Ижкар+8 °C
15 -тӥ оштолэзь 2021 Покчиарня
18+

16 сюрес люкетъёсты югдытозы Удмуртиын 2021-тӥ арын

  • 431
  • 0
Ижкар / Удмуртия
16 сюрес люкетъёсты югдытозы Удмуртиын 2021-тӥ арын
Туспуктэм: Алексей Арзамасцев

2021-тӥ арын Удмуртиын 16 сюрес люкетъёсты югдытозы, со пӧлысь витсэ «Кышкыттэм но ӟечлыко автомобиль сюресъёс» йӧскалык ӵектос улсын. Со сярысь элькунысь транспортъя но сюрес возёсъя министерстволэн пресс-службаез ивортӥз.

Йӧскалык ӵектосъя тыл юбоос пуктозы:

- Глазкар – Юкаменск улосвыл сюрес вылын, Глазкар котыр сюресэн вожын;
- Вотка котыр сюрес но Пугачёв нимо ульча вожын;
- Каракулино черкогурт пыр ортчись улосвыл сюрес вылын;
- Мостовой черкогурт пыр ортчись Сарапул – Каракулино улосвыл сюрес вылын;
- Ныргыда гурт пыр ортчись Каракулино – Краснй Бор улсовыл сюрес вылын.

Та сюрес люкетъёсын шудтэм учыръёс ӵем кылдыло, соосты ГИБДД-лэн элькунъя управлениезлэн статистикаез вылын бырйизы. Ужъёсты нуись юбоосты кӧня ке ар ачиз возёно луоз.

Таяз арын ик элькун коньдэт чотын эшшо 11 сюрес люкетъёсты югдытыны чакламын, ньылез матысь дыре дась луозы ни

Тодэ вайытом, кылем арын сӥзьыл Якшур-Бӧдья тракт но Ижкар котыр сюрес вожын тыл пиштыны кутскиз, солэсь азьвылгес юбоос эшшо куинь кышкытлыко интыосын пуктӥзы: Дэри – Изгурт сюрес вылын кык интыын но Ижкар – Ува сюрес вылын Шор Постол гурт вӧзын. 

Ватсалом, 2021-тӥ арын Удмуртиын ӧжытсэ 200 иськем сюресъёсты тупатъялозы, со пӧлын (Ижкар – Ува) – Кабыста сюрес.



Наверх
Вниз