьтэмезлы оскиськыны луэ. Нош толсур ужан коллективен шугъяськонъёсын пусъемын. Уродзэ малпасьёс, тэргаськонъёс, чагиськонъёс луыны быгатозы. Кивалтӥсь Кисло-куслоос эскериськыны кулэ, юрттӥсьёс но ужась тужгес кулэтэм дыръя секыт югдуре вуттыны быгатозы.

Яратон/Семья

2021-тӥ ар семьяен улӥсь Кисло-куслоосты сюлмаськытоз. Кузпалэн яратон кусыпъёсты утён понна толшоре – тулыспалэ но коньывуонэ трос тыршоно луоз. Нош шуркынмонэ кык пӧртэм валано югдуре шедьыны, ӧрекчанэн пумиськыны кышкытлык вань, со ненег Кисло-куслоосты кусыпъёсты тӥяны донгоз. Соосты утён понна чиданлык но валан кулэ луозы. Али огназы улӥсь Кисло-куслоос инвожое, гудырикошконэ но куарусёнэ сюрес вылын яке дорзылэсь кыдёкын тодматскыны быгатозы. Кивалтӥсен яратон коньывуонэ кылдыны быгатоз. Нош эшен кусыпъёс выль уровене потыны быгатозы толшоре, оштолэзе но коньывуонысен толсурозь. Со толэзьёс эшлыко кусыпъёс возён понна туж умой тупало. 

Быдэс семьяен путешествие мыныны яра южтолэзе – оштолэзе. Семьяен, коркаен герӟаськем ужъёсын партнёрлы оскиськыны яра гудырикошконэ но толсуре. Со дыре одӥг липет улэ огазеяськыны умой, партнёрды улон интыен ужпумъёсты сэрттыны-пертчыны юрттоз. Нуны кылдонлы умой тупало коньывуон но шуркынмон. Нош матысь адямиосын, сузэр-вынъёсын вераськонъёсты инвожоысь – пӧсьтолэзьысь мукет толэзьёслы выжтыны умойгес. Со вакытэ мыдлань ивор сётыны, пӧяны быгатозы.

Коньдон/Басьяськонъёс

Кисло-куслоослэн коньдон ласянь улоназы 2021-тӥ ар пӧртэм ужрадъёсын узыр луоз. Вырӟытонтэм ваньбур (недвижимость) басьтыны тужгес тупалозы куарусён но коньывуон, нош корка пушез выльдыны озьы ик пӧсьтолэзе яра. Бадӟым табыш басьтонэз, умой инвестициос лэсьтонэз, депозит усьтонэз яке пунэмъёсты ворсанэз толшорлы но инвожолы чаклано. Партнёрды умой табышен куартолэзе, куарусёнэ но шуркынмонэ – толсуре шумпоттоз. Нош толшоре – тулыспалэ яратоно мурттылы тӥляд коньдонэн юрттэмды кулэ луоз. 

Тулыспалэ но гудырикошконэ пӧялляськисьёс, коньдон ёртӥсьёс ласянь кышкытлык кылдоз. Озьы ик пӧсьтолэзь секыт луыны быгатоз, соку трос коньдон быдтонъёс но чакламтэ расходъёс луозы, оло. Со вакытэ ужбергатонэз паськытатыны яке пунэмен трос коньдон басьтыны кулэ ӧвӧл. Коньдон ласянь малпанъёс сӧриськыны быгатозы толшоре – тулыспалэ, оштолэзе – куартолэзе но куарусёнэ – со толэзьёслы кисыдэс тырмытыны кӧня ке амалъёсты дась мед луозы. 

Тулыспалэ но гудырикошконэ автомобилен герӟаськем шуг-секытъёсты сэрттыны-пертчыны яке гаджет басьтыны/тупатъяны ватсаса коньдон кулэ луоз, дыр. Нош оштолэзьысен пӧсьтолэзёзь штраф улэ шедьыны кышкытлык вань, шуге-леке шедемлэсь утиськон понна куронъёсты но эсэпъёсты быдэсъялэ Автомобиль басьтонэз куарусёнлы чаклалэ. Озьы ик со толэзе коньдон утыны быгатоды, нош курсъёслы висъям коньдонды пайдаё но азинлыко луоз. Южтолэзьысен куартолэзёзь но пӧсьтолэзьысен куарусёнозь вакытъёс бадӟым табыш возьмато наукаен но творчествоен, ӧнерлыко спортэн вырись, кунгожсьӧр ӵектосъёсын герӟаськем муртъёслы.

Творчество/Путешествиос

2021-тӥ арын инвожое, гудырикошконэ но куарусёнэ Кисло-куслоос ас инвисъёссэс путешествиосын но кунсьӧрмуртъёсын кусыпъёс пыр паськытатыны быгатозы. Семьяен кытчы ке ветлыны тупась дыр – южтолэзь – оштолэзь. Нош путешествие потын оштолэзьысен пӧсьтолэзёзь малпады ке, эскериське. Вань кулэ ужкагазъёстэс, страховкаез чаклалэ, коньдон мултэсэн басьтэ но аэропортэ, вокзалэ вазьгес потэ, соку ӝоже усёнъёслэсь палэнскыны быгатоды. 

Калык азьын вераськонъёсын азинсконэз тулыспалэ, оштолэзе – куартолэзе но шуркынмонэ возьманы луэ. Творчествоя ӵектос бордын вырыку шыпыт интыын пайдаё ужаны пӧрмоз толшоре, пӧсьтолэзе но шуркынмонэ. Ас коже дышетскыны но квалификациез будэтыны шуркынмон тупалоз. Оштолэзьысен пӧсьтолэзёзь оккультной тодосъёсты, эзотерикаез яке психологиез эскерон борды кутске.

Тазалык/Кышкытлык

Оштолэзе, пӧсьтолэзе но куарусёнэ Кисло-куслоос тазалыксы сярысь сюлмаськизы ке, 2021-тӥ арын асьсэдыз умой шӧдозы. Со толэзьёсы тазалыктэс юнматонэн, висёнъёсты алонэн выре, шонер сиське но тырмыт кӧлэ – соку сюлмаськонъёс палэнтӥ ортчозы. Кышкыт учыръёс но шуккиськонъёс ласянь 2021-тӥ ар Кисло-куслоос понна сокем кышкыт ӧвӧл, соин выль спорт амалъёсты эскере, экстремальной шутэтсконэ но ветлыны быгатоды.

Арыслан (23 пӧсьтолэзь – 21 гудырикошкон)

Коньдон/Уж

2021-тӥ арын Арысланъёс (Лев) кема возьмам кивалтон должность басьтыны быгатозы. Толшор, инвожо, коньывуон но толсур кылкутӥсь интыуж (должность) утчаны но штатэз паськытатыны тужгес умой толэзьёс. Ужъюлтошъёсын но подчинённойёсын кусыпъёс пайдалыко луозы. Выль ужасьёс оскымонэсь но ужез яратӥсь луозы. Нош тулыспалэ но куартолэзе выль ужасьёсты кутонлэсь возиськыны умойгес луоз, кивалтӥсе пуксьыны ӵектонъёс луиз ке но, коллектив капчи уз луы. 

