Ижкар+5 °C
21 куарусён 2019 Кӧснунал
16+

Гурт сюресэз тупатъязы Кизнер ёросын

  • 376
  • 0
Кизнер / Удмуртия
Гурт сюресэз тупатъязы Кизнер ёросын
Туспуктэм: vk.com (АО "Удмуртавтодор")

Кизнер ёросын (Кизнер – Грак) – Тыло – Шор Тыжма гуртъёс вискысь одӥг иськем кыстӥськись автомобиль сюресэз тупатъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Сюрес ёросын кыкетӥез луэ, кудзэ «Опорный план дорожной деятельности» элькун программа улсын тупатъязы

Тупатъян ужъёс улсын «Удмуртавтодор» огазеяськонысь ӧнерчиос сюрес дуръёсты писпуослэсь но мукет будосъёслэсь утялтӥзы, ву кошкон интыосты выльдӥзы: кыретъёсты муратӥзы, щебеньлэсь сӥ вӧлдыса юнматӥзы.

Сюрес ӵошкатэмын, улыгъёсаз сюй кисьтэмын. Сюрес шобрет векчигес изъёсын но щебеньлэсь но луолэсь суретэн кыкполэс расклинцовка карыса щебеньлэсь сӥен выльдэмын
«Удмуртавтодор» огазеяськонлэн пресс-службаез

Сюрес йылаз-пумаз вуттэмын но уже кутэмын. Ужъёсты «Опорный план дорожной деятельности» элькун программалы висъям коньдонлы луыса быдэстӥзы.

Наши партнеры

Наверх
Вниз