Ижкар+5 °C
21 куарусён 2019 Кӧснунал
16+

Ветлыны луонтэм сюреслэсь люкетсэ тупатъязы Алнаш ёросын

  • 679
  • 0
Алнаш / Удмуртия
Ветлыны луонтэм сюреслэсь люкетсэ тупатъязы Алнаш ёросын

Удмуртиысь Алнаш ёросын Асан Техникум – Сьӧд Ошмес сюреслэсь люкетсэ тупатъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Тулыс но сӥзьыл ветлыны шуг яке ветлыны луонтэм сюресъёслэн элькун лыдметсы кулэсмыны кутскиз – Алнаш ёросын Асан Техникум – Сьӧд Ошмес сюреслэсь 1,3 иськем люкетсэ тупатъян ужъёс йылпумъямын
«Удмуртавтодор» огазеяськон

Сюресчиос кыретъёсты муромытӥзы, ву кошкон гумыос пуктӥзы. Сюреслэн инъетаз лазег интыосы сюй кисьтӥзы. Вылзэ луоен суро векчиятэм изэн но кӧльыен шобыртӥзы.

Ужъёсты «Опорный план дорожной деятельности» элькун программая висъям коньдонэн быдэстӥзы. Та дыре программае 71 сыӵе сюресъёс пыртэмын. Ветлыны луонтэм люкетъёслэн огъя кузьдалазы 582,3 иськем, гуртъёсын, кытчы соос мыно, 20 сюрслэсь трос адями улэ.

Программа улсын мынон-ветлонэз умоятон кызьы улосвыл коньдэт чотын мынэ, озьы ик сюресъёслэсь тужгес урод люкетъёссэс али ужась федерал программаосы пыртыса. Таяз арын выльдоно объектъёс пӧлы шедьымтэ люкетъёсын сюресэз возёнъя кун контрактъёс чотын мынон-ветлонэз радъяло

2019-тӥ арын улосвыл, муниципалкуспо но интыысь сюресъёслэсь 30 люкетъёссэ тупатъяны чакламын, оглом 153,1 иськем. Куиньзэ «Развитие сельского хозяйства и регулирования рынков сельскохозяйственной продукции, сырья и продовольствия» федерал программа чотын выльдозы.

Тодэ вайытом, ветлыны луонтэм гурт сюресъёсты тупатъянъя ӵектосэз туэ куать ёросъёсын улонэ пыӵато. 

Наши партнеры

Наверх
Вниз