Гудырикошконэ но куарусёнэ табышъёс будозы, клиентъёслэн лыдзы йылоз, нош уж ӵектонъёс пайдалыко луозы. Командировкаос оштолэзе, инвожое но толсуре пайдалыко ортчозы. Оштолэзь Арысланъёслэсь юнлыксэс эскероз – ужан условиослэн урод пала воштӥськемзы, ужан планъёслэн сӧриськемзы ужысь кошкон сярысь куриськон гожтыны мылкыдэз ӝутыны быгатозы. Нош пӧсьтолэзе Арысланъёсты кема витем азинлык возьма – туж кулэ ӵектосэз юнматыны, тодосъя ужез утьыны, ӵошатсконын вормыны, данъет, кузьым басьтыны бадӟым луонлыкъёс вань.

Яратон/Семья

Арысланъёслэн ас улонзы 2021-тӥ арын пӧзёз. Ар кутсконын ик – толшорысен южтолэзёзь, озьы ик коньывуонэ но толсуре – семьяен улӥсь Арысланъёсты но, кусыпъёсты али гинэ кутскисьёсты но яратон шобыртоз. Со толэзьёсы кузпалъяськыны курон кылъёсты кылыны луоз. Шудо нуналъёс романтикаен, ӵошен лулчеберет ужрадъёсы – адӟытонъёсы, концертъёсы, эктонъя вожвылъяськонъёсы – ветлонэн тырмозы. Тулыспалэ, гудырикошконэ но куарусёнэ интернет вотэсын, сюрес вылын, озьы ик урамын но азьлане кыстӥськись тодматсконъёс луыны быгатозы. Кыдёке путешествие дыръя – оштолэзе но куартолэзе. Подчинённоен кусыпъёс кылдыны быгатозы гудырикошконысен толсурозь, нош кивалтӥсен – южтолэзе, оштолэзе, гудырикошконэ но куарусёнэ. 

Толшорысен южтолэзёзь, инвожое но куарусёнэ котырысьтыды адямиослы саклык висъялэ. Со вакытэ выль оскымон эшъёсты кылдыны быгатозы яке кусыпъёсты выль уровене потозы. Семья улонын толшор, пӧсьтолэзь но шуркынмон секыт луыны быгатозы. Куд-ог Арыслпанъёс та вакытэ ужзы но дорзы куспын баланс шедьтыны шугъяськозы, кинэ ке партнёръёссы дор ужъёсъя уз валалэ, нош кинлэн ке дораз мылкыдэз куашкатӥсь валамтэос кылдозы. Но вордскем дырысенызы ӟеч сюлэмо, лякыт луэмзэс возьматыса, Арысланъёс троссэ шугъяськонъёсты палэнтыны быгатозы.

Коньдон/Басьяськонъёс

2021-тӥ арын Арысланъёс улон инты пумысен сюлэмшугъяськытӥсь ужпумзэс сэрттозы-пертчозы. Патер пайдалыко басьтыны луоз тулыспалэ, куартолэзе, инвожое, гудырикошконэ но шуркынмонэ – толсуре. Корка котырез умоятыны, семьялы кулэ котыр басьтыны шуркынмонэ кылдоз. Партнёрлэн юрттэмезлы тулыспалэ, гудырикошконэ, куарусёнэ но толсуре оскиськыны луоз. Нош толшоре солы тӥляд юрттэмды кулэ луоз – солэн ыштонъёсыз луыны быгатозы. Коньдон ласянь Арысланъёс понна гужем толэзьёс секытгес – отпуск вакыт чакламлэсь тросгес тросгес коньдонэз быдтоз. 

Ужбергатӥсьёслы та вакытэ ужзэс паськытатонлэсь возиськыны умойгес – чакламтэ расходъёс, ыштонъёс луыны быгатозы. Южтолэзь, оштолэзь но инвожо наука, творчество но ӧнерлыко спорт удысын ужасьёслы табыш ваёзы. Озьы ик кунсьӧр ӵектосъёсын герӟаськем муртъёслэн табышъёссы луозы. Оштолэзьысен пӧсьтолэзёзь запасной план луыны кулэ – чаклам сделкаос ӝеганы, чакламтэ расходъёс луыны быгатозы. Южтолэзе но пӧсьтолэзе транспорт тӥяськонлы яке телефонэз ыштонлы кышкытлык вань, нош автомобиль яке дуно гаджет басьтыны тужгес тупало куартолэзь, инвожо, куарусён но толсур. Арысланъёслы пӧсьтолэзьысен шуркынмонозь удалтоз – кышкатэк биржаын шудэ яке лотерейной билет ке но басьтэ.

Творчество/Путешествиос

Творчество удысын азинсконъёс оштолэзе но пӧсьтолэзе луозы. Семьяен путешествие потыны кизилиос оштолэзе яке куарусёнэ дэмлало, нош яратоно адямиен кытчы ке ветлон оштолэзе – куартолэзе умой ортчоз. Ас коже дышетскыны ӟечгес луоз тулыспалэ, озьы ик коньывуонэ – шуркынмонэ. Тулыспал но толсур ӧнеръя курсъёсты ортчыны тупалозы. Южтолэзе эктыны дышетскыны, инвожо психологиен вырыны мылкыд сётозы, нош суреданы гудырикошконэ – куарусёнэ умойгес луоз.

Тазалык/Кышкытлык

2021-тӥ арын Арысланъёс асьсэды туж умой шӧдозы, мылкыдзы капчи луоз. Но толшоре – тулыспалэ, пӧсьтолэзе но толсуре одно ик чакласькыны кулэ. Со дыре тазалыктылы саклык висъялэ, диспансеризациез, эскеронъёсты ортче, висем пыр луэмдэс шӧдыса, соку ик эмчилы вазиське. Шуккиськонъёс но кышкыт учыръёс Арысланъёсты южтолэзе, куартолэзе, пӧсьтолэзе – гудырикошконэ возьмало. Экстремальной шулдыръяськонъёслэсь, осконтэм муртъёслэсь палэнске, руль сьӧрын туж сак луэ, урод репутациен интыосы эн ветлэ. Уката ик южтолэзе, пӧсьтолэзе но гудырикошконэ эскериське, соку умойтэм луонъёс палэнтӥ ортчозы.

Нылмурт (22 гудырикошкон – 23 куарусён)

Ужбергатон/Уж

2021-тӥ арын Нылмуртъёслэн (Дева) уж удыссы пумитлыко (противоречивой) луоз. Тулыспалэ, куартолэзе, пӧсьтолэзе но коньывуонэ трос ужпӧр ужпумъёсты сэрттоно-пертчоно луоз. Коллективын секыт югдур, азяды пуктэм мултэс бадӟым куронъёс но дыртыса ужаны кулэлык зӥбыт но чакласькись адямилэсь но мылкыдзэ куашкатозы. Со вакытэ кытчы ке кыдёке командировкае мыныны кулэ луоз, оло: эн пумитъяське, эн ӝожоме. Сямдыя ваньзэ тупен-тупен быдэстыны тыршись луэменыды югдурысь пичи гинэ ыштонъёсын потыны быгатоды.

