Ижкар+18 °C
24 гудырикошкон 2019 Кӧснунал
16+

Выжъёсты тупатъянъя федерал программаез дасянэ пыриськоз Удмуртия

  • 212
  • 0
Ижкар / Удмуртия
Выжъёсты тупатъянъя федерал программаез дасянэ пыриськоз Удмуртия
Туспуктэм: Григорий Фомин

Удмуртия выжъёсты выльдонъя но тупатъянъя федерал программаез дасянэ пыриськоз. Азьмурт бордын ужась стратеги азинсконъя но йӧскалык ӵектосъёсъя кенешлэн азьвалтэтаз Россиын сыӵе программаез кылдытыны ужпум пуктӥз кун кивалтэтлэн тӧроез Дмитрий Медведев, ивортэ элькунысь Транспортъя но сюрес возёсъя министерстволэн пресс-службаез.

Выжъёсты выльдон ужпум Удмурт Элькун понна туж лэчыт сылэ. Ошмесо шаерын улосвыл но муниципалкуспо автомобиль сюресъёс вылын кузьдалазыя оглом 13 иськемлэсь трос 363 выжъёс интыяськемын, пӧлазы 9 пу выжъёс. 12-ез со пӧлысь туж уродэсь ни
Удмуртиысь Транспортъя но сюрес возёсъя министерстволэн пресс-службаез

2015-2019 аръёсы Удмуртиын куинь выль выжъёс пуктӥзы: Вало шур вамен Можга – Быдӟымсурд сюрес вылысь, Сива шур вамен Вотка – Чайковск сюрес вылын, Чупчи шур вамен Полом – Поломское сюрес вылын. Со сяна, эшшо кык выжъёсты выльдӥзы но тямыссэ тупатъязы. 2018-тӥ арын ньыль объектъёсын проектно-изыскательской ужъёс ортчытӥзы, эшшо ньыльзэ нимысьтыз огазеяськонъёс эскеризы.

2019-2021 аръёсы выжъёслэсь ву вылысь люкетъёссэс эскерозы. 2020-тӥ арысен ву улысь люкетсэ эскеронъя программаез улонэ пыӵатыны чаклало. Со выжъёсты выльдон но тупатъян понна зэмлыко ужанрадлык кылдытыны луонлык сётоз. Та дыре нырысь интыын куашкан калэ вуэм но туж вужмем выжъёс. Али улосвыл министерствоын соосты тупатъяны федерал коньдэтысь валче вылысь уксё кыскон понна куриськон дасяло.

Удмуртиысь Транспортъя но сюрес возёсъя министерствоын оско, кунын нимысьтыз программа кылдытон тросгес выжъёсты тупатъяны но со ужъёсты сӧзнэто нуыны луонлык сётоз

Тодэ вайытом, туэ толшоре Балезино ёросын Чупчи шур вамен выль выжез сӥё-дано усьтӥзы. Сое «Платон» кун сӧзнэтысь коньдонэз кутыса пуктӥзы. 

Наши партнеры

Наверх
Вниз