Ижкар-13 °C
28 -тӥ тулыспал 2021 Воскресенье
18+

17 выль автобусъёс басьтӥзы Удмуртиысь школаос

  • 118
  • 0
Ижкар / Удмуртия
17 выль автобусъёс басьтӥзы Удмуртиысь школаос
Туспуктэм: Удмуртиысь дышетонъя но тодосъя министерстволэн пресс-службаез

Удмуртиысь гурт ёросъёсысь школаос пиналъёсты нуон-ваён понна 17 выль автобусъёс басьтӥзы. Со сярысь журналистъёслы элькунысь дышетонъя но тодосъя министр Светлана Болотникова вераз.

Туннэ ми 17 автобусъёсты сётӥськом. Но оглом соос 37. Но со вань кулэяськон ӧвӧл. Вань кулэяськон – 61 автобус, со вужмемъёссэ, 10 арлэсь кем ужамъёссэ воштыны гинэ. Со сяна, выль школа маршрутъёс усьтӥсько на
Светлана Болотникова, Удмуртиысь дышетонъя но тодосъя министр

Удмуртиысь кивалтэтлэн тӧроезлэн воштӥсез Анатолий Строков верамъя, «Образование» йӧскалык ӵектосын дышетсконниослы автобусъёс висъян ӧр вань.

Дэри ёросысь Ожмос черкогуртысь шор ёзо школалэн кивалтӥсез дышетсконниос понна программалэсь бадӟым кулэлыксэ пусйиз. Солэн кылъёсызъя, вуж автобуссылэн ужан дырыз потэмын ни, соин ик ӵем тӥяськылӥз. Туннэ школаын 305 пиналъёс дышетско, со пӧлысь 88-эз бускель вить гуртъёсын но черкогуртын ик школалэсь кыдёкын улӥсьёс.

Та программа паркез ужамон югдурын возьыны юрттэ. Табере кивалтӥсьлэн йырыз уг висьы ни, пиналъёсты занятиосы уз вае шуыса. Табере соосты шуныт автобусэн школаозь вуттозы шуыса тодо ни
Татьяна Новокрещенова, Ожмос черкогуртысь шор ёзо школалэн кивалтӥсез

Оглом элькунлы 37 школа автобусъёс сётӥзы: 15-ез ГАЗ маркаен, вить «Фордъёс», 15-ез ПАЗ но кыкез УАЗ маркаен.

Техникалэн огъя дуныз 79 миллион 861 сюрс манет. 

Тодэ вайытом, элькунысь эмъяськонниослы санитар транспорт вуиз.



Наверх
Вниз