Кивалтӥсь Нылмуртъёслы пӧсьтолэзе юрттӥсьёссы но ужасьёссы вылэ оскиськоно ӧвӧл. Пуктэм ужпумъёсты кык полэс чаклан та дыре сяме пырыны кулэ. Мукет ласянь, 2021-тӥ арын кивалтӥсе пуксьыны ӵектонъёс трос луозы. Выль интыуже пыронлы тужгес тупало толшор – тулыспал, куартолэзь – инвожо, куарусён. Со вакы  тэ ужась коллективез паськытатыны удалтоз. 

Пайдаё уж, коньдоно должность Нылмуртъёс тулыспалэ, куартолэзе но пӧсьтолэзьысен шуркынмонозь шедьтыны быгатозы. Со вакытэ клиентъёслэн лыдзы йылоз, кивалтӥсьёслэн осконзы юнмалоз. Оштолэзе но шуркынмонэ командировкаос капчиен ортчозы, озьы ик дандэс юнматыны луонлык сётозы. Кулэ ӵектосъёсты юнматонэз куартолэзьлы чакланы умойгес луоз. Со толэзе тыршемдэс санэ басьтозы но данъялозы. Ӵошатсконъёсын вормонъёс, призовой интыос, мерлыко азинскон луыны быгатозы.

Яратон/Семья

2021-тӥ арлэн нырысетӥ паларез Нылмуртъёслэн яратонэн тырмемын луоз. Семьяязы туж шудо луозы, дуно муртэнызы трос романтичной нуналъёс ортчытозы. Кинлы ке бызьыны ӵектозы. Та театръёсы, концертъёсы, адӟытонъёсы ветлыны туж умой дыр, озьы ик творчествоя конкурсэ пыриськыны луоз. Нош огназы улӥсь Нылмуртъёс тунсыко адямиен тодматскыны но эшъяськыны быгатозы. 2021-тӥ ар азинлыко пумиськонъёсын узыр луоз. Интернетын, сюрес вылын, ульчаын умой тодматсконъёс луозы куартолэзе но шуркынмонэ. Толшор, южтолэзь, куартолэзь но гудырикошкон кусыпъёс герӟаны луонлыкъёс усьтозы дорысьтызы кыдёке кошкемъёслы. Кивалтӥсен яратон кылдыны быгатоз пӧсьтолэзе, нош ӵош ужасен гудырикошконэ – куарусёнэ. 

Куартолэзе – инвожое матысь адямиостылы саклык висъялэ – огшоры эшъяськон кусыпъёс яратонэ выжыны быгатозы. Семьяен улӥсь Нылмуртъёслы южтолэзе но пӧсьтолэзе чиданы кулэ луоз – осконэз ыштон, кык пӧртэм валамон югдуре шедён, пӧян луыны быгато. Тупатъян ужъёсты ар кутсконын (толшор – южтолэзь) яке Выль ар азьын (толсур) ӧдъяны яра. Пӧсьтолэзьысен коньывуонозь партнёрды гурт, семья ужъёсты сэрттыны-пертчыны юрттоз. Со дырлы ик яратоно муртэныды ӵош улонэз кутскыны чакланы яра.

Коньдон/Басьяськонъёс

2021-тӥ арын Нылмуртъёс пайдаё валче ужез кутскыны быгатозы. Ӵошен огкыл юнматон, гожъяськон тулыспалысен пӧсьтолэзёзь но шуркынмонэ пайдаё луозы. Со вакытэ ик кыкетӥ ӝыныды бадӟым табышъёсын шумпоттоз. Но толсуре яратоно адямидылы юрттэт сётыны дась луэ. Коньдонъя валче кариськонлэсь та толэзе возиськыны умойгес. Коньывуонэ – шуркынмонэ корка котырдэс кӧня ке выльдыны яке арендая пайдаё огкыл гожтыны яра. 

Куарусёнэ выль ужез кутсконлэсь яке сое паськытатонлэсь возиськыны кулэ, расходъёсты кулэстоно – возьмамтэ ыштонъёс луыны быгатозы. Творчествоя ӵектосъёслэсь, тодослэсь но спортлэсь табышъёс тулыспалэ – южтолэзе, куартолэзе но пӧсьтолэзе - гудырикошконэ вуозы. Коньдондэс дышетон курсъёслы, биржаын шудонлы яке валюта басьтонлы висъяны умойгес толшоре – тулыспалэ но оштолэзе. Со вакытэ лотереяен шудыны кулэ – утыны быгатоды. Оштолэзе но инвожое автомобильдэс выльдыны яке визьмо гаджет басьтыны луонлык сётозы. Нош гудырикошконэ куронъёсты пичияк тӥям понна но кылкутонлэсь палэнскыны уз луы – штрафъёс но янгыше уськытонъёс луыны быгатозы.

Творчество/Путешествиос

Тросэз Нылмуртъёс 2021-тӥ арын нетрадиционной медицинаен, пудо вордонэн, техникаен тунсыкъяськыны кутскозы. Толшор – тулыспал, инвожо, куарусён но толсур квалификациез будэтыны, пӧртэм дышетон курсъёсты ортчыны, театр студие пырыны туж умой тупало. Куарусёнысен толсурозь кизилиос сценаен герӟаськем ужен вырыны ӵекто – тӥледыз вормонъёс возьмало. Инвожое но шуркынмонэ ас коже дышетсконлы дырдэс висъялэ. Эктон искусстволы дышетскыны кутскыны умойгес луоз толшоре яке южтолэзе. 

Быдэс семьяен путешествие толшоре яке гудырикошконэ мынэ, нош яратоно адямиеныды – южтолэзе, куартолэзе яке куарусёнэ. Озьы ик куарусён карлэсь палэнын огнын шутэтскыны тупа.

Тазалык/Кышкытлык

Нылмуртъёс быдэс арзэ сямен асьсэдыз умой шӧдозы. Озьы ке но, толшоре – тулыспалэ но пӧсьтолэзе – гудырикошконэ тазалыкты сярысь сюлмаськыны кулэ. Со дырлы эскеронъёс чаклалэ, мугордылы витаминъёсын, шонер сиськонэн, уро сямъёслэсь куштӥськонэн юрттэ, соку вань сюлмаськонъёс палэнтӥ ортчозы. Шуккиськон но кышкыт учыръёс 2021-тӥ арын Нылмуртъёсты уг возьмало. Соин ик экстремальной спорт но шутэтскон тӥледлы сӥземын.

Весъёс (24 куарусён – 23 коньывуон)

Ужбергатон/Уж

2021-тӥ арын Весъёс ужез яратэмзэс, кыклкутыны быгатэмзэс но кылзӥськись луэмзэс возьматозы. Валамон, кивалтӥсьёс сое адӟозы, тулыспалэ, куартолэзе, пӧсьтолэзе, гудырикошконэ но шуркынмонэ уждунэз будэтонлы оскыны луэ. Ужтэк пукись Весъёс та вакытэ ик асьсэдыз ужъя рынокын мыло-кыдогес возьматыны кулэ, пайдаё ӵектонэз кема витёно уз луы. Кивалтон ужез куартолэзе – инвожое утчаны яра. Со дыре ик кивалтӥсь Весъёслэн ужасьёсынызы но, ужъюлтошъёсынызы но пайдалыко кусыпъёссы юнмалозы. Ӧнерлыко но оскымон сотрудникъёс чотын штатэз паськытатыны луоз. 

