Ижкар+22 °C
11 -тӥ пӧсьтолэзь 2020 Кӧснунал
16+

Ува – Вавож сюреслэсь люкетсэ тупатъязы Удмуртиын

  • 289
  • 0
Ува / Удмуртия
Ува – Вавож сюреслэсь люкетсэ тупатъязы Удмуртиын
Туспуктэм: vk.com (АО "Удмуртавтодор")

Удмуртиын Ува- Вавож автомобиль сюреслэсь 1,1 иськем люкетсэ тупатъязы. Со сярысь «Удмуртавтодор» огазеяськонлэн «ВКонтатке» мерлыко вотэсысь огиназ ивортэмын.

Таяз арын Ува - Вавож трассалэн кык тужгес урод люкетъёсыз «Кышкыттэм но ӟечлыко автомобиль сюресъёс» федерал программая тупатъяно объектъёс пӧлы пыризы. 1,1 иськем мында выльдэм люкет Вавож но Ува ёросъёслэн гожзы дорысен кутске но Ува пала мынэ (16+975-км 18+088)
«Удмуртавтодор» огазеяськон

Ӧнерчиос сюреслэсь изъянмем сюрес шобретэз утялтӥзы, кык сӥен асфальтобетон вӧлдӥзы, сюрес дурез юнматӥзы, пусъёс пуктӥзы, кенеръёсты но юбоосты выльдӥзы.

Со трассалэн ик Вавож ёросысь 3,91 иськем люкетаз (км 18+088-км 21+998) тупатъян ужъёс йылпумъян пала вуо. Оглом таяз арын Ува – Вавож сюреслэсь вить иськем люкетсэ федерал программая тупатъялозы.

Пусъём, кылем арын та программая ик автотрассалэсь ньыль иськемзэ (км 4+641 – км 8+641) тупатъязы.

Тодэ вайытом, та нуналъёсы Пичи Пурга – Улӥ Кечол элькун сюреслэсь люкетсэ выльдон ужъёсты йылпумъязы



Наверх
Вниз