Ижкар+1 °C
13 -тӥ оштолэзь 2021 Пуксён
18+

Ог 200 иськем сюресъёсты тупатӥзы Удмуртиын 2018-тӥ арын

  • 736
  • 0
Казань / Россия
Ог 200 иськем сюресъёсты тупатӥзы Удмуртиын 2018-тӥ арын
Туспуктэм: Майя Бывальцева

2018-тӥ арын Удмуртиын 198 иськемлэсь ятыр автомобиль сюресъёсты тупатӥзы. Со сярысь «Дорога 2018» калыккуспо адӟытонлэн пленарной кенешоназ элькунысь Кивалтэтлэн тӧроез Ярослав Семёнов ивортӥз. Ужрад Казаньын 16-18 коньывуонэ ортче, ивортэ Удмуртиысь тӧролэн но кивалтэтлэн пресс-службазы.

«Сюресъёслэн арзы» улсын Удмуртиын 4 бадӟым ӵектосэз быдэстӥзы. Одӥгез валтӥсез соос пӧлысь «Кышкыттэмлыко но ӟечлыко сюресъёс» валтӥсь проект. Федерал ӵектосъя Ижкар агломерациын оглом сюресъёслэн 63 люкетъёссы тупатэмын, оглом 117 иськем. Тямысэз соос пӧлысь - азьвыл ӵектосэ пыртымтэ Камбарка карын. Татын сюресъёсты тупатыны Ижкарысь сюресъёсъя торгъёсын коньдон шыръямен валче луиз.

Озьы ик кивалтэтлэн тӧроез пусйиз гурт сюресъёсты выльдонлэсь кулэлыксэ. «Гурт интывылъёсты ялан азинтон» программая туэ 8 объектъёсын ужало, одӥгез соос пӧлысь озьы ик коньдон шыръямлы луыса. Вить сюрес люкетъёс - оглом 18 иськем - туннэ нуналлы выльдэмын ни, кылемзэ ужъёсты коньывуон пумозь йылпумъялозы.

«Сюресъёслэн арзы» улсын элькун тӧрлыкъёс дэри дыръя ветлонтэм сюресъёсын герӟаськем ужпумез сэрттон-пертчон борды но басьтӥськизы, пусйиз Ярослав Семёнов ивортоназ. Туннэ нуналлы Удмуртиын 62 сыӵе сюресъёс лыдъясько. Соосты куронъёсъя тупатонлы 3 ар кулэ луоз. Таяз арын ужъёс 21-аз нуисько ни, шуркынмон шорозь оглом 79 иськем мында сюрес люкетъёсты ветлымон карыны чакламын.

Со сяна, 2018-тӥ арын Глазкарысь 30 процентсэ сюресъёсты выльдыны луиз. «Росатом» корпорация кӧня ке аръёслы азьлань налогъёссэ сётыса, уйпал шоркарлэсь сюрес фондзэ 40 миллион манетысен 422 миллион манетозь будэтыны луиз. Соин валче куарусёнлы Глазкарын 52 объектъёсты тупатӥзы, оглом 37,5 иськем. Нош вандэм асфальт пырыен 58 сюй сюресъёсты пазязы.

Сюресъёсты тупатыны кутскон азьын ми валамы, пичи карын таӵе бадӟым ужъёс огдыре ноку ӧй вал на, соин сэрен транспорт копак дугдыны быгатэ вал. Озьы медаз луы шуыса, ми сюрес ужъёсты карлэн ёросъёсызъя куинь люкетлы люким. Коммунальной ёзэсъёсын кенешим, котыръян сюресъёсты калыклы ӝог юрттэт сётӥсь ёзэсъёсын ӵош малпам. Кӧто кышномуртъёслэсь но кема кыстӥськись висёнъёсын адямиослэсь улон интызэс но лыдэ басьтӥм
Ярослав Семёнов, Удмуртиысь кивалтэтлэн тӧроез

Ивортонзэ йылпумъяса, Удмуртиысь кивалтэтлэн тӧроез 2019-тӥ ар та удысын сыӵе ик пайдаё луоз шуыса осконзэ вераз. Азьвылгес ивортэмын вал, вуоно арын элькунын оглом 153 иськем сюресъёс эсэплыко куронъёслы тупатэмын луозы шуыса. 



Наверх
Вниз