Секыт толэзьёс оштолэзьысен гудырикошконозь. Озьы, оштолэзьысен пӧсьтолэзёзь керетонъёс, вань мыдлань луэмез понна янгыш муртъёсты утчан, кин ке вылэ погыльтыны тыршон луыны быгатозы, нош пӧсьтолэзе Весъёслэн чиданзы чигоз но ужысьтызы кошкон сярысь куриськон гожтэмзы потоз. Гудырикошконэ ужан коллективын секыт югдур кылдоз – супыльтонъёс, урттылӥськонъёс, предательство луыны быгатозы. Эскериське, ог-огзы куспын керетӥсьёслэсь палэнын возиськыны тырше. Вань кужымдэс пуктэм ужпумез лад-лад быдэстыны сётэ, соку шугъяськонъёс палэнтӥ ортчозы.

Яратон/Семья

2021-тӥ ар Весъёс понна семьязэс бадӟыматон ласянь умой луоз. Нуны кылдонлы тужгес тупало толшор – тулыспал, инвожо но куарусёнысен толсурозь вакыт. Тупатъян ужъёсын вырыны толшоре, южтолэзьысен куартолэзёзь но гудырикошконэ яра. Куарусёнэ дорады умой югдур кылдоз, матысь адямиосыныды кусыпъёсты оскымон, сюлмысь луозы. Оштолэзе Весъёслы кузпалъяськыны ӵектозы. Та тулыс толэзь романтикаен, озьы ик лулчеберетъя ужрадъёсы ветлонэн тырмемын луоз. 

Огназы улӥсь Весъёслы та дыре, озьы ик шуркынмонэ, асьсэлэсь парзэс утчаны кулэ, нош куартолэзе но пӧсьтолэзе кивалтӥсен яратон кылдыны быгатоз. Кык пӧртэм валано югдуре шедён, оскымтэ луон но лушкем кусыпъёс толшоре, тулыспалэ но гудырикошконэ трос шугъяськонъёс вайыны быгатозы.

Коньдон/Басьяськонъёс

Коньдон ласянь 2021-тӥ ар капчи уз луы. Толшоре – тулыспалэ, оштолэзе – куартолэзе, пӧсьтолэзе «туж пайдаё», шурдыт предприятиослэсь эскериськоно. Со вакытэ ик спекулятивной но валютаен сделкаослэсь, биржаын шудонлэсь палэнскыны кулэ. Куартолэзе но пӧсьтолэзе чаклам коньдонды ӝеганы быгатоз, соин ик «Б» планды луыны кулэ. Толшоре – тулыспалэ, озьы ик куартолэзе но пӧсьтолэзе сюрес вылын шудтэм учыре шедьыны луонлык вань, соин ик автомашиналы ватсаса коньдон висъяно луоз яке герӟет арбериос амалтэк басьтыны кулэ луоз. 

Бадӟым табыш тӥледыз толшоре, куартолэзе, инвожое но куарусёнэ возьма. Вырӟытыны луонтэм ваньбур (недвижимость) пайдаен басьтыны быгатоды инвожое, куарусёнэ, коньывуонэ но толсуре. Нош толшоре – тулыспалэ но оштолэзе пайдатэм сделкаос но недвижимостьлы ыштонъёс луыны быгатозы. Корка котырдэс выльдыны яке ваньбурез арендае сётыны пайдаё тупанкыл гожтыны луоз куарусёнэ но толсуре. Шутэтскыны но басьяськонлэсь шумпотон басьтыны умой куарусёнэ – коньывуонэ. Оштолэзе, коньывуонэ но толсуре партнёрды бадӟым табышен шумпоттоз.

Творчество/Путешествиос

Кино, театр удысын тыршись Весъёслы, озьы ик лекторъёслы но политикъёслы 2021-тӥ ар вормонъёс ваёз. Азинсконъёс толшорысен куартолэзёзь, озьы ик гудырикошконысен шуркынмонозь луыны быгатозы. Ӝутскем мылкыдын ас коже дышетскыны пӧрмоз тулыспалэ – южтолэзе но шуркынмонэ, нош квалификациез будэтонъя ӧнерлыко курсъёсты ортчыны пӧсьтолэзьысен коньывуонозь луоз. Эзотерикаен, психологиен яке вӧсьлыкен тунсыкъяськон куартолэзе – инвожое, гудырикошконэ но шуркынмонэ кылдоз. 

Быдэс семьяен кыдёкысь кунъёсы потыса инвисъёсты паськытатыны луоз толшоре, куартолэзе – инвожое, куарусёнэ но шуркынмонэ – толсуре. Нош яратоно адямиен кытчы ке ветлон оштолэзе но шуркынмонэ умой ортчоз.

Тазалык/Кышкытлык

2021-тӥ арын асшӧдонды но мылкыдды умой мед луоз шуыса, трос гинэ тыршоно луоз. Урод сямъёслэсь куштӥськоно, шутэтскон – ужан режимез быдэсъяно, мултэс ӧвӧл ужано, мугорез кыдатоно но иммунитетэз ӝутоно. Висёнлэсь нырысетӥ тодметъёссэ шӧдыку эмчиослы вазиськоно, ас коже эмъяськоно ӧвӧл. Шуккиськон, кышкыт учыре шедён тулыспалэ, оштолэзе – куартолэзе но пӧсьтолэзе луыны быгатозы. Со вакытэ туж эскериськыны кулэ, экстремальной шулдыръяськонъёслэсь палэнсконо, руль сьӧрын чакласьконо, осконтэм муртъёслэсь палэнске, урод репутациен интыосы эн ветлэ. Асьтэ сярысь сюлмаськиды ке, шуг-секытъёс палэнтӥ ортчозы.

Скорпион (24 коньывуон – 22 шуркынмон)

Ужбергатон/Уж

Ужен герӟаськем ужпумъёсъя 2021-тӥ ар Скорпионъёс понна оглом азинлыко луоз. Медъям ужасьёс кивалтӥсьсылэсь ӟеч лэсьтэмзэ оштолэзе, пӧсьтолэзе, шуркынмонэ но толсуре возьманы быгато. Со толэзьёсы тӥ асьтэдыз мылысь-кыдысь ужасез сямен возьматоды, соин ик кивалтӥсьтылэн осконэз юнме уз луы. Тӥледыз ужады ӝутыны, уждундэс будэтыны быгатозы. Ужбергатӥсьёслэн клиентъёссы тросгес луозы, ужез радъяны умой быгатонлыксылы луыса бадӟым табышъёссы луозы. Нош та дырозь уж ӧд на ке шедьтэ, кылдэмезъя но дышетскемдыя, озьы ик коньдон возьмамдыя вакансия утчаны ӵапак дырыз. 

Тулыспалэ – южтолэзе, куартолэзе но пӧсьтолэзе Скорпионъёс тужгес ваменэс, тупаны луонтэм муртъёсын но одӥг кыл шедьтыны быгатозы. Соин валче кивалтӥсьёсын но, ужъюлтошъёсын но умой кусыпъёс юнматӥськозы. Ужен герӟаськем ужпумъёсты сэрттон-пертчонлы оскыны луэ, уката ик татын партнёрды бадӟым инты басьтыны быгатоз. 

