Ижкар-1 °C
22 -тӥ тулыспал 2020 Кӧснунал
16+

Азино черкогуртозь сюресэз тупатъяны кутскизы Удмуртиын

  • 328
  • 0
Дэри / Удмуртия
Азино черкогуртозь сюресэз тупатъяны кутскизы Удмуртиын
Туспуктэм: «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез

26-тӥ пӧсьтолэзе Удмуртиын (Ижевск - Люк) – Азино сюресэз тупатъяны кутскизы. Со «Кышкыттэм но ӟечлыко автомобиль сюресъёс» йӧскалык ӵектосъя выльдоно улосвыл трассаосысь 23 люкетъёс пӧлысь берпуметӥез луэ, ивортэ ӵектослэн улосвыл офисэзлэн пресс-службаез.

Сюресчиос 8,87 иськем сюресэз тупатъялозы. Со сяна, 3,5 иськем гектарысь кулэтэм писпу-куакъёсты коралозы, сюрес дуръёсты юнматозы, кожонъёсты, мер транспортэ пуксён интыосты тупатозы, автопавильон лэсьтозы. Со сяна, 21 сюрес пусъёс но 82 пичи юбоос пуктозы.

Ужъёсты гудырикошкон пумозь йылпумъяны чаклало

Тупатъяно сюрес люкет Азино но Кияик черкогуртъёсты Ижкаре нуись трассаен герӟало. Черкогуртъёсын кык сюрс пала адями. Отын кӧня ке бадӟым промышленноё предприятиос но мерлыко ужъюртъёс ужало
Йӧскалык ӵектослэн улосвыл офисэзлэн пресс-службаез

Вераны кулэ, та палан сюресъёсты тупатъян кӧня ке ар мынэ ни. 2017-тӥ арын Ижкар – Люк сюреслэсь но сое Выль Ӟумъя гуртэн герӟась люкетлэсь шобретсэ выльдӥзы. Кылем арын эшшо ньыль иськемзэ тупатъязы.

«Кышкыттэм но ӟечлыко автомобиль сюресъёс» йӧскалык ӵектосъя тупатъяно мукетъёсаз люкетъёсын ужъёс мыно (10 объектъёсын) яке йылпумъямын ни (12 объектъёс)

Тодэ вайытом, озьы ик Удмуртиын улосвыл программая ветлыны луонтэм гурт сюресъёсты тупатъян ужъёс азьланьтӥсько

Наши партнеры

Наверх
Вниз