«Удмурт Кенешлэн» тӧроез Татьяна Ишматова но Татарстанысь удмуртъёслэн автономиенызы кивалтӥсь Андрей Герасимов лыдъяло, йӧскалык огазеяськонъёс лулчеберет удысысь сяна, улонысь вань удысъёсъя ужпумъёсты ӝутыны кулэ. Удмуртъёслэн азьветлӥсьёссы со сярысь вераськизы
Татьяна Ишматова тодэ вайытӥз, «Удмурт Кенеш» огазеяськонлэн
Ми шуиськом татын, лулчеберетъя ужпумъёсын гинэ ум выриське шуыса, маин ӵемысь асьмелэн ужмы йылпумъяське. Ми огазеяськон, кудӥз удмурт этнослэсь мылкыдъёссэ улонысь вань удысъёсын — политика, экономика — возьматэ. Озьы 1991-тӥ арын декларировать каремын вал
Озьы ик уставын пусъемын, огазеяськонлэн ёзчиосыз удмурт кылэз утён, азинтон но вӧлмытон бордын ужаны кулэ шуыса. Нимысьтыз висъямын Россиысь
Туннэ нуналлы пӧртэм ӧръёсъя вормонъёс шӧдӥсько ни. Кылсярысь, асьме улосвылын «Удмурт Элькунысь кун кылъёс но Удмурт Элькунысь мукет калыкъёслэн кылъёссы сярысь» кат юнматэмын, кытын удмурт кыл кун кыл луэ шуыса пусъемын. Со вӧзы итӥське катэз быдэстонъя нимысьтыз программа. Ваньмаз улосвылъёсын, кытын удмуртъёс тросэн уло, «Удмурт Кенешлэн» ёзэтъёсыз кылдытэмын, озьы ик удмуртъёслэн мукет йӧскалык огазеяськонъёсынызы кусыпъёс тупатэмын, шуэ Татьяна Ишматова.
Кин огазеяськонын кемалась ни, тодаз возе, кыӵе вал югдур. Вал учыръёс, куке одӥг огазеяськон кыклы люкиськиз, куке ог-оген валан ӧй вал. Со, валамон, огазеяськонлэсь кужымзэ ӧз юнматы. Плюс луэ, ми туннэ ӵошен шуыса — егитъёс но, нылкышноос но, камсьӧр удмуртъёс но
Эшшо одӥгез быдэстэм ужпум — йӧскалык геройёслэсь нимъёссэс данъян. Туннэ нуналлы Кузебай Герд но Ашальчи Оки нимо премиослэн бадӟым историзы ни, соос сярысь трос адями тодэ. Озьы ик тужгес но усто журналистъёсты «Удмурт Кенеш» Эрик Батуев нимо данъетэн пусъе. Со сяна, выльысь улӟытозы Трокай Борисов нимо премиез.
«Ми со сярысь верам ни, туэ
Со сяна, туннэ нуналлы йӧскалык кадръёсты дасян сӧзнэт вань. Кузебай Герд нимо гимназиын, Удмурт кун университетысь Удмурт кылосбуръя, финноугроведения но журналистикая институтын, Историяя, кылъя но литературая удмурт институтын со валтӥсь ӧр луэ, шуэ «Удмурт Кенешлэн» тӧроез.
Бигерысь удмуртъёслэн автономиенызы кивалтӥсь Андрей Герасимов пусъе, куке со огазеяськонэн кивалтыны кутскиз, солы пӧртэм ужрадъёсын «массовка интыын» луыны ӧз кельшы. Кивалтӥсьлэн ас калыкез понна пайда ваемез потӥз.
Солэн кылъёсызъя, улосвылысь арлыдоос ӵемгес вазиськыло удмурт кылэз, лулчеберетэз утён ужпумен. Но мерлыко юанъёсын ке но лыкто, Андрей Герасимов юрттыны дась. Кылсярысь, кыӵе ке гуртын нылпи садэз ворсан вылэ ӝожтӥськизы ке, кивалтӥсь быдэсъясь тӧрлык пыр та ужпум борды кутскоз.
Ми шедьтом депутатэз — депутат милям тӧрлыкысь мурт ук — Кун Кенешысь, Кун Думаысь. Муниципал ёзэсъёсын пумиськом. Вералом шугъяськонэз но быдэсъясь муниципал тӧрлык пыр куром, та ужпум, кудӥныз адями лыктӥз, сэрттэмын-пертчемын мед луоз шуыса
Со пусъе, вань ужпумъёс ӵемысь интыосын быдэстӥсько, солэн куспазы пыронэз кулэ уг луы, малы ке шуоно соослэн огазеяськонзылэсь куаразэ тӧрлыкъёс кыло. Кылсярысь, Татарстанысь Дышетонъя министерство но муниципал ёзэсъёс юрттэмен удмурт пиналъёслы «Мудорвай» вожвылъяськонэз улонэ пыӵатыны луиз. Со кык ар радъяськиз ни. Нырысетӥ араз, 2016-тӥ арын, конкурсэ 315 пинал пыриськиз, нош кылем арын — 800 пала покчиос.
Валамон, асьме коже милемлы сое (конкурсэз — ред.) радъяны нокызьы. Малы? Малы ке шуоно Дышетонъя министерство но муниципал ёзэсъёс пыр лэсьтоно. <…> Тӥ валаськоды, покчи нылпиосын — соосын ненег ужано. Тӧрлыклэн вань ёзэсъёсыныз ужан туж кулэ. Та вылын адӟиське, тӧрлык милемыз кылэ шуыса
Солэн верамезъя, тӧрлыкъёсын умой кусып возён — со мер огазеяськонлэн кивалтӥсезлэн ужпумез. Огазеяськон немыз понна гинэ кылдытэмын ке, солэн куараез ӧвӧл, шуэ кивалтӥсь.
«Со (огазеяськон — ред.) адямиос вылэ пыкиське ке, вань ке кужымез адямиосын, кудъёсызлы та огазеяськон кулэ, солэн кужымез вань, со огазеяськонэз лыдэ басьто», — валэктэ Андрей Герасимов.
Тодэ вайытом, Удмуртъёслэн нырысетӥ ӧтчамзы дырысен 100 ар тырмонлы сӥзем конференцие Алабгое пӧртэм улосвылъёсысь 300 пала удмуртъёс люкаськизы. Ужрадын ӝутэм ужпумъёс сярысь лыдӟыны но резолюцилэн ӵектосэныз тодматскыны луэ татын: «Удмуртъёслэн нырысетӥ ӧтчамзылы 100 ар» .