Ижкар+24 °C
15 -тӥ пӧсьтолэзь 2020 Вирнунал
16+

Гуртэ сюрес но выж лэсьтӥзы Удмуртиысь Алнаш ёросын

  • 724
  • 0
Сюрло / Удмуртия
Гуртэ сюрес но выж лэсьтӥзы Удмуртиысь Алнаш ёросын
Фото: ПРЕСС-СЛУЖБА "УДМУРТАВТОДОР"

Федерал программа улсын Алнаш ёросын 1,95 иськем пала сюрес лэсьтӥзы. Со Сюрло гуртэз Алнаш-Грак трассаен герӟаз, ивортэ «Удмуртавтодорлэн» пресс-службаез.

450 метрзэ асфальтобетонэн шобыртӥзы, мукет люкетэз — чарпаен, кӧльыен но луоен суро. Коньдон луиз ке, азьланяз отчы но вакчи дыр куспын асфальтобетон поныны луоз.

Фото: пресс-служба "Удмуртавтодор"

Вуос музъем выллы матын луэмен сюресэз метрлэсь трослы ӝутӥзы, кӧня ке гумыос понӥзы но Варага шур вамен выж лэсьтӥзы. Сюреслэн кышкытлыко люкетъёсаз кенер, сюрес пусъёс но юбоос пуктӥзы.

«Гуртэз кыклы люкись Варага шурен милям азьвыл сюлмаськонъёс вал. Тулыс но сӥзьыл со выжез нуылӥз, калыклэн шугъяськонъёсыз кылдылӥзы. Та гуртын школае ветлӥсь 30 нылпиос уло, выль сюресэз усьтыса, милям татчы школа автобусэз лэзьыны луонлыкмы кылдӥз», — пусйиз Алнаш ёрос администрацилэн ыстэм муртэз Александр Салтыков.

Фото: пресс-служба "Удмуртавтодор"

Ужъёсты 24-тӥ куарусёнэ йылпумъяны чакламын вал, но объектэз шӧдскымон вазьгес вуттыны луиз.

«Гурт сюресъёс» федерал программая «Удмуртавтодор» али эшшо куать объектъёсты быдэстэ. Тодэ вайытом, азьвылгес предприяти Дэбес ёросын Котегурт-Косолюк сюресэз лэсьтонэз йылпумъяз.



Наверх
Вниз