Ижкар-12 °C
7 -тӥ южтолэзь 2021 Воскресенье
18+

Куать сюрес люкетъёсты выльдӥзы Можгаын

  • 379
  • 0
Можга / Удмуртия
Куать сюрес люкетъёсты выльдӥзы Можгаын
Туспуктэм: «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез

Можгаын «Кышкыттэм но ӟечлыко автомобиль сюресъёс» йӧскалык ӵектос улсын вить урамъёсысь сюресъёслэсь куать люкетъёссэ тупатъязы. Со сярысь ӵектослэн улосвыл офисэзлэн пресс-службаез ивортэ.

Сюрес шобретэз Можгинской, Устюжанин нимо, Нефтянникъёслэн, Пролетарской урамъёсысь быдэн одӥг но Наговицын нимо урамысь кык люкетъёсысьтыз выльдӥзы. Тупатэм асфальтлэн огъя быдӟалаез 21 сюрс квадрат метр луиз.

Тупатъян ужъёс улсын ӧнерчиос бырем асфальтэз куштӥзы, ӵошкытатӥсь асфальтобетон понӥзы, алама луэм бордюръёсты воштӥзы, колодчаосты ӝутӥзы.

Подрядчик объектъёсты соку ик сётыны ӧз быгаты – ужез кутӥсь ӧрилэн алонъёсыз вал. Актэз соосты тупатэмзы бере гинэ кинюртӥзы
«Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез
 

Кык арня талэсь азьло Огъяросси калык фронтысь азьветлӥсьёс Пролетарской урамысь сюресъёс умойтэм лэсьтэмын шуыса куаретӥзы вал. Мер ужен вырисьёслы сюрес дуръёсты тупатъямзылэн, дугыдлонниысь асфальтлэн но одӥгезлэн сюрес дуре кожонлэн ӟечлыксы ӧз яра. Туннэ нуналлы со интыос сюресчиосын лэсьтэмын.

Кызьы валэктӥзы кар администрациын, Огъяросси калык фронтысь азьветлӥсьёс йылаз-пумаз вуттымтэ объектъёсты эскеризы, соин ик верам алонъёссы янгышъёс ӧй вал, азьланяз лэсьтоно ужъёс гинэ.

Огъяросси калык фронтлэн ёзчиосызлэн куд-ог алонъёссы но ӵектонъёссы уже кутэмын – матысь дыре тупатъям сюресъёс вылэ, озьы ик пыдын сюрес выжон интыосы, гожъёс лэсьтэмын луозы, нош Пролетарской урамын ватсаса пыдын выжон лэсьтыны ӵектонзы Можгаысь кар администраци бордын ужась сюрес вылтӥ мынон-ветлонэз радъянъя ӧрие эскерыны келямын
Александр Иванов, Можгаысь карез лэсьтонъя но архитектурая управленилэн кивалтӥсез

«Кышкыттэм но ӟечлыко автомобиль сюресъёс» йӧскалык ӵектос улсын таяз арын Можгаын сюресъёслэсь 14 люкетъёссэс тупатъялозы, оглом 5,7 иськем мында.  

Тодэ вайытом, йӧскалык ӵектос улсын Шаркан ёросын Шегъян Тыло гуртозь сюреслэсь люкетсэ тупатӥзы.



Наверх
Вниз