Ижкар+3 °C
25 -тӥ коньывуон 2020 Воскресенье
18+

Ижкарын Lada Vesta SW универсалэз тросэн поттонэз кутскыны чаклало 11-тӥ куарусёнысен

  • 363
  • 0
Ижкар / Удмуртия
Ижкарын Lada Vesta SW универсалэз тросэн поттонэз кутскыны чаклало 11-тӥ куарусёнысен
Туспуктэм: lada.ru

11-тӥ куарусёнэ Ижысь автозаводын Lada Vesta SW универсалэз тросэн поттонэз кутскыны чаклало. Солы сӥзем сӥё-дано ужрадэ предприятиын ужасьёс Ижкарлэсь тӧрозэ Юрий Тюринэз ӧтизы, ивортэ муниципалитетлэн пресс-службаез.

Вераны кулэ, нырысетӥ дас универсалъёсты та ар кутсконын поттӥзы.

Выль моделез тросэн поттыны кутскон азьын предприятиын универсаллы ёзъёс лэсьтон тӥрлыкез выльдыны чаклазы.

Куд-ог ивортонъёсъя, выль «Весталэн» 1,6 литръем но 106 вал кужымъем 16 клапанэн двигателез луоз. Азьланяз кужымез будэтэмын луыны быгатоз.

Тодэ вайытом, таяз арын 7 толэзь ӵоже Ижысь автозаводын 62 сюрс 40 машина бичазы, 2016-тӥ арысь та вакытэн ик ӵошатыса, со 17 процентлы тросгес.



Наверх
Вниз