Ижкар+1 °C
9 -тӥ толсур 2021 Покчиарня
18+

Кык манетлы дуноялоз Удмуртиын мер транспортын ветлон

  • 157
  • 0
Ижкар / Удмуртия
Кык манетлы дуноялоз Удмуртиын мер транспортын ветлон
Туспуктэм: Руслан Нуриахметов

Удмуртиын мер транспортэн ветлон дун кык манетлы йылоз. Сыӵе пумкылъян 23-тӥ шуркынмонэ лэсьтӥськонъя министерстволэн тарифъёсты радъянъя ӧрилэн кенешоназ кутӥзы. Со сярысь улосвыл тӧролэн но кивалтэтлэн пресс-службазы ивортӥз.

4-тӥ толсурысен мер транспортын мынон понна 27 манет тыроно луоз. Транспорт яке банк картаен тыриськыку – 25 манет.

Воштӥськонъёс вань муниципал (кар) маршрутъёсын луозы. Каръёс, ёросъёс куспын ветлӥсь транспорт (межгород) отчы уг пыры. Дуноялозы проездной билетъёслэн но дунъёссы – ужась муртъёс, дышетскисьёс но студентъёс 8,7 процентлы тросгес коньдонзэс висъяно луозы.

Со дыре ик, кинлэн мер транспортын ветлон понна мерлыко юрттэтэз вань, соос азьланяз но сое басьтозы.

Ӧрилэн ёзчиосыз дунэз будэтонлы вань мугъёсты эскеризы. Валтӥсез – эстӥськонлэн, воштон ёзъёслэн дуноямзы. Со сяна, транспорт предприятиосын ужасьёслэсь уждунзэс коллективен юнматэм тупанкылъёсъя будэтыны кулэ вал.

Тодэ вайытом, мер транспортын дунъёс будозы шуыса азьвылгес вераз транспортъя министр Алексей Горбачёв. 2020-тӥ арын дунъёс 5 манетлы йылӥзы вал.



Наверх
Вниз