Секыт толэзьёс луыны быгатозы гудырикошкон но куарусён. Лушкем тэргаськонъёс, чагиськонъёс луыны быгатозы, озьы ик кык пӧртэм валано югдуре шедьыны кышкытлык вань. Вань шуг-секытъёсын тӥледыз янгыше медаз уськытэ шуыса, вань уждэс дырыз дыръя, лад-лад быдэстыны, ужан радъя куронъёсты чакланы тырше.

Яратон/Семья

Ас улонзы Скорпионъёслэн 2021-тӥ арын огкадь уз луы. Гужем дор но уж куспын баланс шедьтыны шуг луоз. Толшоре – тулыспалэ, куартолэзе, коньывуонэ дорен, семьяен герӟаськем ужпумъёсын яратоно мурттылэсь дурбасьтэмзэ эн возьмалэ. Кусыпъёсын осконэз ыштонтэм понна тулыс но пӧсьтолэзе Скорпионъёслы трос тыршоно луоз, нош кин быгатоз, сое кузьым вите – улонды кужмо яратонэн тырмоз. Кузпалъяськем Скорпионъёс семьяязы туж шудо луозы, яратоно муртэнызы трос пӧртмась минутъёс ортчытозы. Нош огназы улӥсь Скорпионъёс тунсыко адямиосын тодматскыны но эшъяськыны быгатозы. Туж усто вакыт театре, концертэ, адӟытонъёсы ветлыны, озьы ик творчествоя вожвылъяськонэ пыриськыны. 

2021-тӥ арын выль тодматсконлы паськыт инвисъёс усьтӥсько. Быдэс ар ӵоже, тулыспалэ, оштолэзе – куартолэзе, гудырикошконэ, коньывуонэ сяна, путешествиын азинлыко пумиськон луыны быгатоз. Нош кинлэн парез вань ни, со вакытэ ик отпусксэс ӵошен туж усто ортчытыны быгатозы. Мерлыко вотэсъёс пыр тодматскыны умойгес луоз толшоре, куарусёнэ, шуркынмонэ – толсуре. Нуны кылонлы гудырикошкон но куарусён тупало.

Коньдон/Басьяськонъёс

2021-тӥ арлэн нырысетӥ палараз Скорпионъёс партнёрзылэн коньдонэн юрттэмзылы оскыны быгато, угось толшоре но южтолэзьысен инвожоозь сое шӧдскымон табыш возьма. Квартираез воштон яке басьтон сярысь малпанъёсты тулыспалэ – южтолэзе, инвожое но куарусёнэ быдэстоно. Нош толшоре, гудырикошконэ но шуркынмонэ сыӵе сделкаослэсь возиськоно – ыштонъёс луыны быгатозы. Тужгес секыт толэзьёс – куартолэзь, инвожо но толсур. Со дыре чакламтэ расходъёс, ыштонъёс, авариос луыны быгатозы. Валютаез вузан-басьтонлэсь, биржаын шудонлэсь возиськыны кулэ, малпаське, кытысь коньдон поттыны быгатоды, угось куд-огез дышем интыос табыш уз вае. 

Машинаез вылен воштыны, дуно мобильной телефон басьтыны инвожое но куарусёнэ яра. Коркалы, семьялы арбериос басьтыны умой дыр – тулыспал, коньывуон, толсур. Руль сьӧрын ветлӥсьёс толшоре, инвожое, гудырикошконэ но шуркынмонэ чакласькыны кулэ – со вакытэ аварие шедьыны бадӟым кышкытлык. Котьма ке но, «корт валдылы» кӧня ке коньдон висъяны дась луэ.

Творчество/Путешествиос

2021-тӥ арын Скорпионъёс ортчись арын дуннеез адӟыны ыштэм луонлыксэс берыктыны быгатозы. Тулыспалэ, пӧсьтолэзе – гудырикошконэ быдэс семьяен путешествиос капчи но яркыт ортчозы. Яратоно муртэн романтической путешествие ветлыны котькудӥз сямен толэзь тупалоз. Коньывуонэ огнын шутэтсконэз творчествоя ӵектос бордын ужанэн огазеяны луоз. Ас коже дышетскыны толшор, южтолэзь, оштолэзь, инвожо но гудырикошкон тупалозы. Ӧнер быгатонлыкъёсты будэтыны, нимысьтыз курсъёсты ортчыны тулыспалысен оштолэзёзь, пӧсьтолэзе но толсуре луоз.

Тазалык/Кышкытлык

Скорпионъёс быдэс ар ӵоже ӟеч тазалыкенызы ушъяськыны быгатозы. Со дыре ик сӥзьыллэн кутсконаз куазь жобан вакытэ кынман висёнъёслэсь утиськыны кулэ. Инвожое, гудырикошконэ но шуркынмонэ экстремальной шулдыръяськонлэсь возиськоно. Сюрес вылын сак луэ, ӝытазе огнады эн ветлэ, тодмотэм адямиослы эн оске – шуккиськыны но умойтэм югдуре шедьыны кышкытлык вань.

Ыбылӥськись (23 шуркынмон – 22 толсур)

Ужбергатон/Уж

2021-тӥ ар кутсконын толшоре но тулыспалэ Ыбылӥськисьёслы (Стрелец) ужан ӧре пырыны туж секыт луоз. Дырыз дыръя асьтэдыз кияды ӧд ке кутэ, тӥледыз азьтэм луэмен янгыш карозы, нош со табышты вылын шӧдӥськоз. Толшорысен южтолэзёзь но гудырикошконэ саклыктэс радъян ужъёслы висъялэ, та вакытэ соос тужгес умой пӧрмозы. Усто менеджерлэн быгатонлыкъёсыз шараяськозы. Тӥ кивалтӥсьёсыныды, вылӥынгес сылӥсь ужъюлтошъёсыныды, валтӥсь ӧнерчиосын кусыпъёс тупатыны но пуктэм ужпумдылы матэгес кариськыны быгатоды. 

Южтолэзе, пӧсьтолэзе, гудырикошконэ командировкаос луыны быгатозы. Но гудырикошкон сокем капчи толэзь уз луы, соин ик умойтэм луонъёслэсь но даллашонъёслэсь, озьы ик ӧнердэс тодымтэен, уждэс быдэстымтэен янгыше уськытонъёслэсь палэнскон понна кылкутыны быгатэмдэс возьматэ, аналтэм ужъёстэс быдэстэ, уждэс ас эрказ эн лэзе. Оштолэзе яке арлэн пумаз, куарусёнысен толсурозь, умой уж ӵектыны быгатозы. Оштолэзе но гудырикошконэ тӥледыз кивалтон уж возьма. Тулыспалэ, оштолэзе но куартолэзе ужъя чакланъёсты куашканы быгатозы, ужан условиосты урод пала воштӥськозы – ужан интыез воштыны мылкыд ӝутскоз. Нош ужрадъёсын узыр гудырикошконэ туж кулэ ӵектосэз юнматыны, тодосъя ужез йылпумъяны яке вожвылъяськонын вормыны луоз.

