Ижкар+5 °C
21 куарусён 2019 Кӧснунал
16+

Ижкарысь Воткае сюреслэсь люкетсэ тупатъязы Удмуртиын

  • 599
  • 0
Вотка / Удмуртия
Ижкарысь Воткае сюреслэсь люкетсэ тупатъязы Удмуртиын
Туспуктэм: «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез

Удмуртиын «Кышкыттэм но ӟечлыко автомобиль сюресъёс» йӧскалык ӵектосъя Ижкар – Вотка сюреслэсь 4,3 иськем люкетсэ тупатъязы. Со сярысь ӵектослэн улосвыл офисэзлэн пресс-службаез ивортэ.

Ижкарысь Воткае но бере сюрес умойгес но кышкыттэмгес луиз. Выльдон ужъёс Юльской черкогуртэ но Мунчогуртэ кожонъёсын бадӟым сюрес вожын быдэстэмын
Йӧскалык ӵектослэн улосвыл офисэзлэн пресс-службаез

Ӧнерчиос изъянмем сюрес шобретэз утялтӥзы, кык сӥен выль асфальтобетон вӧлдӥзы. Со сяна, сюрес урдсысь ву кошкон лотокъёсты воштӥзы, мер транспортэ пуксён интыез умоятӥзы, сюрес дуръёсты юнматӥзы. Озьы ик сюрес пусъёсты но пичи юбоосты выльдӥзы.

2019-тӥ арын йӧскалык ӵектосъя трассаослэсь 23 люкетъёссэс выльдозы, оглом 94,2 иськем. Ижысь Воткае сюрес 20-тӥез объект луэ.

Тодэ вайытом, азьвылгес Ува-Вавож сюреслэсь кыкетӥ люкетсэ тупатъян ужъёсты йылпумъязы

Наши партнеры

Наверх
Вниз