Ижкар+5 °C
21 куарусён 2019 Кӧснунал
16+

Куать иськем пала сюресэз тупатъязы Удмуртиысь Яр ёросын

  • 705
  • 0
Яр / Удмуртия
Куать иськем пала сюресэз тупатъязы Удмуртиысь Яр ёросын
Туспуктэм: «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез

Удмуртиын Яр – Укан – Юр сюреслэсь 5,7 иськем люкетсэ тупатъязы. Со сярысь «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез ивортэ.

Ӧнерчиос изъянмем сюрес шобретэз утялтӥзы, тужгес сӧриськем интыоссэ тупатъязы, кык сӥен асфальтобетон вӧлдӥзы. Со сяна мер транспорт дугдылон кык интыосты умоятӥзы, 268 метр кенер пуктӥзы, сюрес дуръёсты юнматӥзы

Со Удмуртилэн уйпалаз «Кышкыттэм но ӟечлыко автомобиль сюресъёс» йӧскалык ӵектосъя 2019-тӥ арын тупатъям сюресъёслэн берпуметӥ люкетэз.

Тодэ вайытом, азьвылгес йӧскалык ӵектосъя таӵе сюресъёсты тупатъязы: Глазкар котыртӥ 3,3 иськем, Эгра – Глазкар трассалэсь 3,2 иськемзэ, Яр но Глаз ёросъёсын Глазкар – Яр – Пудем трассалэсь 2,9 но 3,6 иськем кык люкетъёссэ, Кез ёросын Дэбес – Кез сюреслэсь 3,6 иськемзэ но Кез – Пужмезь – Чепца трассалэсь 3,5 иськемзэ

2019-тӥ арын Удмуртиын улосвыл но муниципалкуспо сюресъёслэсь 23 люкетъёссэс тупатъялозы, оглом 94,2 иськем

 

Наши партнеры

Наверх
Вниз