Яратон/Семья

2021-тӥ арын Ыбылӥськисьёслэн семья но дор сярысь туж трос малпанъёссы кылдозы. Тросэз соос азинлыко но пайдалыко луозы. Но яратоно адямиеныды куаретон медаз поты шуыса, куд-ог толэзьёсыз буйгатскыны кулэ, угось солэн но аслаз малпанъёсыз луыны быгато. Пӧсьтолэзь, шуркынмон но толсур Ыбылӥськисьёслэсь чиданлыксэс, валаны быгатонлыксэс эскерозы. Уката секыт луыны быгатоз шуркынмонэ – осконэз ыштыны кышкытлык вань. 

2021-тӥ арын тупатъян-лэсьтӥськон ужъёсты умой быдэстыны луоз. Нош южтолэзьысен инвожоозь нуны кылдонлы тупась дыр. Оштолэзь но куартолэзь семьяын туж шуныт кусыпъёсын шумпоттозы. Толшоре но пӧсьтолэзе партнёрды вань кутсконъёстылы дурбасьтоз но кулэ дыръя пельпумзэ пуктыны быгатоз. Оштолэзь, инвожо но гудырикошкон романтической путешествилы туж тупало. Нош огназы улӥсь Ыбылӥськисьёс путешествиын яратонзэс пумитаны быгатозы. Тросгес адямиосын тодматскыны арлэн нырысетӥ куинь толэзьёсыз но инвожо умой луозы. Куартолэзе но инвожое кивалтӥсен кусыпъёс кылдыны быгатозы, нош оштолэзе – куартолэзе – подчинённоен.

Коньдон/Басьяськонъёс

Коньдон ласянь 2021-тӥ ар Ыбылӥськисьёс понна вошъяськисьтэм луоз. Толшоре, южтолэзе – оштолэзе но куарусёнэ коркады но семьяды понна котыръёс басьтэ. Оштолэзе – куартолэзе улон интыен югдурзэс умоятыны но умой дунын дача басьтыны луоз. Арлэн пумаз – куарусёнысен толсурозь – партнёрдылэн табышез вылэ оскиськыны яра. Инвожое но куарусёнысен толсурозь бадӟым табышсы луоз вузкарон удысын ужасьёслэн, вуизьбур ужын тыршисьёслэн (тодосчиослэн, юристъёслэн, гожъясьёслэн, инженеръёслэн…), озьы ик пӧртэм удысъёсын визь-кенеш сётӥсьёслэн но герӟасьмуртъёслэн (посредникъёслэн). 

Кин ке кемалась ини водительлэсь удостоверенизэ басьтон сярысь малпаське ке, ӵапак дырыз курсъёсы мыныны. Оштолэзе коньдонэз дышетсконэ поныны яра. Нош толшоре транспорттылы ватсаса коньдон висъяно луоз.

Творчество/Путешествиос

2021-тӥ ар путешествиослы туж тупа. Толшоре, куартолэзе – инвожое, гудырикошконэ, шуркынмонэ кыдёкысь кунъёсы быдэс семьяеныды ветлэ. Инвожо, гудырикошкон но шуркынмон романтической путешествилы тупалозы. Нимысьтыз курсъёсын ӧнер быгатонлыкъёсты будэтыны умой луоз толшорысен куартолэзёзь но коньывуонэ, нош ас коже дышетскыны быдэс ар тупа.

Тазалык/Кышкытлык

2021-тӥ арын Ыбылӥськисьёс аьсэдыз усто шӧдэменызы но ӟеч мылкыдынызы ушъяськыны быгатозы. Толшоре – тулыспалэ но куартолэзе – инвожое гинэ тазалыктылы тросгес саклык висъялэ, гомеостазды медаз сӧриськы. Кышкыт учыръёс Ыбылӥськисьёсты уг возьмало шуыны луэ, соин ик вуын, гурезьын но омырын экстремальной спорт амалъёслы дышетскыны туж сэзь быгатӥськоды.

Сюро кеч (23 толсур – 20 толшор)

Ужбергатон/Уж

2021-тӥ арын Сюро кечьёс (Козерог) сюлмысь ужанзэс азьланьтозы. Трос ужаны быгатэмдэс но оскымон луэмдэс кивалтӥсьты кулэезъя дунъялоз. Кин уж утча, толшоре, инвожое но куарусёнэ умой инты шедьтыны быгатозы. 2021-тӥ арын валтӥсь но ватсаса ужын умой уждун басьтыны луоз, соин ик ӵектонъёсты эн келялэ. Куартолэзе яке шуркынмонэ кивалтӥсе юнматыны быгатозы. Ужбергатӥсь Сюро кечьёслэн клиентъёссы тросгес луозы, табышсы будоз - ваньмыз со радъян быгатонлыксылы луыса. 

Ужын шугъяськонъёс пӧсьтолэзе гинэ кылдозы – лушкем тэргаськонъёс, чагиськонъёс луыны быгатозы, озьы ик кык пӧртэм валано югдуре шедьыны кышкытлык вань. Пуктэм ужпумъёсты рос-прос быдэсъяны тырше, соку умойтэм учыръёс палэнтӥ кошкозы. Кивалтӥсьлы дисциплинаез возьыны трос кужымзэ сётоно луоз, малы ке шуоно та вакытэ оскымонтэм ужасьёс кылдыны быгатозы. Куартолэзьысен пӧсьтолэзёзь умой командировкаос возьмало, нош шуркынмонэ туж кулэ ӵектосэз юнматыны луоз.

Яратон/Семья

Сюро кечьёслэн ас улоназы толшор но куартолэзь огшоры уз луэ. Та дыр кусыпъёсты кутсконлы уг тупа. Кык пӧртэм валано югдуре шедьыны, осконэз ыштыны быгатоды. Та вакытэ шонергес луоз яратоно муртэныды огкадь лулпуш тунсыкъёс шедьтыны яке калыклэсь палэнын ӵошен шутэтскыны. Куарусёнэ уж но семья куспын баланс возьыны секыт луоз. Тулыспаллы но гудырикошконлы выль улон интые выжонэз чакланы яра. Оштолэзе кулэ тупатъян ужъёс нуоно. Гудырикошконысен коньывуонозь вуись иворъёсты эскере – мыдланьтыса валэктон, юме кыл вӧлдон, пӧян луыны быгатозы. Сузэр-вынъёсыныды пумиськонъёсты ӟечгес вакытлы выжтыны умойгес луоз.

Коньдон/Басьяськонъёс

2021-тӥ ар коньдон ласянь капчи уз луы. Арлэн кутсконэз (толшор – тулыспал), озьы ик гужем толэзьёс кужымзэс люкамез но эскериськемзэс кулэ карозы. Коньдон понэмлэсь, басьяськонъёслэсь, депозитъёс усьтэмлэсь палэнсконо. Та вакытэ ужбергатӥсьёслы ужзэс паськытатэмлэсь возиськыны но оборотъёссэс кулэстыны кулэ. Ыштонъёс луыны быгатозы. Нош толсуре бадӟым штрафъёс вуыны, пӧялляськон но коньдон ёртон учыръёс луыны быгатозы. Корка котыре бадӟым басьяськонэн аьсэдыз шумпоттыны оштолэзе яра. Со вакытэ, озьы ик куартолэзе транспортэз вылезлы воштыны яке дуно телефон басьтыны умой. 

