Ижкар+18 °C
24 гудырикошкон 2019 Кӧснунал
16+

Куать ёросъёсын ветлыны луонтэм сюресъёсты тупатъяло Удмуртиын

  • 813
  • 0
Ижкар / Удмуртия
Куать ёросъёсын ветлыны луонтэм сюресъёсты тупатъяло Удмуртиын
Туспуктэм: vk.com (АО "Удмуртавтодор")

Удмуртиын ветлыны луонтэм гурт сюресъёсты тупатъянъя ӵектосэз улонэ пыӵатон азьланьтӥське. Та дыре куать ёросъёсын ужъёс мыно. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Сюресчиос Балезино, Кизнер, Сьӧлта, Ува, Алнаш но Вавож ёсросъёсын ужало

Балезино ёросын (Игра-Глазов-Андрейшур) – Воегурт – Пибаньшур сюреслэсь 13,28 иськемзэ тупатъяло. Та дырлы вить пӧлысь ньылез бадӟым гумыос пуктэмын, 6 сюрс 900 квадрат метр асфальтобетон суретлэсь шобретлэн вылӥ сӥез вӧлдэмын.

Кизнер ёросын Саркуз - Новая Пандерка – посёлок 140 км сюреслэн иськемъем люкетаз ву лэзён сӧзнэтэз выльдон ужъёс мыно. Отын вуж пу выжез сэрттӥзы но 1,4 метр диаметрен гумы пуктӥзы. Озьы ик сюрес шобретлы материалъёсты дасяло.

Сьӧлта ёросын (Игра-Селты-Сюмси-Киров улосвыллэн гоже) – Копки - Уть-Сюмси сюреслэсь вить иськем люкетсэ тупатъялозы. Туннэ нуналлы ву кошкон сӧзнэтэз выльдӥзы ни.

Ува ёросын Ува – Мушковай – Тюлькино – Пушкари сюреслэн 2,4 иськемъем люкетаз ужало. Та дырлы куинь пӧлысь кыксэ ву кошкон гумыосты пуктӥзы ни, кыретъёс лэсьтыны кутскизы. Со сяна, сюрес урдсысь кулэтэм писпуосты, куакъёсты утялто.

Алнаш ёросын Асан совхоз техникум - Чёрный Ключ сюреслэн 1,3 иськемаз сюё ужъёсты йылпумъязы. Озьы ик кыретъёсты муромытӥзы, ву кошкон гумыос пуктӥзы. Ӧнерчиос сюрес шобрет вӧлдыны дасясько.

Вавож ёросын (Ува-Вавож) – Лыстем сюреслэн 3,48 иськемаз но Ожги - Новые Какси сюреслэн 3,55 иськем люкетаз ву кошкон сӧзнэтэз выльдӥзы. Али сюресэз шобыртыны дасясько.

Тулыс но сӥзьыл ортчытыны луонтэм сюресъёсын элькун лыдметын али 71 сюрес лыдъяське. Ветлыны шуг люкетъёслэн огъя кузьдалазы 582,3 иськем. Гуртъёсын 20 сюрслэсь трос адями улэ. Сыӵе сюрес люкетъёсты быдтон понна Удмуртиын нимысьтыз программа кылдытӥзы. Али лыдметэ пыртэм ветлыны луонтэм люкетъёсты 2020-тӥ арозь тупатъяны чакламын. Но элькунысь сюресъёслэсь сӧриськемзэс лыдэ басьтыса, программа ялан выль объектъёс шедёзы

Тодэ вайытом, Удмуртилэн тӧроез Александр Бречалов азьвылгес вераз вал, 2019-тӥ арын ветлыны луонтэм 157 иськем сюресъёс выльдэмын луозы шуыса.

Наши партнеры

Наверх
Вниз