Ижкар-12 °C
28 -тӥ тулыспал 2021 Воскресенье
18+

2021-тӥ арын тупатъяно сюресъёслэсь кузьдалазэс 10 иськемлэсь трослы будэтӥзы Удмуртиын

  • 62
  • 0
Ижкар / Удмуртия
2021-тӥ арын тупатъяно сюресъёслэсь кузьдалазэс 10 иськемлэсь трослы будэтӥзы Удмуртиын
Туспуктэм: Григорий Фомин

2021-тӥ арын Удмуртиын «Кышкыттэм но ӟечлыко автомобиль сюресъёс» йӧскалык ӵектосъя тупатъяно улосвыл сюресъёслэсь кузьдалазэс 10,5 иськемлы будэтӥзы. Сыӵе пумкылъян элькунысь транспортъя но сюрес возёсъя министерствоын кутӥзы, ивортӥз улосвыл тӧролэн но кивалтэтлэн пресс-службазы.

Ньыль улосвыл объектъёс интые таяз арын куатьсэ тупатъялозы.

2021-тӥ ар Удмуртилэн тӧроеныз Гуртлэн ареныз ялэмын. Соин ик ёросъёсын инфраструктураез азинтон, уката ик сюресъёс, ми понна валтӥсь ӧр. Улосвыл трассаосты тупатъян радлыке ми кык люкетъёсты ватсам, кыкез ик Ижкар – Ува сюрес палан
Ярослав Семёнов, Удмуртиысь кивалтэтлэн тӧроез

Нырысетӥ люкетэз – (Ижкар – Ува) – Кабыста. Отын сюреслэсь 7,8 иськемлэсь трос шобретсэ тупатъялозы. (Ижкар – Ува) – Лудорвай – Ильинка сюрес вылын 2,6 иськеме кык сӥен асфальтобетон вӧлдозы, сюреслэсь урдэссэ юнматозы.

Озьы, 2021-тӥ арын йӧскалык ӵектос улсын 28 объектъёсты тупатъяны чакламын.

Ёрос центръёсты герӟась улосвыл но муниципалкуспо сюресъёслэсь куать люкетсэс тупатъям сяна, Дэри ёросын 11 муниципал сюресъёс выльдэмын луозы. Ижкарын укмыс объектъёсты но Сарапулын кык валтӥсь ульчаосты тупатъялом. Йӧскалык ӵектосъя тупатъям сюресъёслэн огъя кузьдалазы 65 иськем луоз
Алексей Горбачёв, Удмуртиысь транспортъя но сюрес возёсъя министр

Улосвыл кивалтэтлэн тӧроез озьы ик пусйиз, Ижкар кадь бадӟым агломерациосысь пумен палэнэ потыны кутскизы. Берло кӧня ке аръёс ӵоже Удмуртилэн шоркараз 169 иськем сюресъёсты тупатъязы, оглом 2 миллиард 500 миллион манет тыр.  

Тодэ вайытом, оглом 2021-тӥ арын Удмуртиын пӧртэм программаосъя ӧжытсэ 200 иськем сюресъёсты выльдозы



Наверх
Вниз