Толшоре – южтолэзе, гудырикошконэ творчествоя ӵектосъёслы, озьы ик дышетонэн, кунгож сьӧрен, кунгожсьӧр партнёръёсын, тодосэн яке спортэн герӟаськем ӵектосъёслы саклык висъялэ – ваньмыз, мар тӥлесьтыд инвисъёстэс но быгатонлыкъёстэс паськытатыны юрттэ, со шӧдскымон табыш ваёз. Озьы ик палэнэ вузкаронлэсь, суд пуктэмъёслэсь, кыдёке ветлэмлэсь пайда поттыны луоно. Коньдонэн юрттэт кыдёкысь ӵыжы-выжыос сётыны быгатозы.

Творчество/Путешествиос

2021-тӥ арын калык азьын ортчись ӧнеръёсъя ужасьёслы удалтоз, нырысь ик, лекторъёслы, артистъёслы, политикъёслы, юристъёслы, модалиослы, дышетӥсьёслы. Трос калык азьын асьстэдыз возьыны быгатэмды толшоре, южтолэзе, куартолэзе но коньывуонысен толсурозь азинлык но тодмо луон ваёз. Южтолэзе, куартолэзе, гудырикошконэ – куарусёнэ но толсуре творчествоен вырись Сюро кечьёс ас коже дышетсконын, ӧнер быгатонлыкъёссэс будэтонын, кыӵе ке ужын устолыксэс волятонын мылкыдзэс ӝутозы. Ӧнер быгатонлыкъёсты будэтыны пайдае луоз куартолэзе. Психологиен, эзотерикаен тунсыкъяськондэс быдэстыны пӧсьтолэзе но шуркынмонэ яра. Нош путешествие потыны кизилиос оштолэзе яке пӧсьтолэзе ӵекто.

Тазалык/Кышкытлык

Пӧсьтолэзе – гудырикошконэ но толсуре тазалыклы нимысьтыз саклык висъяны кулэ. Асьтэды висем пыр шӧдыны кутскемды бере ик эмчилы вазиське, урод сямъёстылэсь куштӥське но азьвыл ик иммунитеттэс юнматон сярысь сюлмаське. 2021-тӥ арын шуккиськонъёслэсь сокем кышкано ӧвӧл, вань луонлыкъя шулдыръяськыны, пӧртэм амалъёсын шутэтсконлэсь адреналин басьтыны яра. Но гудырикошконэ эскериськыны кулэ, экстремальной шулдыръяськонъёслэсь палэнсконо, осконтэм муртъёсын ӧвӧл вераськоно, урод репутациен интыосы ӧвӧл ветлоно.

Ву кисьтась (21 толшор – 19 тулыспал)

2021-тӥ арын Ву кисьтасьёслы (Водолей) кивалтӥсьёс оскозы но соослы умой уждунэн инты ӵектозы. Со ласянь тужгес умой толэзьёс – тулыспал, инвожо – гудырикошкон, шуркынмон. Южтолэзе – оштолэзе ваньбур поттон кулэсмон, клиентъёслэн лыдзы синон возьма, соин ик Ву кисьтасьёслы азьвылзэ берыктон понна трос тыршоно луоз. Но амало луэмды шугъяськонъёсты вормыны но кивалтӥсьёслэсь осконзэс возьыны быгатоды. Штатэз паськытатон понна тужгес умой вакыт инвожое – пӧсьтолэзе луоз. Кивалтӥсь Ву кисьтасьёс коллективенызы керетытэк но пайдалыко кивалтыны быгатозы. Предприятиез оскымон но ӧнрелыко ужасьёсын узырмытыны пӧрмоз. Туж кулэ ӵектосъёсты, диссертациосты утьыны, вормонъёслы умой вакыт сӥзьыл луоз. 

Шуркынмонэ но толсуре данъямез яратэмды но мултэс быдӟияськемды кивалтӥсьёсын кусыпъёстэс сӧроз, ужъя ӝутскемды пумысен юанъёс кылдозы. Озьы ик со вакытэ лушкем тэргаськонъёс, супыльтонъёс луыны быгатозы, лушкем тушмонъёсты йырзэс ӝутозы. Ужтэк кылем Ву кисьтасьёс 2021-тӥ арын сокем шугъяськытэк ас мылкыдзыя но умой уждунэн ужан инты шедьтыны быгатозы. Толшорез, коньывуонэз но толсурез гинэ вератэк. Нош инвожое – пӧсьтолэзе кивалтон инты понна но нюръяськыны луоз.

Яратон/Семья

Дорен но семьяен герӟаськем ужпумъёсъя 2021-тӥ ар Ву кисьтасьёс понна огшоры уз луы. Толшоре – тулыспалэ, оштолэзе, коньывуонэ но толсуре умойтэм югдур кылдоз, ог-огдэс валамысь дугдоды. Соин сэрен дорады бертэмды уз поты, но кылдэм югдурлэн мугъёсыз пумысен малпаськыны кулэ, партнёрдэс гинэ янгыш карын яке «улон сыӵе» шуыны эн выре. Семьяеныды сюлмысь вераськон, яратон но валан понна кужым шедьтыны тырше. Гудырикошконэ яратоно адямидылы нимысьтыз саклык кулэ луоз, соин зэмлыко луэ, номыр эн ватэ, соку асьтэос но сое ик курыны быгатоды. 

Кык пӧртэм валамон югдуре шедьыны быгатоды, соин ик эскериське, визьдэс эн ыштэ, соку та толэзе но, озьы ик инвожое тӥ яратон пӧлы ваёды. Шудо нуналъёсты романтикаен, лулчеберет ужрадъёсын, со пӧлын адӟытонъёсын, концертъёсын, эктонъя конкурсъёсын, тырмозы. Нуны кылдонлы оштолэзь тупа. Нош куартолэзьысен пӧсьтолэзёзь партнёрды вань семья ужъёсын юрттоз. Кин ке одӥг липет улэ выжыны яке партнёрез юрттэмен кызьы ке мукет сямен улон интыя ужпумзэ сэрттыны-пертчыны быгатоз.

Коньдон/Басьяськонъёс

2021-тӥ арын Ву кисьтасьёсты пӧртэм интыысь вуись табышъёссы шумпоттозы. Квартираез яке музъемез арендае пайдаё сётыны, анай-атайдылэсь яке партнёрдылэн анай-атаезлэсь коньдонэн юрттэт басьтыны луоз. Ӵапак дырыз корка котыр басьтыны – басьяськонъёсты пайдаё, ярано но кемалы чидамон луозы. Тужгес умой вакытъёс – толшор – куартолэзь, озьы ик гудырикошкон – куарусён но толсур. Оштолэзе но гудырикошконэ корка котыре мар ке бадӟымзэ басьтыны, оло, нош музъем яке мукет недвижимость басьтыны яра. Нош гудырикошконэ со понна пунэмаськоно луоз, дыр – асьтэлэн коньдонлы узгес тырмы. 

