Ижкар-3 °C
22 шуркынмон 2019 Удмуртарня
16+

Дэбес – Шаркан сюреслэсь люкетсэ тупатъязы Удмуртиын

  • 173
  • 0
Дэбес / Удмуртия
Дэбес – Шаркан сюреслэсь люкетсэ тупатъязы Удмуртиын
Туспуктэм: vk.com (АО «Удмуртавтодор»)

Дэбес ёросын Шарканэ мынон сюреслэсь Шуралуд но Такагурт вискысь 3,53 иськем люкетсэ тупатъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Татын сюрес лазег интыетӥ ортче, соин ик сюресчиос нырысь ик ву кошкон сӧзнэтэз выльысь лэсьтӥзы но сюресэз ӝутӥзы. Со понна 105 сюрс кубометр пала музъем вайизы но лач-лач вӧлдӥзы, 11 ву гумыос пуктӥзы, сюрес урдсы кыретъёс лэсьтӥзы

Сюреслэсь инъетсэ дас метрозь паськытатӥзы. Собере вылаз луоё кӧльы кисьтӥзы но эшшо 20 сантиметр кӧльы вӧлдӥзы. Вылзэ асфальтобетонэн шобыртӥзы.

Со сяна, электротыл но герӟет юбоосты выжтӥзы, автобусъёслы ньыль дугдылонниос лэсьтӥзы, кык павильон пуктӥзы, тротуаръёс тупатӥзы. Озьы к сюрес пусъёс, пичи юбоос, кенеръёс пуктӥзы.   

Наши партнеры

Наверх
Вниз