Ыштонъёс адӟемды уг ке поты, инвожое – пӧсьтолэзе бадӟым басьяськонъёслэсь, депозит усьтэмлэсь возиськоно. Ужбергатӥсьёслы ужзэс паськытатыны, выль контрактъёс юнматыны яке ужасьёсты кутыны та дыре уг яра. Ыштонъёс ӧжытгес мед луозы шуыса, шонергес луоз оборотъёсты кулэстыны. Куартолэзе, шуркынмонэ но толсуре бадӟым табыш басьтыны быгатозы коньдон бергатон, шулдыръяськонэз радъян, дышетон ужен но шоу-бизнесэн герӟаськем адямиос. Нялтас, ас кужымдэс биржаын шудонын эскерыны яке лотереяын удалтон возьманы луэ. Утыны луонлык бадӟым.

Творчество/Путешествиос

2021-тӥ арын Ву кисьтасьёс ортчись арын путешествиослэсь тырмымтэзэс берыктыны быгатозы. Быдэс арез кизилиос семьяен кыдёкысь кунъёсы ветлонлы дэмлало. Нош романтической путешествие пӧсьтолэзе – гудырикошконэ мыныны яра. Калык азьын ӵем выступать кариськоды, дышетӥсь, артист, политик, лектор луыса ужаськоды ке, 2021-тӥ арын тӥледыз ушъялозы, трос калык синмаськемзэ но яратэмзэ вералоз. Уката но нырысетӥ паларын, озьы ик куарусёнэ удалтоз. Мылкыдэз ӝутон яке творчествоя ӵектосэн вырон понна одӥген шутэтскыны тужгес тупась дыр: толшор – тулыспал, куарусён - коньывуон но толсур.

Тазалык/Кышкытлык

2021-тӥ арын тазалыкты кышкатыны кулэ ӧвӧл, но арлэн нырысетӥ толэзьёсаз туж чакласькиды ке гинэ. Толшоре – тулыспалэ но шуркынмонэ – толсуре дыраз шутэтскон, шонер сиськон но иммунитеттэс юнматон сярысь сюлмаське. Толшоре – тулыспалэ, гудырикошконлэн нырысетӥ дас нуналъёсаз но шуркынмонэ шурдыт шудонъёсы пыриськыны кулэ ӧвӧл – вӧсь луыны кышкытлык вань.

Чорыгъёс (20 тулыспал – 20 южтолэзь)

2021-тӥ ар уж ласянь капчи уз луы. Кивалтӥсь чорыгъёсты оскыны луонтэм юрттӥсьёссы но ужасьёссы сюлмаськытозы. Укта лэчыт со ужпум султоз толшоре но инвожоысен гудырикошконозь. Со вакытэ куд-огеныз ужъюлтошъёсын кусыпъёсысь оскон быроз, нош куд-огез вожъяськонэн, тэргаськисьёсын но кыл вӧлдӥсьёсын пумиськозы. Уж утчаны умойгес ар пумын – шуркынмонэ но толсуре умой коллективын кивалтон уж шедьтыны луоз. Пӧсьтолэзе но гудырикошконэ озьы ик должность басьтыны луонлык вань, но коллективын секыт луоз. Пайдаё уж Чорыгъёсты толшоре но оштолэзе возьмало. 

Командировкае толшоре, пӧсьтолэзе, шуркынмонэ но толсуре мынэ. Тӥ пуктэм ужпумъёсты быдэстыны но дандэс юнматыны быгатоды. Ӵектосъёсты юнматыны, звание басьтыны, уждыя данэ потыны луонлыкъёс толшоре, пӧсьтолэзе но шуркынмонэ усьтӥськозы. Коньывуонэ азинсконъёс басьтон понна трос тыршоно но трос могӟетъёсты ортчоно луоз.

Яратон/Семья

Ас улоназы Чорыгъёслы яратоно муртсылы сюлмо луэмзэс возьматоно но, кык пӧртэм югдуре шедёнтэм вылысь, асьсэдыз чакласькыса возёно луоз. Ужпум укта лэчыт шӧдӥськоз толшоре – тулыспалэ но гудырикошконэ. Но люкиськон дорозь 2021-тӥ арын уз вуы. Эрико Чорыгъёслы азинлыко тодматсконъёсты толшоре, оштолэзе но гудырикошконэ утчаны кулэ, вуоно партнёрез ульчаын яке сюрес вылын пумитаны луоз. Гудырикошконэ ужъюлтошен яке подчинённоен яратон кусыпъёс кылдыны быгатозы. 

Толшоре, южтолэзе – оштолэзе, инвожое но куарусёнэ дорысь умой югдур шумпоттоз. Семья ужъёсты, недвижимостен герӟаськем ужпумъёсты сэрттон-пертчонын партнёрлэн юрттэмезлы куартолэзьысен пӧсьтолэзёзь но куарусёнэ оскиськыны луоз.

Коньдон/Басьяськонъёс

2021-тӥ ар Чорыгъёслэсь улон интыен герӟаськем ужпумъёссэс сэрттыны-пертчыны оскытэ. Недвижимость басьтыны но недвижимостьлэсь бадӟым табыш поттыны тужгес тупась вакыт гужемлэн пумыз но быдэс сӥзьыл. Оштолэзе арендаен но корка котыр басьтонэн удалтоз. Нош тӥ автомашина яке дуно телефон басьтыны малпаськоды ке, со понна толшор, южтолэзь, инвожое яке шуркынмон тупалозы. 

Толшоре но тулыспалэ, озьы ик гудырикошконэ бадӟым коньдонэн сак луэ, пӧяськон луыны быгатоз. Инвожое, пӧсьтолэзе, шуркынмонэ штраф улэ шедёнлэсь но янгыше уськытонлэсь эскериське, нош куарусёнэ возьмамтэ ыштонъёс луыны быгатозы. Коньдон ласянь партнёрлэн юрттэмезлы оскыны луоз пӧсьтолэзе. Асьтэ понна басьяськыны умой вакыт – оштолэзь но пӧсьтолэзь.

Творчество/Путешествиос

Путешествиос понна 2021-тӥ ар оглом тупамон. Быдэс семьяен сюрес вылэ потэ толшоре, южтолэзе – оштолэзе но куарусёнэ. Нош инвожое – пӧсьтолэзе но шуркынмонэ туж эскериськыны кулэ – сюрес вылын яке дорлэсь кыдёкын умойтэм луыны быгатоз. Калыклэсь палэнын творчествоен вырыны туж умой тупало гудырикошкон – куарусён, ас коже дышетскыны яке курсъёсты ортчыны южтолэзе, пӧсьтолэзе – гудырикошконэ яра.

Тазалык/Кышкытлык

2021-тӥ арын Чорыгъёслы тазалыксы трос сюлмаськонъёс ваёз. Кулэ иммунитетэз юнматыны, эскеронэз ортчыны, шонер сиськыны, урод сямъёслэсь куштӥськыны, мугорез кыдатыны. Пӧсьтолэзе но коньывуонлэн пумаз экстремальной шурдыт шулдыръяськонъёслэсь но экстремальной спортлэсь палэнскыны кулэ – шуккиськыны быгатоды. Нош толшорысен южтолэзёзь сюрес вылын шудтэм учыре шедьыны кышкытлык вань. Тужгес но пӧсьтолэзе чакласькыны кулэ – бер ӝыт огнады эн ветлэ, тодмотэм муртъёслы эн оске. 

*Ӟуч кылысь берыктэмын



Наверх
Вниз